طيفك ماف

19

وما بس كدا!!.. لا كمان معاهم مواهب وابوي وناس حبوبه وخالاتي وناس من السودان كميهـــه،، طبعا انا احاسيسي كانت ملخبطه شديد،، اليوم دا كان مليان مشاعر،، واساسا طيارتنا الخاصه كبيرة شديد يعني بتشيل ركاب بعدد الطيارات العادية وزيادة! وكمان الناس م صدقو لقو طريقة مجانية يجو امريكا دي فرصة العمر!!! امين اتولى كل اجراءاتهم وامورهم لاني مرة قلت نفسي صحباتي وناس حبوبه يكونو معاي ف الولاده،، ومع اني م جبت سيرة ابوي ومواهب واحمد الصغير لكن برضو جابهم وجاب ناس كتار لدرجهـة حتى شهد صحبتي من بعيد جابها ويعني صحبات تانيات كتار لي وبي اهلهم كمان،، حتى اهل امين الي هم امو واخواتو جابهم،،.. يعني حاجة مبالغة ناس م بعرفهم عديل! رحلنا من شقتنا العصرية الامريكية للفيلا حقتنا ف امريكا الي هي تقريبا زي القصر عديل مكونهـ من 5 طوابق،،،... المهم الحكايهـ بقت جوطة لكن الايام حلوة وبسبوسة،،،... طبعا فجاة كدا قام علي اني اتعلم الزغاريد المصرية بس مشيت قفلت نفسي ف غرفتنا وبقيت اشاهد فيديوهات للزغاريد المصرية واعمل زيهم وتلقائيا لقيت نفسي بعرف ومع التدريب كل مرة لساني بتحرك اسرع لما اصل للمرحلة المحترفة ان شاء الله،،، طلعتها ظابطهـ شديد ف النهاية،،.. طلعت ليهم برا وقلت لأمين انا اتعلمت الزغاريد المصرية😍😍 قال لي انا فخور بيك حبيبي،، شايفة اخواتو وبنات عمتي كاتمين الضحكة،،.. م اشتغلت بيهم كتير... امين قال لي كدي ادينا زغرودة،،، زغردت ليهم واحدهـ طويييللة لما تعبت،،،... خالتو صفية جات جارية علي بقلق ومسكتني،،.. امو قالت لي ماشاءالله زغرااادة،، مواهب قالت لي انتِ السوداني ماشاءالله م مقصرة المصري لزومو شنُ،، طوالي مشيت طلعت فوق دخلت الاوضة ورقدت وانا متالمة وقفلت الباب علي،، غير الم البطن الشديد حاسهـ بضيق م عادي من الناحية النفسية ومن كل النواحي،،.. م بتذكر غفيت كيف بس بتذكر اني كنت نايمهـ ودي احسن حاجة بالنسبة لي انو النوم هو مهربي الوحيد من الحياة،، مع انو حياتي ظابطة ومعرسة ملياردير ومف شي يدعو للحزن بس مزاجي المتقلب وهلوساتي دي بدت تزيد وتقلقني،... صحيت بألم شديددددددددد واحساس م مريح خالص بقيت ابكي واصرخ،، طبعا صرختي بتجيب الرايح ف فجاة كدا لقيت الدنيا دي كلها ف اوضتي ومهجومين،، وانا ابكي واكوووووووووووووووووووووووووووووورك،، امين ضرب للاسعاف جو ساقوني ودخلوني العربية وقالو واضح انها حالة ولادة،، نقلوني المستشفى وقدر م اوصف ليكم احساس الالم الحاساهو م بتوصف،،، ياخ حرفيا مف شي حاليني من الالم،، والبكاء والصريخ م عاملين لي شي غير الصداع،،... دخلوني طبيعي وانا متألممممممممممممممممممممممممممة والالم كل ما ليهو ماشي يزيد،، حاولو يخلوني اولد طبيعي وانا متألمة شديدددد ف النهاية قالو م بنفع الا عملية،،، دا تقريبا بعد 4 ساعات من المحاولة ف الطبيعي وبعد م اتألمت لما الفيني كملت،،،... دخلوني عملية وادوني نصف بنج والموضوع كان مؤلم شديد برضو وانا نص حاسه ونص لأ لحدي ما العمليه انتهت وقالو اني ولدت بالسلامة،،، انا حرفيا كنت منهكة شديد لدرجة م طبيعية بقيت ببكي وانا نص م واعيه اصلا،،، لحدي م صحيت بعد كم م بعرف ولقيت ناس ف الاوضة جمبي كتار ومن صحيت اتلمو فيني وبقو يزغردو ف راسي ويباركو لي وام امين دي مبسوطة بسطة لدرجة انها لبستني تلاتة اساور دهب وخاتم،،،..وانا نفسياتي فجاة بقت ف الارض وكل البهجة الحواليني دي م فارقة معاي بالعكس مزهجاني لدرجة غريبة،،، نفسي اطردهم كلهم من الاوضة وارتاح منهم ومن نقتهم وارقد انوم بس... انوم؟؟ لالا انا عايزة امـ*ت عديل ف اللحظة دي!! افكاري بقت تخوفني صراحه!!! طبعا مواهب اليوم الاحنا مسافرين فيهو داك لما ساقوها المستشفى اتضح انو وقعتها حتجبرها انها تلدي ولادة مستعجلة وفعلا ولدت ف السابع والجنين كان حجمو صغير طوالي دخلوهو العناية،، طبعا كانت بت وسموها اسيل....،، اسيل كانت بتقضي معظم وقتها ف الحضانة لدرجة انو هسه خلتها ف حضانة المستشفى ف السودان وجات هنا امريكا!!! م عارفهـ كيف قلبها طاوعها لكن اساسا بتوقع اي حاجة منها بقيت... المهم بعد مسافة امين جا وباس راسي وكان فرحان،، جريتو من لحيتو وقلت ليهو شفت البيبي؟ قال لي طبعا والحمدلله جاتنا احلى بت شايلهـ سماحتي وسماحتك❤ قلت ليهو لييي قلت سماحتك اول قبل سماحتي قصدك انو انت اسمح😒؟؟؟؟! قال لا حولااا خلاص قامت على النكد؟! قلت ليهو اول شي اسمها لا حول ولا قوة الا بالله م لا حولا وتاني شي قصدك انا نكدية؟؟؟؟؟!؟ قال لي يا سندس اسمعي انا..... قبل م يتم كلمتو تلفونو رد وهو كأنو اتحل من مصيبة اتنفس بعمققق كداا وبعدين قال لي دقيقه ورد،،،،،،... قعد يتكلم بالانجليزي وبعدها قفل وطلع وبعد ثواني جا شايل ليهو حاجه صغيرة كدا في لفة،، طبعا الاوضة اتجاوطت واتضايرت وكلهم مشو يشوفو الشافع،،.. طبعا انا من الشهر الخامس رفضت اعرف جنس المولود قلت م عايزة،،... المهم هسه يادوب عرفتها بت.... لكن لسه م شفتها... الناس شغالين ماشاءالله ماشاءالله وكل زول يشوفها ويقول عايز يشيلها،، امين قال ليهم يخوانا خلو امها تشوفها..،، زحو ليهو شالها وجابها لي وختاها فيني،، قال لي شوفي بتنا يا ام ايلين،، قلت ليهو بتقرف "ايلين؟؟؟" قال لي مالك؟ قلت ليهو الاسم دا م عايزه اسميهو بتي،، قال لي طيب عايزهـ تسميها منو وانا معاك... قلت ليهو مرح... قال لي مرح؟؟؟ قلت ليهو على بت خالتي حبيبتي (عمرها يادوب 4 م تم ال5 سنوات) وبرضو ماما الله يرحمها زمان كانو مرات م بقولو ليها صديقة بقولو ليها مرح،،... قال لي حاضر يا ام مرح❤ طبعا انا عاينت لبتي،، ماشاءالله تبارك الله م تصدقو الاحساس الاتولد جواي ليها😭😭😭😭😭 ياخ اول شي كنت حاساها سمحه سمحه سمحه شديد وحاسه اتجاها كمية حب م طبيعي يعني حسيت نفسي بحبها اكتر من نفسي بمليون مرهـ،، ونفسي انها تكون احسن مني،،.. حسيت كمية احاسيس م بتتوصف،،، كنت راقدهـ واسراء شايله مرح والباقين بشاغلو فيها،، نون قالت لي عايني ليها شايله غمازاتك الغريبة دي،، قلت ليها بري م شايلاهم... لين قالت لي هوي ي زوله والله شايلاهم بس انت م مركزه ساي،،... المههم مرّ كم يوم اتعودت فيهو اني ارضعها واشيلها واعتني بيها مع انو حبوبه وخالاتي شايلين مني اغلب المسؤوليات....،، واليوم السابع جابو ناس زيادهـ من السودان وعملو ليها السماية وبقت رسميا مرح امين❤ عدت فترهـ وكل الناس رجعو السودان واحنا فضلنا ف امريكا لما اجازة السمستر كانت خلاص حتنتهي رجعنا المالديف لانو الدكتورة سمحت لي اسافر عادي بس قالت اكون مرتاحة وياهو اكيد الطيارة الخاصة فيها راحة،،،... المهم مشينا وأمين قال لو تعبانه ممكن م امشي ويجمد لي السنهـ لكن صراحة فترت من الجرجرة ف قلت بنزل مع انو احساس الذنب اني اخلي بتي وامشي الجامعة كان بياكلني وحاسه اني م أُم كويسه،،، بتمنى اني اقدر اقدم ليها تربية كويسة بس م واثقة في نفسي وكنت مقلقة شديددد،، المهم نزلت الجامعه وكنت بخلي مرح في الحضانه او مع ابوها وفي نهاية دوام الجامعة بلقاها وبقضي باقي اليوم معاها،، طبعا صحباتي (حقات المالديف) بقو يموووتتتتو في شي اسمو مرح بحبوها شديد وهي كمان بتحبهم وتشيل وتضحك ليهم قدرتها،،،.. وهم اساسا م مقصرين كل يوم معاي ف البيت بذاكرو لي وبمسكو معاي مرح خصوصا انو امين اغلب وقتو شغال....