تزوجت زوج اختى

بارت 27

في بداية صباح جديد، تسرّبت أشعة الشمس بهدوء، لتلقي دفئها على أبطالنا، وكأنها توقظهم بلطف ليوم يحمل لهم شيئًا مختلفًا."

وتحديدا في بيت الهام  حيث تعلو صوت طرقات الباب معلنا بوصول أحدهم ..

ام الهام بنعاس  : ياترى مين اللي جايلنا دلوقتى على الصبح

"ثم تمضي إلى الباب تستطلع هوية الطارق، فتحدّق في وجهه للحظات، لم تتبيّنه في البداية، لكن سرعان ما تذكّرت ملامحه... إنه ذاك الشاب الذي يُفترض أن يكون خطيب ابنتها."

رشاد :  اذيك يا طنط عامله ايه

ام الهام : الله يسلمك يابنى ..تعالى اتفضل جوه ميصحش تقف كده

رشاد وهو يخطو للداخل  : أنا آسف أنى جاي  بدرى  ومن غير ميعاد ...

ام الهام : لا يحبيبي متقولش كده انت خلاص بقيت زى  ابنى اللي انا مجبتهوش ..أنا الهام حكتلى كل حاجه امبارح بعد ما مشيتوا ..وحقيقي أنا مش عارفه اقولك ايه والله انت انقذت بنتى منهم ..اللي منهم لله  ودي عندي بالدنيا كلها .... انت راجل شهم واصيل ربنا يبارك فيك يا حبيبى

رشاد بحب  : أنا شكل ربنا عوضنى بام تانيه ..وعاوز اقولك انى مش مجبر ولا شهامه منى اللي عملته .أنا فعلا شوفت الهام كذه مره قبل كده وكنت حابب ادخل الباب من بابه ...عارف ان الظروف مكانتش احسن حاجه وكل حاجه جت بسرعه بس انا عاوزك تتطمنى على الهام أنا هشيلها في عيونى

ام الهام: وانا معنديش  اغلى منها ومكنتش هلاقي حد احسن منك ليها .ربنا يتمملك على خير ياحبيبي

رشاد : امين يارب ، ثم أكمل : هيا الهام فين أنا قولت أن بكره الفرح واحنا مجبناش اي حاجه فكنت جاي اخدها معايا تجيب كل الي محتجاه انهارده .

ام الهام  :  الهام لسه نايمه ياحبيبي أنا هروح اجهز الفطار وانت ادخل صحيها انت خلاص مبقتش غريب كلها بكره وتبقي جوزها ..

رشاد : حاضر طنط

ام الهام وهيا تشير باصبعها على أحد الغرف:  ادخل اهى اوضتها .. ثم ذهبت للمطبخ لتعد الفطار .

"ليدخل الغرفة، فيجد إلهام ممدّدة على السرير، ساقاها في جانب، وذراعاها في جانب، ورأسها يواجه الوسادة كمن أُغشي عليها.". فاخذ يمسك ضحكاته محاولاً ألا يصدر صوتا ......

ثم أخذ يربّت على كتفها ليوقظها، فتململت بانزعاج وهمست قائلة بتذمر : ياماما حرام عليكى سبينى انام يعنى الواحد مبعرفش ينام ٢٥ساعه على بعض فالبيت ده

"ثم أعاد فعلته مرارًا، حتى زفرت بضيق، وجلست على السرير قائلة وهي مغمضت العينين : أهو صحيت صحيت

ليتحدث رشاد بصوته الرجولى: فين صحيتى طيب فتحتى عينك حتى

"شهقت إلهام بذهول عند سماع الصوت، فهذا الصوت  مألوفًا لها، فأدارت رأسها بسرعه  نحو مصدره، لتجده هو بالفعل .