طيفك ماف

11

م عارفه كيف لكن ف صوت كدا قريب لصوتي لكن نبرتو كدا حقت هظار قال حتتعودي كتير يا بيبي!!..
طبعا بتكلم بلساني وانا شايفه شفايفي بتتحرك لكن انا م قادره اوقفها!! مخلوعه شديد كنت بالوضع واكيد نفسي اصرخ بس م قادره حرفيا فقدت القدرة على التحكم بنفسي!!
الصوت دا تاني اتكلم وقال تؤ تؤ تؤ هسه مالك مركبة مكنة المظلوم مششششم.. المهم انا رزان!! رزان القاعده جواك من زمان يا🤣قولي لي رزة,, شخصيتي م محتاجه تعريف او مع الوقت حتعرفيها انا ظريففففة وجني هظار وضحك ومستهترة والمهم م قادرة اعبر حتعرفيني اكتر مع الوقت والايام بيناتنا يا الاصلية.. والبقاء لي لازم اكون انا الشخصية الرئيسية الحتطلع وحابقى انا بدلك للابد لانك انسانه قليلة ادب وكئيبة وتفكيرك متشائم وسلبي وانا استاهل اكون ف العالم اكتر منك لاني بضحك الناس وبنشر الايجابية!! فجاة ف صوت تاني الي هم كلهم قريبين لصوتي بس باسلوب تاني!! اتكلم الصوت دا قال ليها خلاص يا عمتو الحجة كفاية عليك!! دوري!! انا سلمى.. بحب القوة و..
المهم استمر الكلام كدا وبقى كل مرة صوت جديد يتكلم يقعد يقول اسمو ويعرف نفسو وفي النهاية كل واحد فيهم بقول انو هو اليستاهل يطلع! وانا م فاهمه شي وطبعا خلاص دخلت ف حالة مبالغه نفسي اصرخ واعمل كل شي.. بعد مسافه طويله مع الجهاد والتركيز والقوة حتى قدرت اتكلم واسكت الاصوات كلها وكوركت كوريكة واحدة! بقيت شغاله اقول لا حول ولا قوة الا بالله ربنا ابعد عني الشي دا ايا كان وبقيت ادعي كتير من جوا قلبي! تقريبا دي النقطه البديت اتغير فيها دينيا جد.. طبعا بالكوريكة امين صحى مخلوع وكان عايز ينفعل بس مسك نفسو م بعرف مالو.. المهم مسح وشو بيدو وقام مشى الحمام وانا لحدي اسه م فاهمه الحاصل شنو.. م عارفه لي عملت كدا لكن دخلت مسحت كل تطبيقات التواصل حسيتهم بسببو لي ضغط..
المهم بعدها جيت قاعده متمحنه م عارفه اعمل شنو.. بقيت شغاله احولق كتير وفجاة كدا جاني ايحاء.. كان ف شاشه جمبنا تقريبا هي شاشة ذكية (من كترة م الفندق فخم).. المهم قلبت فيها كدا لقيت فيها يوتيوب كتبت قران كريم ياسر الدوسري وفتحت سورة!! م ضروري اقول اسم السورة لانو كل كتاب الله فيه شفاء❤ المهم حسيت براحة كبيرة.. جا امين طالع من الحمام بتثائب وصاري وشو وحالتو بالبلاء وبنهرة كدا قال قفلي الزفـ.. م تماها براهو وقف كدا واخد صنة بعدين نزل راسو وقال آسف.. طبعا اتجاهلت حقيقة انو ممكن والعياذ بالله كان عايز يقول على القران الكريم زفت؟!؟! المهم بعدها قاطعنا صوت الباب بدق وصوت كدا منظم بقول الخدمات..