،، عدت السنه الدراسية حللللللللللللللوه الحمدلله محلينها لي صحباتي ومرح،،،.. بنمرق ونتفسح ونستمتع ونقرا وكلو يعني عايشين حياة جامعية رهيبة خصوصا انو جامعات ومحلات برا م زي جامعات ومحلات السودان...وطبعا بما اننا تمريض شغلنا عملي شديد وغالبا بنكون ف المستشفى بنتدرب او كذا.... المهم لما جات امتحانات الفاينلز عملنا معكسر عديل وامين داك كان مسافر مصر،،... اجتهدنا وعصرنا روحنا شددديد طبعا كلهم قاعدين معاي ف البيت... ف النهايه خلصت وبدت الاجازة وامين رجع وفكينا المعكسر..... اما بالنسبة لصحباتي ف السودان ف كنا متواصلين طوالي وعارفين اخبار بعض تمام... طلع انو محمد اتقدم لنون وقلبوها عقد وكمان حددو العرس بعد شهر واسبوع!!!!!!! وهي جايطة وحالتها حالة والشلة كلها كاسرة معاها!! كلمت امين قال طوالي ننزل السودان اساسا هو كان عايز يمشي عشان اهلو وكدا،، طبعا الوقت داك مروحتنا عمرها 4 شهور لكن قرب يقفل الخمسهـ،،، سقناها ومشينا السودان،، طبعا غير اللبن بقيت اشربها مويه ببزة لكن لسه م بديت ليها ف العصاير،، اما الاكل برضو لسسسه.... المهم ف السودان كنت اغلب وقتي مع نون ف بيتها ومع جوطة الحبس والفساتين والتياب وكلام كتير كدا.. ومرح مرات معاي مرات مع حبوبتها ام ابوها وعماتها.. طبعا بحبوها جدا....،، هي شايله من شبههم ومن شبهي لكن اكتر شي شبههم هم،، من كل الاطراف شايله السماحه زي م قال امين🤣🤣💔لما فضل اسبوع للعرس بدت الحفلات حقت قبل العرس للعريس تقريبا عامل ليهو زي 6 حفلات ولا حاجهـ... وانا والبنات م بنقصر طبعا كل يوم نمشي نهجج ونحضر الحفلة بمزاااج وبنسرق هدوم نون ومرات هدوم اخوات نون غاييتو😭🤣💔 م عدا اسراء وحنين م مشو حفلات طبعا،،... هم العرس حقي داك بالغصب حضروهو... صباح يوم حنة العريس مشيت بيت ابوي للاسف مع اني م عايزة اشوف خلقة مواهب دي لكن مشيت عشان غرض... اساسا كان عندي نسخة مفتاح من زمان ف فتحت بيها الباب لقيت مواهب ف الصالة مولعة بخور ومشغلة التلفزيون وشايلة اسيل بترضعها بالبزة واحمد بلعب جمبهم...،، من جيت داخله خلت كل شي ف يدها ووقفت على حيلها بخلعه بتعاين لي واسيل بقت تبكي... قالت لي الجابك بيتي شنو ياخ مش جينا سلمنا عليك اليوم داك ف بيت نسابتك تاني جايانا لي؟؟؟؟؟؟؟؟! انقلعي يقلع روحك من جذورها ان شاء الله م هندا عرستي تاني دايرا مننا شنو؟؟؟؟؟ بغض النظر عن كلامها والكواريك حقتها احمد جا جاري علي كأنو م سامع شي،، (شكلو متعود على كواريك امو) نط فيني وهو بكورك سننننننننننننننننننننننننننسوووووووووووووووووووونة وحضني قوي شدييييييييدددد وانا كذلك❤ بعدها مشيت غرفتي فتحت دولابي لقيت ف هدوم مافي... والله زهجت زهج قلت بحددها مع مواهب دي بس م عاوزه اخرب مزاجي هسه،،،.... فتحت دولاب العلاقات لقيت لي فستان حلللللللو بصلي وفيهو تطاريز وحلو ياخ بطريقة م عادية...