في قصر كبير صاحبه فهد المنياوي قصر يجمع بين الثراء والفخامه يدور حديث بين
مامت فهد: فهد انت خلاص لازم تتجوز
فهد :ماما أنا قولتلك رايي في الموضوع ده مش هتجوز تاني افهمي بقا
مامت فهد : حرام عليك أنا كبيره فالسن مش هقدر اربي عيالك ده غير انك جبت ١٧ مربيه اطفال وبناتك رافضينهم كلهم ومش بيرضو يتعاملوا معاهم البنات من ساعت ماماتهم متوفت وهما عاوزين حنان ام انت ااه حنين عليهم بس انت دايما مشغول عنهم وهما في السن ده عاوزين حد يبقي بيحبهم بجد وهما يحبوه علشان يعرف ياخد باله منهم
فهد : مش مشكله عادي هجيب مربيه تاني وعاشر لحد ما الاقي وحده يحبوها
مامت فهد :انا تعبت معاك امهم متوفيه بقالها ٧ شهور وانت لسه برضو مش قادر تتخطي الموضوع ده والبنات هما المتبهدلين في الفتره دي كل اسبوع مربيه شكل مينفعش كده
فهد : ايوه يعني عاوزاني اعملك ايه
مامت فهد : تتجوز رهف خالتهم علشان هو.............
فهد بصدمه :رهف اشمعنا يعني رهف
مامت فهد : علشان رهف خالتهم وبتحبهم جداا وهما كمان بيحبوها ومحدش هيخاف عليهم ويحبهم ويعوضهم حنان الام غيرها
فهد : بس انا مش عايز اظلمها معايا ده غير أنها لسه صغيره
مامت فهد : احنا هنكلم ابوها وأبوها يقولها وافقت خير وبركه موافقتش اعمل اللي في دماغك انت
فهد : أنا موافق بس علشان بناتي وأنها فعلا هتاخد بالها منهم بس هيا ملهاش عندي غير اني اصرف عليها ومنقصهاش حاجه مقابل أنها تاخد بالها من البنات كأنها مربيه يعني
مامت فهد : حرام عليك ادي لنفسك فرص.........
فهد بصرامه:أنا قولت اللي عندي غير كده مش موافق واقفلي الموضوع ده
مامت فهد :خلاص اللي انت تشوفو أنا انهارده هكلم ابوها واللي فيه الخير يقدموا ربنا
___________________________
في مكان آخر في احياء متوسطت الحال ليس بالاغنياء وليس بالفقراء يصدر صوت عالي من شقه محمد الشفعي
محمد ابو رهف : رهف يا رهف
ام رهف : استني شويه طيب دي لسه جايبه الشهاده وفرحانه بمجموعها وقاعده تكلم أصحابها متكسرش فرحتها دلوقت
ابو رهف بلا مبالاه بحديثها :يارهففففف
تخرج رهف من غرفتها على صوت الصياح باسمها
رهف : نعم يا بابا حضرتك عاوز حاجه
ابو رهف :ايوه عاوز اقولك حاجه
رهف :اتفضل يا بابا
ابو رهف :طبعا انتي عارفه اني بحبك انتي واختك الله يرحمها علشان أنا مليش غيركم في الدنيا وبحب بنات اختك الله يرحمها زييكم بالظبط
رهف :ايوه يا بابا ايه لازمت الكلام ده دلوقت
ابو رهف :رهف ام فهد كلمتني وعايزه تجوزك لفهد علشان انتي اكتر حد هيحافظ ع البنات دا غير انهم بيحبوكي وبيموتو فيكي وكمان هما رافضين اي مربيات فهم يجبهالهم
رهف بدموع :حرام عليك يابابا يعني ايه اتجوز فهد زوج اختي الله يرحمها دا انا بعتبره اخويا متدمرليش مستقبلي اللي لسه هبتديه أنا لسه كنت فرحانه بالشهاده اللي لسه ظاهره علشان ادخل هندسه حلم حياتي
الاب محمد :كلامي يتسمع أنا بقولك مش باخد رايك فهد راجل محترم وعمر اختك الله يرحمها مجت مره زعلانه منه وبعدين انا مش مجوزك ليه غير عشان عيال اختك حرام عليكي مش انتي تربيهم احسن ميجبلهم مرات اب تطلع عينهم وبعدين دول بيحبوكي اووي وانتي كمان بتحبيهم
رهف بعياط :أنا بموت فيهم بس دا ميمنعش اني عاوزه ادخل الكليه اللي سنين حلمت بيها وانا لو اتجوزت فهد علشان اربي العيال مش هقدر علي الكليه
الاب محمد :ههه ومين قالك انك هتروحي الكليه اولاد اختك اهم مش لازم كليه ما انتي معاكي شهاده ثانويه وجايبه فيها ٩٨ فالميه يعني مش مهم الكليه دا غير انك لما تتجوزيه مش هتبقي محتاجه للشغل
رهف :بابا افهمني أنا عاوزه اشتغل مش علشان الفلوس أنا عاوزه اثبت ذاتي وان سنين تعليمي مرحوش ع الفاضي و............
الاب بمقاطعه :أنا قولت اللي عندي كتب الكتاب الاسبوع الجاي
يتبع
أنت تقرأ
تزوجت زوج اختى
Romanceيشاء القدر أن يغير الحياه بلحظات قليله فتكون الحياه سايره مثل ما يرام ولكن تاتي الرياح بما لا تشتهي السفن٠ قصتنا هتكون مختلفه عن أي روايه قرأتوها قبل كده هتكون من نوع خاص مزيج بين الدراما والغموض والتشويق والحب والقسوه والحنان والفاكهه دي اول روايه...