امين مشى فتح الباب ج شايل صينية فيها كبايتين شاي لبن ومعاهم بسكويت وحلى وبيض معمول ك مفن وفواكه استوائية ومربى وجبنة وكم حاجه تانيه لكن صراحه م ركزت.. لما شفت الاكل فجاة كدا في صوت جواي اتكلم ( هو م بتكلم جواي هو بتكلم بلساني عديل وبدون اذني كمان يعني صوتي بمرق والناس بتكون قايلة بتكلم انا ) قال ايه الجمال دا ياسلام ايييييوا دا الكلام الصح نبتدي اليوم بطبق طبقين من الاكل (كان بتكلم مصري يعني القاف قالها الف).. امين بقى يعاين لي بخلعة لانو اساسا عارف اني بكره المصريين عمى ف من وين اتقنت اللغة دي.. فجاة ف صوت عميق اتكلم قال يا سندس احنا موجودين جواك من اول يوم الم من اول يوم ابوك ضرب امك قدامك وانت رضيعة ومن قبل يوم امك ماتت قدام عيونك.. طبعا قادرين تتخيلو انو الصوت بتكلم كانو انا يعني امين شايفني انا بتكلم كدا!!! كان منطط عيونو ومخلوع وبلع ريقو 16 مرة وفي النهاية مرق من الاوضه بطريقة اشبه بالجري!! ف صوت تاني اتكلم قال ي شيييخه لا تدرشينا بسوالفك الغثيثة عن الاكل من اول اليوم كذا!! والصوت المصري بقى يتكلم وهم بتشاكلو كل مرة زول يتكلم بلساني طبعا حلقي وجعني من كترة الكواريك!! فجاة صوت تاني قال ليهم اصلا الاكل دا كلام فارغ البقاء لعدم الاكل والجوع!! نعم لانو وزن الجسم يكون 10 كيلوجرام! الصوت المصري كورك فيها وبقو يتشاكلو تاني وانا طبعا فاقدة السيطرة جد حتى م قادره اصرخ ولا ابكي ولا اوقفهم ولا حتى اغطي اضنيني!!! في صوت كدا اتكلم قال ليهم بنوتات هوايه احب مشاكلجم هاذي بس الرئيسة وااضح مو مستعدة الحين خلنا نغيب كم اسبوع ونرجعلها! طبعا انا م فاهمه شي لكن جد وصلت حد من كل حاجه،،،. الاصوات تاني بقت تكورك،، بقيت اسمع كواريكهم ببرود،، تمو كم وقت كدا حتى سكتو واستعدت قوتي مع انو ف واحده كانت عايزه تمرق تتكلم لكن الحمدلله قدرت اقوم.. المهم امين ج راجع وهو بعاين لي بنظرات ريبة.. قال لي م اكلتي؟! قلت ليهو بصوت راجف م تجيب سيرة الاكل اسه بجوطو تاني.. طبعا هو استغرب من كلامي الغريب + من اسلوبي الضعيف دا وانا كنت بتكلم معاهو بحدة وكواريك! كنت ماشه احضنو بس مسكت نفسي واتذكرتو منو! قلت ليهو اكلت انت؟ م عارفه ليه سالتو كدا لكن اساسا كنت ف حالة كلها ف غرابه.. قال لي اي بره مشيت قريب هنا.. قلت ليهو قول الحمدلله.. قال لي بسخرية اليشوف شغيلك للقران اول الصباح وكلامك اسه يقول انتِ الشريف الرضي.. ناسيه لما.. قبل م يتم كلامو ف حاجه جواي الي هي برضو م انا اندفعت نحوو قالت شادن الريانية وصلت يا رفاق والبقاء لي لاني الاقوى والقوة في الجسد قبل الشخصياااااااااااااااااااااااااو.. طبعا الكلام دا كلو وانا جارية وصلت امين وخنقتو ورقدتو ف الارض طلعت بقيت انطط فيهو واخبطو ودخلت ف حالة غريبه وكانت قوتي هائلة! طبعا د كلو م انا.. المهم ف النهايه شلتو جدعتو على الحيطه وبكل برود شلت من جيبو سيجارة وبقيت اسجر!! دي مااا انا والله ياخ.. فجاة طلع صوت ناعم قال ليها يا شادن انتي م بنوتة ولا شنو دا شنو دا.. شادن طلعت لفظ اكعب من حياتي وبقو يتشاكلو.. انا اخيرا لقيت القدرة ادخل ف شكلتهم وقلت ليهم بكواريك ياااااااااااخ اسكتو كلكم طلعتو زيت زيت زيت زيتنا!!!!!!!!!!!!!! طبعا امين راقد ف الواطه وهو مجرح وحالتو صعبه وبعاين بعيونو واظنو دخل حالة صدمة!! المهم فجاة كدا صحيت لقيت نفسي نمت وانا ببكي ف المصلاية يعني دا كلو كان حلم!! جد ارتحت شديد وحمدت ربنا كتير وبالجد فرحت لما قربت ابكي من الفرح لكن صراحه شبعت بكاء الليله..