،، شلتو وشلت كم لبسه تاني وطلعت وعيون مواهب متتبعاني لما طلعت من الشقه وسامعاها تهرج ساااي،،،،... مشيت ركبت عربيتي سقتها ورجعت بيت ناس لين الي هو محبوسة فيهو نون... طبعا برضو جبت كم فستان لصحباتي الما عرفو يلبسو شنو يوم الحنهــ.. طبعا انا حلبس الفستان البصلي،،، وفعلا بالليل اتظبطنا سمح ومشينا الصالة حضرنا الحنة وكانت حلوة شديد ورجعنا البيت... تاني يوم دا كان حنة نون طبعا دا مجهزين ليهو فساتينو وكل حاجاتو من بدري شديييد،،... اليوم كان جوطة لكن انتهى على خير والحفلة تمت بسلام وكانت حلللللللللللللللللللللللللللللللللوة واكتر من حلوة زاتو،،.. بعدها كان ف يوم راحه حتى العرس... يوم الراحه د نون عملت جنس عمايل!! مرة تقوم تكورك وتنطط وم مصدقة انها حتعرس،، طبعا د جكس الثانوي زاتو,,,،، ومرة متوترة تدخل وتمرق واحنا الليله مشددين ليها الخلطات والحاجات،،، وبنستف ليها شنطها ونبخر ليها هدومها وهي تحمر لينا سـاي طبعا الهدوم الخاتنها ليها 🙈🙈🙈🤣💔💔💔 لحدي يوم العرس الصباح دا احنا ذاتنا اتوترنا معاها،،، طبعا اساسا عقدو ف بعد دا كان بس الزفاف وكنا من الصباح جايطييييييييييييييييييييييييييييييييييييييييييييييين،، اليوم دا عدا كيف م بعرف المهم العارفاهو انو ف النهايه طلعنا مزز والحفله جات وشفنا نون عروس و م خلينا شي م عملناهو ليها ولا زغرودة م زغردناها ليها ونصلح ليها فستانها عاد شباين السرور،،.. في حفلتها دي عملنا عمايل مبالغه غايتو انا بقع وبقوم زي السكرانه ومرح وامين م بعرفهم زاتو وين،،، ولين تتراجف زي الطاقنها كهرباء ورتاج تنطط غايتو حالتنا حاله،،، (طبعا دي صيغة مبالغه لانهم مهججين ف الرقيص)،،.. م عدا اسراء وحنين ديل كالعاده متغطين جسمهم كلو وقاعدين ف اخر كرسي ف الصاله وباقي ليهم شويه ويمرقو يخلو الحفله زاتو،.... وكمان الجرتق دا لما جا تبارك الله طلعت قمممممممممممممممممممممممممممممر وحلوة شديد بالتوب والدهبي بالجد كانت تحفهـ وكان يوم من الموووووتت،، الجرتق كان رهيب رهيب رهيب عديل،، طبعا احنا حتى للجرتق غيرنا معاها... المهم ف النهايه طلعو الرجال كلهم برا م عدا محمد وبدت حفله رقيص العروس،،، دي كمان اسكتو ساي،،.. بعد انتهت حتى بدينا نودع فيها ،، وامها دي تبكي كترة بكى،،... ونون الحيوانـه مبسوطة ولا فارق معاها حتى دموع تماسيح ساي م رمتها!! طبعا شغلناها ليها لما زهجت مننا،، المهم احنا قعدنا مع ناس خالتو خديجة ضايرنا معاهم البيت كم يوم ونسفر ليهم ف الضيوف وكدا،، طبعا هم شايفين انو نون عرست صغيرة شديدددد،، وفعلا كلامهم صح لانو كتير ف السودان البنت بتعرس لما يبقى عمرها 30 او حاجه زي كدا لكن نون دي عمرها تقريبا 17 او 18!!! وانا لما عرست 16 عدييل! بعدها انا وامين وبتنا مشينا نزلنا ف شقتنا باقي الايام حقت الاجازة وقضينا ايام حلوة شدديييد،،.. وفي النهاية رجعنا المالديف عشان ابدا السنه التانية،،... طبعا امين قال انو بعد دا مفروض نمشي ننتقل نعيش ف القاهرة عشان شغلو بتطلب يكون هناك الفترة دي،،.. وقال ينقلني تاني جامعه ف مصر،، وانا عملت معاهو مشكلهـ طويلة عريضة لانو م ممكن كل يومين اكون ف بلد جديد وجامعة جديدة بعد ما بديت اتعود على الجامعة دي والحتة دي! وامين حاول م يضغط علي لكن الظاهر انو الموضوع مهم شديدد ف بس اول م خلصت السمستر الاول ومرح كان تمت سنة!! م قدر ينتظر زيادة وحجز لينا وختانا امام الامر الواقع لانو على حسب كلامو الشغل مهم جدا! انا م خليت لي بكا م بكيتو لكن م بيدي شي،،.. مشينا القاهرة ونزلنا هناك وخلاص شبه استقرينا،، قال لي معليش لو بيدي كان سكنتك ف الاسكندرية لانو القاهرة دي زحمهـ حبة لكن حاولت اختار سكن كويس،،.. وفعلا كنا ساكنين ف منطقة راقية جداا وم زي وسط القاهرة يعني م فيها لا ازعاج ولا جوطة بالعكس