ජනෙල්වලින් ඉර එළිය ජන්කුක්ගෙ මූණට වැටෙද්දි කොල්ලා හෙමින් හෙමින් ඇස් ඇරියේ ඒ එළිය ඇස්වලට හුරු කරගන්න ගමන්. ජන්කුක් ඇඳ උඩ අත එහාට මෙහාට කරා. ඒත් ඇඳ උඩ බෙලා නෑ කියලා දැනෙද්දි කොල්ලා නැගිටලා හිරි අරින ගමන් කිචන් එකට ගියෙ කෙල්ලව හොයාගෙන. ජන්කුක් යද්දි බෙලා කිචන් එකේ උයනවා. ජන්කුක් ෆ්රිජ් එක ළඟට ගිහින් සුපුරුදු පරිදි බනානා මිල්ක් එකක් අතා ගද්දි කෙල්ල කතා කර..
" ජන්කුක් අද ඔෆිස් ඉවර වෙලා හවසට ඔම්මා බලන්න යමුද? "
" මට එන්න බැරිවෙයි බෙලා වැඩවගයක් තියෙයි."
" හ්ම්ම් "
" අදට ජැක් එක්ක යන්න.. ඔයා ඕෆ් වෙන වෙලාවට මැසේජ් එකක් දාන්නකො මන් ජැක්ට කියන්නම් "
බෙලා ඔලුව වනලා ආයෙත් කර කර හිටපු වැඩේට අවධානෙ දුන්නා. බෙලාට ඔම්මගෙ ගෙදර යන්න ඕන වුණේ ඔම්මව බලන්නම නෙවෙයි. හැරිස් නැතිවෙලා දවස් තුනක් ගෙවුනත් කෙල්ල තාම සෙමෙට්රි එකට ගියෙ නැහැ. බෙලාට හිතාගන්න බැරුව හිටියෙ යන්න ඕනද නැද්ද කියලා. පස්සෙ හැරිස්ගෙ මරණෙ ගැනත් කියලා ඔම්මා එක්කම සෙමෙට්රි එකට යන්න කෙල්ල තීරණේ කරා.
හවස් වෙද්දි කම්පැනි එකේ වැඩ ඉවර වෙලා කෙල්ල ජැක් එක්ක ඔම්මාලගෙ ගෙදර යන්න පිටත් වුණා.
" ඔම්මා "
" ඇයි දුව "
" දැන් දවස් තුනකට කලින් අප්පා නැති වුනා ඔම්මා "
මිසිස් පාර්ක්ගේ ගෙදර ගිහින් ඔම්මා හදලා දුන්න තේ එකත් බොන ගමන් බෙලා කියද්දි ඔම්මාගේ ඇස් ලොකු වුණා. බෙලා බුසාන් වලදි වුණ සිද්ධියත් ඔම්මට කිව්වා.
" ඔම්මා දැන් හවස් වෙලානෙ අපි හෙට සෙමෙට්රි එකට ගිහින් එමුද? අප්පා කරපු දේවල් වල හැටියට යන්න හිතෙන්නෙ නෑ තමයි.. ඒත් නමට හරි ඒ අප්පානෙ "
බෙලා අන්තිම වචන ටික කිව්වෙ ඇහෙන නෑහෙන ගානට..
" බෙලා "
මිසිස් පාර්ක් තමන් ඉඳන් හිටපු තැනින් නැගිටලා බෙලා ළඟින් ඉඳගෙන කෙල්ලගෙ අතකින් අල්ලගත්තා.
" ඔයා මෙච්චර කාලයක් නොදැන හිටපු දෙයක් තියෙයි "
" ඒ මොකක්ද ඔම්මා "