المهم شغلت قران سمعت شويه وبعدها فعلا قاطعني صوت الباب بدق!! امين كان لسه نايم لكن بالصوت كدا صحى.. انا مشيت فتحت الباب بهدومي ديك هي صح م كعبه وواسعه شدييييد لكن فجاة كدا انتبهت لنفسي لكن ارتحت لما لقيت الفي الباب مرة.. (مع انو زمان كنت بحوم بهدوم كاشفه عادي و م بهتز لي جفن والليله اللبسه د ارحم بكتير وبعد دا ضميري صاحي سبحان الله والحمدلله).. كانت مبتسمة ومادة صينية فيها زي الفي الحلم لكن م نفسو بالظبط الحمدلله يعني ياهو شاي وفطور راقي وكدا.. شكرتها ودخلت ختيتو وقفلت الباب.. امين قام يتمطى ويتلولو الباطل زي البنات المهم دخل الحمام وبعدها جا وقعد ياكل،،... انا نفسي قفلت بعد شفت خلقتو ف قلت ح اكل بعد م هو ياكل او حاتصرف المهم.. هو م اكل كتير اساسا وقال لي انا مارق ماشي الاقي اصحابي واساسا حافطر معاهم تاني خليت الفطور دا ليك انتِ.. لكن جهزي حاجاتك وكدا لانو الساعه 4 عصر طيارتنا على تونس حنقعد فيها كم ساعه كدا ومنها ح نتوجه على وجهتنا الاصلية وهي اندورا.. قبل م اقول شي قال لي عارفك عايز تعرفي اندورا دي شنو.. قام طلع جوالو طبز فيهو مسافه بعدين قال:


أندورا (بالكتلانية:Andorra)، رسمياً إمارة أندورا (بالكتلانية: Principat d'Andorra)، كما تدعى أيضاً باسم إمارة وديان أندورا (بالكتلانية: Principat de les Valls d'Andorra)، هي دولة حبيسة صغيرة جنوب غرب أوروبا، تقع في جبال البرانس الشرقية وتحدها إسبانيا وفرنسا. تعد أندورا سادس أصغر دولة في أوروبا حيث أن مساحتها تبلغ 468 كم² (181 ميل²) وبلغ عدد سكانها نحو 85.645. عاصمتها هي أندورا لا فيلا وهي أعلى عاصمة في أوروبا حيث تقع على ارتفاع 1,023 متر. اللغة الرسمية هي الكتلانية على الرغم من استخدام الإسبانية والفرنسية والبرتغالية بشكل شائع.

شكلت الإمارة عام 1278. ويمارس دور العاهل أميران مشتركان هما رئيس الجمهورية الفرنسية وأسقف أورغل، كتلونيا.

أندورا بلد مزدهر ويرجع ذلك أساساً لقطاعها السياحي، التي يخدم ما يقدر بـ10.2 مليون زائر سنويا، كذلك بسبب وضعها كملاذ ضريبي. أندورا ليست عضواً في الاتحاد الأوروبي، لكن اليورو هو العملة الفعلية. يمتلك شعب أندورا رابع أعلى متوسط مأمول لحياة الإنسان في العالم عند الولادة بنحو 82 سنة.

قلت هه عامل فيها مثقف وهو عشان يقرا الكلام الا فتح قوقل.. واساسا م فهمت من كلامو ولا كلمه.. قال لي بالمختصر المفيد اندورا دي بلد واقعه ظط ف النص بين اسبانيا وفرنسا.. يعني ف حدودهم.. وعديل كدا لا لامه فرنسا لا لامه اسبانيا لكن ممكن منها نمشي للدولتين ديل لو عايزه لانها طبعا قريبه شديد ليهم وفرنسا واسبانيا دولتين م محتاجين وصف و م بتفوتو اصلا رهيبين شديد طبعا.. البلد جميلة شديد وكتير ناس بمشوها ف م غريب انو عرسان يمشوها لشهر العسل.. لما قال كد قعدت اضحك لانو انا لسه اصلا م مستوعبه انو عرسنا وكمان ماشين شهر عسل شايفه الموضوع كلو كذب كذب كدا.. عاين لي مسافة وواصل كلامو.. قال البلد فيها جبال كتيره جدا وغالبا بتكون مغطاة بالثلوج وبالنسبة لسكانها الجو معتدل وبارد حتى ف الصيف لكن احنا ك ناس عايشين هنا حنشوفها جليد عديل.. لكن فيها معالم حلوة شديد وفيها حتات واقعه جمب البحر.. قعد يتكلم ويتكلم وانا م مركزه زاتو بس دايراهو يطير من وشي.. وفعلا خلص كلامو كدا قال لي المهم استعدي وبتمنى ليك يوم حلو ومرق..