هادئة شدددددييدددد لدرجة انو نفسك لو اتنفست بتسمعو،، والمكان راقي جدا وسمح جدا يعني،، حتى انو كل المشاهير والممثلين وكدا ساكنين جمبنا او ف نفس منطقتنا دي!! وبالنسبة لموضوع الجامعة امين قدم لي اخش السمستر التاني ف جامعة القاهرة ومع واسطاتو وكدا الامور ظبطت ونزلت ونفسياتي ف الارض لكن مصبرني وجود امين معاي و"حبو" لي،، وبتي طبعا..., خشيت الجامعه وطبعا مف مقارنة بينها وبين جامعتي ف المالديف،،،.. لكن برضو يعني جامعه كويسه والسودانيين ديل كتتتتتتتتتتتتتتتتتتتتتتتتتتتتتتتتتتتتتتتتتتتتااااااااااااااااااااااااااااااااااااااااااااااااااااااااااااااااااااااااااااااااااااااااار تحسهم اكتر من المصريين زاتهم،،.. حسيت نفسي ف اجواء السودان وعملت صحبات سريع برضو،،.. لكن انا طول الوقت دا كان ماكلني الذنب لاني م بعمل شي ف علاقتي مع ربي غير اني بصلي وبصوم وخلاص،،... حتى القران البديت احفظو خليتو م بعرف متين💔 وبراحه كدا كدا بقيت مرات ااخر الصلاة عن مواعيدها والموضوع بضايقني بس مستمرة فيهو،، ولبسي غالبا بطرحة ومحتشم بس مرات بظهر شعري،،... كل الايام دي م حصل حسيت بالراحه رغم حياتي الحلوهـ ، تقريبا اخر مرة حسيت فيها بالراحة كان ايام الفندق الزمااان ديك!! واساسا اموري بقت تتعكس وفي حاجات كتيره م ليها اول ولا اخر! وبرضو موضوع صلاة امين دا غلبني البعملو فيهو عدييييل،،.. اول شي انا م عايزهـ اخت اعذار لنفسي ف تراجعي السيء دا لكن حرفيا امين دا تأثير سيء شديد،، نهائيا م بعرفوهو مسلم وانا مع الوقت بقيت برجع لورا زيو ودا للاسف بدل على ضعف ايماني! والعياذ بالله... المهم فيهو حاجات كتيره لاحظتها فيهو رعبتني،، لفظ الجلالة نادراً م يقولو اصلا! كم مرة حاولت اناقش معاهو موضوع الصلاة بكورك او بتعصب او بتهرب او بكذب،، بقيت م مرتـاحهـ ابداً،، وكمان لي فترة بحلم احلام غريبببة ومرات بتكون كوابيس م احلام ساي،، لي حلم حلمتو قبل سنتين يوم كنا ف باريس وكان غريب لكن م نسيتو ليوم الليلة والليله صحيت بعد ما حلمت نفس الحلم تاني!!!! طبعا الحلم هو انو في راجل بشع وقبيح كدا وشكلو غريب جدا ولابس هدوم الحراميه ديك وطاقية الحرامية برضو،، وانا بكون عارفه انو دا هو الشيطان،، يلا الاوضة حقتنا الانا بنوم فيها طبعا فيها شباك،، ف انا بشوف الراجل د داخل من الشباك دا للبيت وهو بضحك لي بشماتة كدا وبجي داخل لجوااا ويعمل حاجات شريرة،،.. لما صحيت فسرت الحلم دا بطريقة وااااحدة!! انو الشيطان الرجيم لقى طريقة يخش بيها لحياتي! الحلم بسيط لكن رسالتو كبيرة....،، ودا الشجعني على التحرك،، اول شي استعنت بالله وقلت ابدا بخطوات،، بقيت اشغل قران ف البيت كتير واراجع حفظي القديم،، بقيت احس براحة كبيرة وحتى بقيت احس ايامي رجعت حلوة زي الايام ديك،، يعني بحس انو الحياة حلوة وانا راضية بيها رغما عن اي شي،، كلو عشان الزول لما يمسك ف حبل الله ربنا سبحانه وتعالى م بخذلو،، طبعا انا وامين فجاة اتفاقمت بينا مشاكل من ماف،، لانو من م يسمع القران شغال ف البيت بتزهج ويكورك او يتضايق ويمرق او يتململ ويتحكحك كدا!!! وانا مستغربه فيهو وخايفه ف نفس الوقت،،، بقيت شويه شويه بحاول اقرب من ربنا ومركزة على حكاية انو لساني يكون طول الوقت ذاكر لله،، و م بنكر الموضوع كان صعب علي وكل مرة برجع انتكس و م بذكر الله كثيرا ربنا يسامحني! لكن بذكر نفسي انو دي من صفات المنافقين انهم م بذكرو الله كتير،، وبحاول اجتهد واسعى.....