Sa buong araw ngayong lunes, hindi ko na ganoong nakikita si Seth gaya ng dati, madalas kami magkita at mag usap.
Ngayon wala siya sa may ilalim ng puno ng mangga kung saan siya tumatambay kapag break at uwian. Doon siya kumakain at gumagawa ng assignment.
Nagalit yata siya dahil nadamay ko yata sya sa problema namin ni Jessia. Kinausap na ng Guidance si Jessia at si Brody. Akala ko ay masasama ako pero hindi naman ako tinawag at nagulat naman si Phoebe nung pumasok siya.
Sabog at magulo ang buhok naming dalawa ni Jessia, ako ay tulala lang at si Jessia ay lumuluha habang nagtatalo sila ni Brody sa harap ng maraming tao.
"Namimiss mo noh?" Singit ni Phoebe na nakaupo sa tabi ko.
"Anong namimiss ka diyan." Iniwas ko ang tingin ko sa kanya at ibinalik sa may puno ng mangga kung saan siya madalas na tumatambay.
"Sus itatanggi mo pa eh alam ko naman kung sino at ano ka." Hinampas pa niya ako sa braso ko kaya hinawakan ko dahil masakit siya manghampas.
"Ewan ko sayo Phoebe." Naiwika ko dahil nakakapagod ang araw na ito.
Nadagdagan ng dalawa ang gagawin ko. Perks of having 9 subjects at 7 kada araw.
"Parang sasabihin mo lang na Crush kita Seth eh, wala naman siya ah." usal ni Phoebe at pinipilit ako na sabihin ang linya na iyon pero ayoko 'di ko sasabihin iyon.
Nasa tamang pag iisip pa ako para gawin ang kabaliwan niya.
"Ang arte mo naman! Alam mo bang pinagtanggol ka no'n kay Jessia nung Friday." Chismis niya sa'kin.
Kaya pala, kaya pala may naririnig na naman ako patungkol sa kanya at sa pamilya niya.
Nakakahiya sa kanya lalo. Ako wala akong kayang ilaban para sa kanya dahil marami sila, once na labanan ko ang isa, lahat sila lalabanan ako.
Hindi ko alam kung bakit ang sama sa kanya ng mundo at tao. Grabe ang dinanas niya sa murang edad, ang mga dapat na ginagawa niya bilang isang teenager ay naging puro responsibilidad sa pamilya.
Selfless siya basta pagdating sa mga taong mahal niya.
Isa iyon sa napansin ko sa kanya, family oriented siya at higit sa lahat may plano siya palagi.
"Dali na sabihin mo na Crush kita Seth." Pagpupumilit ni Phoebe at hinihila ang kamay ko para hindi ako makaiwas.
"Oo na sige na!" Pagsuko ko at hindi na inihanda ang sarili.
"Crush kita Se-" napahinto ako sa pagsasalita ng may dumating.
"Ikaw ha." Anas ni Brody na nasa harap namin ngayon ni Phoebe nasa likod nito ay ang papalapit na si Seth.
Agad nanlaki ang mata ko ng marealize ko na muntikan na niya ako marinig.
Umupo sa kabilang side ko si Brody at inakbayan ako. "Sinong crush mo ha."
Humagikgik si Phoebe at ganoon din si Brody. Nanlalamig ang kamay ko dahil sa pang aasar nila at sa pagtabi ni Seth sa tabi ni Brody.
"W-wala yon." Pagtanggi ko at tumatawa na silang dalawa ni Phoebe.
"Tigilan mo nga yang pang aasar mo sa kanya." Sabat ni Seth ng akmang aasarin ako ni Brody.
"Di pre, tinatanong ko lang kung sinong crush niya mukhang nagpa practice na eh." Tugon ni Brody kay Seth at umiwas ng tingin si Seth.
"Sino naman yang natitipuhan mo?" Pagputol ni Seth sa sasabihin pa sana ulit ni Brody.
Ito pala ang pakiramdam na tinatanong ng taong gusto mo kung sino ang natitipuhan mo.