قلت دا مالو دا فجاة عايز يعمل فيها لطيف وظريف وكمان جاب ليها بتمنى ليك يوم حلو قايل نفسو خواجي ولا شنو.. المهم صراحه الاكل كان مغري شديد لكن نفسي قفلت من شوفة وش امين دا ف المهم صورت الاكل (صح بعد م صحيت من الحلم نفذت حكاية اني مسحت كل التطبيقات حتى السناب شات ف بقيت بصور بالكاميرا العادية) وبعدين بقيت اكل بطرف اصابعي.. اكلت شويه بعدين قلت انتظرهم يجو يرفعوهو وفعلا بعد شويه جات بت لكن انا للاحتياط لفيت الطرحه وحجبتها لما استغربت ف روحي.. شالت الفطور وجابت كم حاجه كدا ختتهم ومرقت غايتو م ركزت شديد.. المهم بقيت افكر اسه اعمل شنو.. قلت استف الشنط عشان بعدين مسافرين اتذكرت انو اساسا انا هسه بشنط و م فكيتها.. المهم عاينت للساعه لقيتها 9 ونص قلت الوقت م عايز يمشي👊🏿 المهم فكرت كدا مسافه بعدين قررت اتصل على اسراء.. اتصلت اتكلمت معاها وكان واضح اللهفه ف صوتها المهم حكيت ليها كل شي حصل من فارقتها لاسه حتى الحلم حكيتو ليها،، قالت لي خير اللهم اجعله خير انا ساي كدا وانا بسمع فيهو اتضايقت ربنا يلطف بيك يا سندس يا بت قلبي.. قلت ليها ان شاء الله ياخ اها الخبر شنو والبنات كيف.. قالت لي يادوب بعد العرس المعكسر ف البيت داك اتفرتق لكن انا نون بايته معاي.. وطبعا لقينا رسايلك ف القروب وردينا ليك (طبعا احنا قروبنا نوع القروب البتجي 1000000000000000000 رساله ف الدقيقه الواحده يعني نشط شديد وطوالي شغالين فيهو حرفيا القروب دا مكانتو كبيرة شديد).. ف هسه انا لو يوم رجعت الواتس اكيد حالقى رسايل لما تلفوني ينفجر مع انو مدة بسيطة شديد.. اسراء قالت لي يا بت كلنا لاحظنا اختفائك وقلقنا وهسه انا دايره اضرب ليك رصيد،،،.. طبعا نون قالت عروس جديدة متوقعين منها شنو اكيد م حتخش وكلنا هجنا فيها قلنا ليها عرسة طبيعية هي؟ ردمناها ليك ردم😂💔💔 قلت ليها هه ي زولة المهم اتونسنا شويه وقفلت على كدا,, حسيت نفسي نعسانه، اتذكرت اي صح نمت الساعه ديك لكن برضو انا شبه صاحيه من 4 صباحا غير انو اساسا امبارح لما وصلنا الفندق الوقت كان متاخر شديد.. فعلا رقدت ف السرير الصراحه سرير الفندق مريح شديد وكل شي فيهو ناعم جد جد تتمنى انك م تصحى.. المهم تاني م صحيت الا بصوت القشر داك شغال يقول لي دندونة قومي قلت د شنو دا كل يوم بي دلع جديد قبيل اتجاوزت ليهو ننو لكن المرض النفسي مشكله!! طبعا دا كلو وانا مغمضة،، لما كتر نقتو فتحت عيوني، قلت ليهو بزهج في شنو ياخ. قال لي خلاص براحه اهدي حبيبي م تنفعلي. قلت ف نفسي حبة التخنقك وتريحنا منك ي قادر ي كريم. قال لي الساعه اسه 2 ضهر يعني باعتبارنا اتاخرنا لانو الطيارة 4 عصر مفروض كان من 1 ضهر نكون حضور.. يلا قومي اجهزي بس سريع مسافة انزل الشنط العربية.. طبعا هو كان لابس وأي شي.. انا سريع مشيت استحميت ولبست عباية رمادية عادية جدا ومعاها طرحة بيضاء على رمادي كدا. تعبت عشان القاها عشان اساسا انا بلبس متبرج م حصل لبست بالحجاب الشرعي.. وغير كدا ياهو مواهب ماليه لي شنطتي هدوم مخشلعه.. صح برضو ف تياب بس م كان نفسي البسها خالص دا لو عرفت البسها اصلا!!.! وقفت قدام المرايه