، حتى صحباتي ف الجامعة لاحظو لي انو وشي نور واتغيرت حبه،،،.. وبقيت بلبس بندانة،، زمان كنت بلف الطرحة كويس واي شي و م بظهر شعري صح لكن احتمال يظهر بالغلط،، هسه بندانة ودبابيس الحمدلله💙 وحاولت ابطل تفكيري السلبي والطيرة والتشاؤم الانا فيها واوكل امري لله كللو،، ويكون عندي ايمان ويقين انو ربنا م حيخذلني ولو م اتحققت لي الحاجه الانا عاوزاها اكون راااضية وم فارق معاي لانو مفوضة امري لله!! طبعا التغير الحصل لي دا زهج امين شديد! م بعرف مالو... وسبحان الله نهائيا المشاكل البتحصل معانا م اثرت فيني ولا خلتني ابكي،، بالعكس كنت صابرة وكأنها ماف اصلا! لكن بديت احس بنفور عجيب من امين.... وبركز بس على اني اطلع بتي مستقيمة مع انو يادوب عمرها سنه وكم شهر و م فاهمه شي،، لكن كنت بركز على اني اشغل جزء عم كتير ف البيت واكررو عشان بعدين حفظو يكون ساهل ليها.....
ريان صحبتنا فجججاة كدا قالو انها حولت من الرباط وجات مصر وهسه بتقرا هنا من اول!! وصحباتنا زعلانين عشان م ورتهم وعشان هي اتغيرت،،، وصراحه انا ذاتي م مرتاحه للموضوع وكل مرة لاقيتها فيها من جات مصر حسيتها م الياها!! ف دا الموضوع كان شاغل بالي اكتر وبحاول اعرف نعمل شنو،،، لانو اي واحده في صحباتي ديل بعتبرها زي بتي عديل وبشيل همها،،، اما موضوع امين داك اساسا بقى م فارق معاي وزي الراح من بالي لحدي م في يوم سبحان الله دون الايام مرح ساهرت بي عشان تنوم مع انها اساسا م بتحب السهر ولا نوع الاطفال البساهرو بالعكس بتنوم بدريييييييييييي من قبل صلاة العشاء لكن اليوم داك كانت حاجه غريبة! المهم لحدي م نومتها ونمت الوقت كان متاخر شديد وتاني يوم صحيت متاخر شديد وحاسه باحساس غريب! كويس انو م كان عندي جامعهـ اليوم داك... بعد م اتسوكت وصحصحت وسويت اموري كنت طالعه على برا وانا بدعك عيوني بس وقفني صوت امين،، رجعت ل ورا واستغربت لانو غالبا زي المواعيد دي بكون ف الشغل لكن تاني قلت عادي مرات بكون دوامو مسائي،، اثناء م انا بفكر كدا فجاة حسيت نفسي اتجمدت ف مكاني بعد م سمعت كلام امين الكان بقول...: "دسيس ي مان لالالا هي م عارفه بموضوع الخدعه الكبيرة ولا الخدعه الصغيرة ههه،،، للاااا طبعا الخدعه الصغيرة دي ياها على قولهم النفاق لكن انا م شايف اسمها كدا بس شايف انو دا اسمو الصاح وبعيد عن كلامهم الكتير وفي نفس الوقت الزول يعمل نفسو مسلم زيهم عشان يسكت الاهل والناس،،... لالا م جبان ي زول لكن لو قلت ليهم انا لا ديني امي بتقع تموت في حتتها،،، هه قلت لي انت من البدايه ريحت نفسك جبت مزتك ملحدة اجنبية وانتهينا لكن تعال شوف حقتي دي،، ياخ دي م فضل ليها الا تتنقب وتقفل نفسها ف اوضتها وتتعبد ربهم دا 24 ساعه!! اي لكن حسنتها سمحه وياهو بتبقى لمواهب ومواهب هي الساعدتني واساسا الصفقه معاهم،،... ياخ لالا بلا حب بلا بطيخ وعفن م تقول لي الحب ظاهر ف عيونك والكلام دا!! كللللو تمثيل ياخ عشان اجيب راسها واسحب اراضي ابوها شويهـ غير اني حابي انتقم منها لانو زمان كنت حاظبط معاها اموري لكن هربت مني الحيوانه ياخ *****... ياخ قلت ليك تميت لي عرس عشان موضوع الاملاك يظبط بس.. آاااي كلمتك ياخ عندي منها بت والله دي مشكله دي احساس ابو وكدا لكن مجبور عليها اظن بتي دي الشي الوحيد الحلو ف حياتي"،،.. طبعا انا لحدي هسه بسمع وخاته يدي ف خشمي وبرجف بطريقة م طبيعية وشغاله اقول في سري يا الله يا الله!