وصلنا في البارت اللى فات عندما
ذهب فهد المرحاض ووقف قدام المرايه يكلم نفسه : ليه ليه يا فهد تعمل كده ليه يحصل كده بعد ما كنت ابتديت تحب رهف ليه انا كنت عاوز اعيش حياه حلوه لو رهف عرفت دلوقتى اكيد مش هتسامحنى ولا تفكر أنها تحبنى في يوم من الايام .أنا مستهالش رهف
__________________________________
استيقظت رهف ووجدت الجميع نائمين فنهضت بهدوء واتجهت نحو المطبخ لتعد لهم الفطار ...وبعد ربع ساعه كانت قد أنهت الفطار وذهبت لتوقظهم
رهف وهيا بتصحى الهام
رهف : بت يا الهام يابت اصحى
الهام بنعاس : متسيبنى انام شويه انتى بارده كده ليه
رهف : ما احنا نمنا مع بعض امبارح وادينى اهو صحيت
الهام بتأفأف وهي تجلس على السرير بنعاس : وانا مال امى أنا انتى متعوده تصحى بدرى زنبى ايه انا
رهف : بدرى ايه يا مقصوفة الرقبه الساعه 9
الهام :خلاص يا وش الفقر صهللتينى مش هعرف ارجع انام تانى
رهف بضحك :احسن برضو يلا روحى اغسلى وشك عقبال ما اصحى باقي الميتين
الهام بغيظ : ماشي يا ختى
وبالفعل اوقظت رهف البقيه ووضعت الفطار على السفره وتناولوا الجميع الفطار معًا
_________________________________________
في الشركه ....
رشاد بصدمه : ازاى يحصل كده يافهد
فهد : زى ما حكتلك كده انا مش عارف حصل ازاى انا قرفان من نفسى .
رشاد : متزعلش نفسك يا صحبى
فهد بغيظ : ماهو كلو منك انت ومن عمايلك السوده اقولك تعالى نسهر خدتنى في مكان اللى يدخل فيه بس يسكر منك لله يارشاد
رشاد : وانا مالى ياعم انت اللى تقلت في الشرب بس ده انت قولتلى حاجات حلوه اوى امبارح وانت سكران وغمزه .
فهد : حاجات حاجات ايه دى اللي أنا قولتها
رشاد وهو بيقلد فهد : عارف يا رشاد أنا بحب رهف
فهد بصدمه : انا قولت كده
رشاد : ايوه يا صايع قولت كده اومال لما انت بتحبها كده قارفنى ليه معاك وقارف نفسك ومخبي ليه اصلا دى مراتك على فكره .
فهد بحزن : ههه حتى لو كنت خلاص ابتديت احبها بس هيا لو عرفت اللى حصل مش هتحبنى وهتكرهنى ومش هتثق فيا
رشاد : متبقاش غبى يافهد وتضيعها انت مش قولت انك حذرت ستى زفت بوسى دى وقولتها متقوليش لحد فخلاص اكيد مش هقول وهيا يعنى اكيد إجازتها قربت تخلص وايام وتسافر ..
أنت تقرأ
تزوجت زوج اختى
Romanceيشاء القدر أن يغير الحياه بلحظات قليله فتكون الحياه سايره مثل ما يرام ولكن تاتي الرياح بما لا تشتهي السفن٠ قصتنا هتكون مختلفه عن أي روايه قرأتوها قبل كده هتكون من نوع خاص مزيج بين الدراما والغموض والتشويق والحب والقسوه والحنان والفاكهه دي اول روايه...