ولفيت الطرحه حجاب كووييس م خليت ولا شعراية تظهر ولقيت دبابيس الحمدلله دبست كمان.. وطلعت بقيت اتلفت فجاة جا امين داخل قال لي خلاص بعد دا ارح نمـ.. قبل م يتم جملتو وقف وبقى مبحلق فيني وهو مخلوع سمعتو قال بصوت واطي دي دخلت الاسلام فجاة ولا شنو.. قلت ليهو من يومي مسلمه الحمدلله.. اتخلع كان داير يقول كيف سمعتيني لكن تاني سكت.. ضحك ليهو ضحكة غريبة كدا زي حقت حميدتي ف مقابلة الجزيرة 🤣💔 بعدها غير الموضوع ومحاولاتو ف تلطيف الجو مستمرة.. وانا سافهاهو طبعا ماشين ف الممر دخلنا الاصانصير وقفل، ضغط G عشان نمشي الطابق الارضي، طبعا ف مراية الاصانصير هو شايل تلفونو قام قال لي ارح نتصور.. حمرت ليهو قال لي خلاص م تاكليني.. قام صورنا براهو يعني بمراية الاصانصير هو واقف وانا واقفه جمبو طبعا قدامو بظهر زي الشافع قدام عمود الكهرباء ماشاءالله🤣.. المهم لما وصلنا وطلعت برا لقينا صحبو ف العربية راكب.. امين مشى ركب جمبو قدام وانا ركبت ورا واتحركنا لحدي م وصلنا المطار.. نزلنا، الولد ودع امين، لما ج يودعني كنكشت كدا وزحيت بعيد قبلت بالجهة التانيه خليتو هو وامين مستغربين..
بعد مشى انا وامين دخلنا المطار جوا وعملنا الاجراءات وبقينا قاعدين ف الصالة جوا.. جات كدا بت ماشه قامت اول م شافتني جات علي بي فرحة قالت اووو سندس.. قلت ليها وين يا فردة وقمنا سلمنا على بعض وبقينا نتونس خلينا امين مستغرب🤣 طبعا البت كانت لابسه لبس موظفين يعني واضح انها شغاله ف المطار.. قالت لي كان تجوني امرركم طوالي.. طبعا دي ليندا اخت لين صحبتي🤣❤ المهم مشينا واحنا بنتونس لما مرقنا برا الحتة، ولا سالت امين ولا عارفاهو قال شنو المهم بقينا نتكلم كدا لما هي ف زول لفتها وجاها شغل مهم،،.. قبل م تمشي جات حضنتني وودعنا بعض ومشت محل شغلها..
وانا راجعه عايزه اخش الصاله حقتنا لقيت راجل ماشي مع مرتو صراحه مرتو اقل م يقال عنها قنبلة نووية ماشاءالله تبارك الله سمحه شديد وهو اسمح.. اتذكرت رواية خلقت من ضلعه حقت شهد عبدالله🤣❤ ياهو نفس شكلهم وهم ماشين وماشاءالله تبارك الله حلوين شديد مع بعض.. الراجل قمحي طويل وملتحي ومعضل وسمح وياهو كل مواصفات الراجل المثالي ديك،،... وانا ماشه وبعاين ليهم اتعترت وكنت حاقع بس الله ستر🤣 بقيت اضحك ف روحي وسرعه خشيت رجعت محل م كنا لقيت امين قاعد وصاري وشو، م اشتغلت بيهو كتير ولا هو سألني.. طلعت تلفوني اشوف الساعه كم لقيتها 3 وشويه.. قبل م اعمل اي شي تاني نادو طيارة كدا قام امين وقف وقال لي يلا وبقى شايل الشنط وهي كتيره شديد عليهو شي جاري شي شايل وواضح انو قرب يموت بس م طلب مساعدتي وانا ولا فكرت اساعدو😂😂😂😂😂 بالعكس كنت مبسوطه بالتعذيب النفسي دا وشويه وحاصورو بس وصلنا الحته وعملنا الحاجات خلاص وساقونا بالبص للطيارة لانو طبعا مطار الخرطوم المتخلف م فيهو ممر السعادة🤣💔 والسلم كان سلة روح لأمين بالذات لانو شايل الشنط، ف النهاية ف زول جا ساعدو.. المهم قعدنا مسافه ف الطيارة قبل تتحرك.. نمت شويه ولما جابو الاكل كان لذيذ اكلت الحمدلله وتاني حضرت فيلم حتى وصلنا🤣🤣 مدينة تونس الي هي عاصمة تونس..