شايفه الموضوع كذب كذب البخلي امين يعترف بكلام زي كدا شنووو وفي نص بيتنا وهو عارف اني ممكن اسمعو!! وبعدين دي ما ونسة دي ماف زول بكب الكلام دا كلو كدا واسلوبو ذاتو غرييب! فجاة كدا لما استوعبت الكلام دا صرخت صرخة واحدهـ سمعت افريقيا كلها وخلت امين يوقع تلفونو وهو مخلوع ويجي جاري علي،، ومرح صحت وهي بتبكي شديد.... وانا كلو م فارق معاي بس واقفه متجمده ف حتتي وبعاين قدامي،،،.. اول م شفت امين حسيت الدم غلى لي طوالي مشيت اديتو كف وبقيت اكفت فيهو واكورك واصرخ وابكي وبتكلم كلام كتير وهو شغال يعاين لي بس!! تفيت فيهوزي اربعه مرات كدا وكل مرة اقول ليهو ياخ تفو عليك وابكي زيادة😭 خليتو ف حتتو ومشيت دخلت اوضتي بتذكر عندي صاعق كهربائي مشيت جبتو وجيت واول م لقيت امين طوالي صعقتو شديدددددددددددددد بطريقة مستمرة واصلو م وقفت وهو بكورك لحدي م اتشل،،، كدا اتطمنت انو حركتو انعدمت،،، يلا مشيت جبت طرح وحبال وربطتو ف حتتو للاحتياط وهو بعاين لي بنظرات حزينة كدا،،.. يلا بعدها عندي بخاخ حق تنظيف كدا مشيت جبتو وفرغت محتواهو وكبيت بدلو عصير ليمون معاهو شطة وفلفل حار وبدرة حكة وطبعا بعمل الحاجات قدااااامو كدا وهو يعاين وقرب يبكي عديلل،،، بعدين قفلت البخاخ ورجيتو وطوالي بدون تردد بخيت ليك جسمو دا كللللللللللللو لمن اتكيفت وهو لا قادر يتحرك بس بكورك،، وزاتو لسانو تقيل.... وبعدها كل م اتذكر الحاجات العملها وكيف استغفلني بضربو بنية او في اي مكان يعني حرفيا م خليت مكان م ضربتو فيهو واتفشييييييييييييييييييييييييييييت.. وبضرب باقوى شي عندي وطبعا انا عنيفة شديد يعني صح ضعيفة شديد و م سمينة لكن لو ختيت زول ف راسي وقدرت اضربو بضربو ضرب يكسرو ويشلو...،، ودا العملتو لأمين خليت حالتو حالة ومشيت نزلت شنطه ختيت كم لبسة وحاجه لي انا وبتي ومستلزماتنا الاساسية ولبست بتي ورضعتها وشلت الشنطه ومرقنا وامين يعاين ساي و م قادر يتحرك طبعا مفعول الصاعق 5 ساعات.. واساسا جسمو كلو كدمات ووشو مبهدل وحالتو بالبلاء ف كان شبه مدروخ...،، مرقت وانا بعاين ف الشارع و م عارفه اعمل شنو او امشي وين،،، م كان نفسي اسوق عربيتي الجايبها لي امين لكن للاسف سقتها ومشيت لبيت صحبتي رحماء سودانيه طبعا وهي واسرتها هنا،،، كنت سايقه ومركبه مرح قدام جمبي لحدي م وصلنا البيت ونزلنا،،، اهلها استقبلوني بفرحة وجو أُسري حلو شديد بس كان واضح انو انا حالتي م تمام وعيوني كانت مدمعة حبة،،... رحماء ساقتني اوضتها وقالت لي في شنو حبيبتي؟ قلت ليها انتِ صح كان كلمتيني عن عمك شغال سواق بصات من الخرطوم القاهرة ومن القاهرة للخرطوم،، قالت لي باستغراب ايوه عندك زول عايز يسافر بيهم ولا كيف؟ قلت ليها ايوهـ،،.. قالت لي مش الطيارة اخير لكن؟؟؟؟ واسرع... البص دا ساعات طويلة وبتعب الزول،،.. قلت ليها الزول العايزو م عندو امكانيات لتذاكر طيران..،، قالت لي اهاا خلاص اديك رقمو ولا كيف؟ قلت ليها ايوهـ حبيبتي تكوني م قصرتي❤ قالت لي انتِ مالك صوتك دا متغير كدا ووشك م يااهو الحاصل شنو؟؟ قلت ليها بحكي ليك مرة تانية هسه بس طلعي لي الرقم سرعهــ... قالت لي شكلو الموضوع ضروري،،.. قلت ليها فعلا هه.. قالت لي مااا عاجباني حالتك ي سدو بس بنتفاهم بعدين هسه ادي الرقم لناسك اكتبي عندك *****