نزلنا ف مطار تونس قرطاج الدولي.. طبعا هو م مطار خلاص سمح لما رهيب شديد كدا لكن برضو يعني كويس ومبنى مؤسس ونضيف وسمح ومنظم يعني حاجات زي دي.. احسن من مطار الخرطوم داك😒💔 امين قال لي طبعا توونس واقعه ظط بين السودان واندورا وف نفس الاتجاه عشان كدا كسرنا بيها المسافه..
اتجاهلتو طبعا.. تاني قال لي صاح وقت الانتظار 3 ساعات بس برضو م ظريفة ننتظرها واحنا قاعدين ف المطار حيكون ملل.. ف حجزت ف واحد من فنادق المطار دي وبعدين بنجي ان شاء الله.. برضو سفهتو بس بقى ماشي وانا ماشه وراهو.. وفي مرشد او زول شغال ف المطار هو الي بوجهنا وصلنا الفندق،، كان قريب يعني مشي بالرجول وادونا غرفتنا، مشينا.. صراحه الفندق كان سمح شديد عجبني ف بقيت بصور..
طبعا تونس توقيتها ورانا بساعه.. والرحله كانت 5 ساعات اي عارفه مبالغه لكن نسوي شنو عاد.. الطيارة اذا اتحركت 4 عصر بتوقيتنا معناها بتصل 9 مساء بتوقيتنا الي هي 8 مساء بتوقيت تونس😭 ف يب اسه كان الوقت ليل والساعه 8.. احنا ياهو كان فطرنا ف فندق السودان واتغدينا ف الطياره ف اسه ماشين نتعشى ف فندق تونس،،،غاايتو م عندنا شغله غير الاكل😭، المهم نزلنا عندهم حتة الطعام بوفيه وكذا ف برضو صورت لانو عجبني .. صراحه م اكلت اصلا بس شربت عصير 🤣💔 وكان ف فراوله اكلت فراولتين بس.. المهم بعد الموضوع دا خلص طلعنا فوق تاني، قال لي حاولي ارتاحي عشان بعد شويه ح نطلع.. قلت ليهو م تامرني.. قال لي الدين العامله نفسك شاطره فيهو دا قال المراة تطيع زوجها اها ف كلام تاني؟ قلت ليهو لما تبقى زوجي اول.. قال لي والقسيمة دي عصير فراولة؟ قلت ليهو اي. وبقيت اكورك فيهو،، وم بعرف ماشه وين بس ياهو بنفس عبايتي لسه لافاها مرقت ورزعت باب الغرفه طاخ وبقيت اتمشى ف الممر،، تقريبا كنا ف الطابق السادس.. صراحه استمتعت حسيت نفسي احسن،، جد جد بحب ممرات الفنادق.. المهم فجاة كدا فتح باب طلعت منو بت سمحه كدا ملامحها مهجنة شافتني والكلام جاب الكلام المهم باختصار كدا اتعرفنا على بعض🤣💔💔 وكمان مشينا كافيه الفندق عزمتني لاتيه واتونسنا وضحكنا واخدت رقمها وجينا ماشين.. اتضح انو امها نص تونسية نص بريطانية وابوها نص مصري ونص سوداني حلفاوي.. يعني البت خللللطه لكن صراحه مزززة شديد تبارك الله💛اتذكرت صحباتي قعدت ابكي.. مشيت بكيت كدا مسااافه مشيت لقيت نفسي طلعت من الفندق وواقفه قدام البحر!!! تميت بكيتي زي الناس وطبعا الدنيا ليل.. سالت واحد جمبي قلت ليهو د ياتو بحر قال لي دا م بحر دي اسمها بحيرة تونس،،.. قلت ليهو شكرا وجيت ماشه.. راسي لف وانا بحاول القى الفندق.. عاينت ف الساعه لقيتها 10 وحاجه قلت الليله سجمنا الطيارة 11!!! بقيت بتجارى وبتخابط وقربت ابكي تاني،، المهم الحمدلله م بعرف كيف وصلت الفندق،.. جري طلعت الطابق السادس وبقيت ماشه ف الممرات بسرعه لما قربت اجري..،،، راسي لف ونسيت احنا ف ياتو غرفه.. لحدي م شفت امين واقف قدام باب غرفه وشايل الشنط ووشو م بتفسر.. قلت كان قتلني م غلطان.. المهم م قال لي شي بس قال يلا قدامي سريع.. قفل الغرفه.. خساره كنت عايزه اودع الغرفه🤣😭 المهم نزلنا تاني وادا الكرت لناس الاستقبال ورجعنا المطار وبقينا نتجارى دخلونا سريع الطيارة.. والطيارة بتقلع انا حابه الاحساس دا شديد بحسسني بكل حاجه💙 قلت خلاص ان شاء الله حاقرا طيران مع انو ابوي عايزني اخش طب.. لما اتذكرت موضوع النتيجه دا جاني صداع ف البطن قلت احسن اقفل السيرة د ف راسي.. طبعا ف الرحلة من الخرطوم لتونس كنا درجة ضيافة عادية لكن الطيارة سمحة وفيها شاشاات والمضيفات تعاملهم ممتاز والاكل الجابوهو ممتاز اكتر تبارك الله.. اسه من تونس لأندورا امين حاجز لينا درجة رجال اعمال طبعا سمحه سمحه سمحه وفوق م تتخيلو انا لاسه م مصدقه وشغاله اصور 😭💙💙💙 مع انو قرفانه انها من قروشو لكن برضو يعني سمحه شديد مبالغه والحاجه الحلوة انو ف حيطة بيني وبين امين لانو كل مسافر عندو خصوصيتو وكرسيهو البتحول لسرير وحاجات عناية بالنفس وعصير،، دا غير الوجبات الخفيفة والاساسية الحيقدموها طوال الرحله وغير المنظر الشاهق للانفاس والفخامه وحاجات كتيره سمحه الحمدلله يعني قدر م وفيت م بعبر روعة الدرجة دي.. المهم دايره اضغط الزر افصل بيني وبين امين قال لي دقيقه.. م اشتغلت بيهو قفلتها ف وشو🤣💔 والله احساس راحهـ،،.. حسيت كأني براي ف الطيارة،،.. عملت كرسيي سرير ورقدت وكان في ماسك خاتنو،عملتو وغمضت عيوني بعد م ختيت فيهم الربطة وارتحت....، كنت عايزه احضر فيلم تاني كسرت الحنك قلت احسن انوم اول لاني كنت نعسانه وتقريبا الوقت ليل اصلا... لكن للاسف م لحقت نمت لانو الرحلة قصيرة شديد ساعة واحده بس.. (الماسك غسلتو ف الحمام حقهم طبعا رهيب).. المهم هبطنا وطلعنا ف مطار اتضح انو هو داخل حدود اسبانيا يعني يعتبر في اسبانيا لكن قريب شديد لاندورا ف بعد هبطنا (طبعا المنظر رهيب شديد من فوق مع انو ظلام بس يادوب المنظر احلوّ بالأنوار❤🔥).. مشينا بسيارة أُجرة لحدي داخل حدود اندورا وانا الطريق كلو شغاله اقول سبحان الله في سري,, بالجد الحتة جميلة جدا مع انو ظلام.. التاكسي وصلنا الفندق ونزلنا شكرناهو،،امين حاسبو باليورو، م بعرف جابو من وين، المهم خشينا والفندق برضو ماشاءالله م بقل عن المكان حلو شديد احا احا احا😭💙🔥🔥🔥.. طبعا توقيت اندورا نفس توقيت السودان لكن مع اجراءات المطار وكدا هسه الساعه 2 صباحا.. طبعا صورت كل حاجه من المنظر لحدي الفندق مع اني كنت نعسانه بس بقاوم النعاس,, اخر شي طلعت الجوال ختيتو ف الشاحن واتجدعت ف السرير نمت.. طبعا غرفتنا كانت حلوة شديد و م غرفه بس جناح عديل!! بتذكر انو امين صحاني 4 صباحا اتخلعت هو اصلا الصحاهو شنو قال انو مساهر م نام المهم اداني ابوي طمنتو انو وصلنا مع اني م عارفه المصحي ابوي زي الوقت د شنو وهو اساسا الفجر م بصليهو.. المهم اتذكرت الصلاة سالت امين الصلاة هنا متين،،، وراني ف انتظرت وصليت وتاني نومة واحده لحدي م تاني صحاني امين الساعه 10 صباحا.. قال لي حبيبي خلاص قومي بعد دا كفاك عندي ليك خطط لليوم حتفرحك.. قلت ليهو من كلمة حبيبي دي اليوم اتعكس ف وشي عليك الله ي امين اختاني.. ملامح وشو اتغيرت بس م قال حاجه,, الولد دا ساكت على اهانتي كتير😂😂😂💔 لكن يلا يستاهل دا اقل شي👊🏿 انا صحيت صليت الضحى وانا زاتي مستغربة ف روحي لاني محصل صليتها اصلا بس نقول شنو الحمدلله❤❤❤ حسيت نفسي احفظ القران،، اتذكرت اني بس حافظة من المدرسة ونصو نسيتو ف بديت اراجع من الجزء الثلاثين و جد حسيت اني بديت يومي صح ووقتي صاح وحسيت براحة كبيرة💙اثناء م براجع ف السورة جا امين كاسر قال لي يلا اجهزي حنمرق.. قلت بسم الله د مرق من وين هسه.. المهم هو خشى استحمى ولبس،، صراحه شكلو كان سمح وكان حيجذبني لو كنت انا سندس الزمان.... كان لابس قميص اسود وبنطلون جينز وطبعا مكفكف اكمام القميص، بالجد صح لبستو انيقة لكن هو زباله لسه👊🏿 جا وقف قدام المراية بسرح شعرو وبتعطر والمهم بظبط نفسو ف المرايه,, انا مشيت قلبت الشنط فوق تحت م لقيت لي لبسه ممكن نقول عليها محتشمه.. المهم ف النهايه شلت بلوزة سوداء مع الجسم وفوقها زي جاكيت ابيض من الفرو ومعاهم بنطلون جينز.. استحميت ولبستهم,, شكلي كان رهيب بس انا م كنت مرتاحه وبتململ وبجرجر ف الجاكيت حاسه اني م عايزه اطلع كدا.. ف النهايه قلت دام اصلا هي خربانه كدا كدا.. مشيت قعدت اتمكيجت.. وعملت شعري وطلع حلو و م لبست الطرحه.. (غلط كبير) .. وكمان اتصورت بالمرايه وظهرت الاوتفيت كلها وكان شكلي حلو.. زمان كنت حاخت الصورة استوري لكن هسه انا اساسا جوا نفسي ف نزاع و م مقتنعه,, غير اني مسحت التطبيقات.. المهم امين ابتسم وقال لي يلا.. قال لي ممكن نتصور؟ قلت ليهو لا🥰 قال لي شكلك طالع حلو شديد وقعد يتغزل فيني وانا كأني م سامعه حاجه.. ولا حتى اهتز لي جفن خليتو برغي براهو كدا لما طلعنا برا الجناح وقفلناهو ومشينا تحت ومرقنا من الفندق.. طبعا المنظر من شباك الفندق ساي كان خلاب شديد خلي اسه سبحان الله جد ماشاءالله تبارك الله.. فرك يدينو ونزل راسو وقال لي صراحه انا صاح كان قلت ليك انو اندورا جوا حدودها ف ساحل او شاطئ؟؟ معلوماتي طلعت غلط .. ضحكت فيهو بشمااتة كدا.. كنت ماشه وانا بضحك لحدي م فجاة جات عربية طايرة م بعرف من وين!!
..يتبع..

بقلم/ مريم (مبتغى)

استغفرو الله فإن الله غفورٌ رحيم❤ .