قلت ليها تسلمي ي زوله ووقفت.. قالت لي على وين لسه م عملت ليك عصير الليمون بالنعناع!! قلت ليها مرهـ تانيه ي زوله،، ودعتها وطلعت برا ودعت اهلها وشلت مرح منهم طبعا كانو بلعبو معاها وبشاغلوها،،.. وقدر م حنسوني اقعد م وافقت وطوالي طلعت واقرب حتة لاقتني قعدت فيها،، م عارفاها مصطبة ولا كافيتيريا ولا شنو المهم كنت قاعدهـ وشايلة التلفون وبحاول اضرب لعم رحماء دا ومنتظراهو يرد،، ف تاني جرس رد لي... شرحت ليهو اني عاوزه اسافر وكدا والي هو نفر واحد ومرح ف كرعيني ف م حادفع ليها تذكرة،،.. قال عندو بص بتحرك الليلة الساعة 5 مساء ووراني الموقع وفعلا مشيت هناك وفضلت منتظرة ومرح بتبكي وانا بسكت فيها،، اشتريت من بقالة موية وطبعا انا ف حتة شعبية ف الموية طلع طعمها زي الحنضل م قدرت اشربها انا ف قلت مستحيل اديها بتي،، والاكل برضو شكلو م نضيف ف م اشتريت شي و فضلنا جعانين....، لما المواعيد قربت والناس اتلملمو كدا وعرفت البص ياتو ركبت،، طبعا البص كان شبه فاضي بس ف كم مرة وكم راجل كدا...،،، اتحرك بينا وكان بوقف كتير لكن فالنهاية بمشي،،،... لما وصلنا المعبر طلبو الجوازات وكدا او الارقام الوطنية والحمـدلله اني جبت كل شي معاي ف م كان عندي مشكله...،، لما عدينا حلفا ووصلنا دنقلا جوالي بقى يضرب،، لما شفت المتصل بقيت برجف براي،،، كرر الاتصال كتير وفي النهاية حتى رديت...، سمعت بقول..: " عارفك ف البص وعارفك وصلتي السودان وهسه في دنقلا،،.. وهسسسه ممكن ارسل رجالي يجو يمسكوك ويرجعوك لي واوريك العمرك م شفتيهو لكن م بقدر عشان.. عشان.. وسكت..،، قلت ليهو عشان شنو؟ انطق!!! وبالمناسبة فتحت سيرة لأي زول عن اني انا المشيت منك وبالبص ارجى الراجيك بالمناسبة انا سجلت كلامك في المكالمة "وانا لا سجلتو لا شي لاني اساسا م كنت عارفه ولا مخططة"،،... تقول ليهم انك طلقتني وهسه دا تطلقني..،، قال لي ياخ.. قلت ليهو طلقني عشان م اتصرف بطريقتي،،.. وتاني م اسمع منك ولا حس ولا خبر لما اربي بتي دي واطمن عليها واموت وانت تموت وتريح البشرية منك،،... قال لي يا سندس اسمعيني انا... طوالي م كذبت كوركت باعلى صوت عندي فالبص يا جماعه بتعرفو امين *** *** *** "قلت اسمو الكامل الرباعي" الناس كلها اتلفتت وبقت تعاين لي وفي ناس بقت تتكلم وتقول ايوهـ بنعرفو الملياردير دا هو ف زول م بعرفو وبقو يتكلمو عنو كلام كتير كدا،، طبعا هو شبه مشهور ف محيط السودان والسودانيين ف الخارج،، وبما انو اساسا شركة ابوهو الهم ماسكنها كبيرة شديد ف اكيد ف ناس كتير بتعرفو،،.. ف واحدهـ سالتني قالت لي سألتي منو ليه؟ قلت ليها امم.. قبل م اتم كلامي جاني صوت امين بالخط بكورك خلاص خلاص انتِ طالق،، قلت ليهو وبالتلاتة،، قال لي بالتلاتة،، قلت ليهو قولها كلها.. قال لي انتِ طالق بالتلاتة يا سندس الصادق اها تاني شنو ارتحتي؟؟؟ "قالها بزهج كدا" قلت ليهو لما تؤمن بالدين البطلق بالطريقة دي اصلا انتو مش عندكم بطلقو بالمحكمة ولا كيف،، قال يوووووه دي عمرها م حتفهم،، قلت ليهو ولا بشرفني افهم زاتو وكنت حاقفل الخط بس قال لي مرح بتي كيف؟ قلت ليهو بنبرة زهجانة شديد يلا دي بالذات م تسأل عنها وانا هسه بحاول اعوضها انو عندها ابو قرف زيك كدا وحاسه بالذنب شديد لاني م عرفت اختار ليها ابو زي الناس...، والله اسوء شي ف العالم دا هو خلقتك او انو الزول عندو علاقة بيك،، تف عليك وحسبي الله ونعم الوكيل فيك،،... شكلو كان حيقول شي لكن م انتظرتو قفلت الخط طوالي،،.. يا قوة عينو!! لسـه عندو نفس يتكلم!!! لكن حكاية انو عارف مكاني دي خوفتني ورعبتني...،، لكن م بينت الموضوع..،،، بعد كم ساعهـ لما خشينا حدود امـدرمان،،،.. يادوب حسيت الروح اتردت فيني💙 بالجد بلدنا ماف زيها والخرطوم ماف زيها...،، البص نزل اخر محطة ف شارع الستين،،.. طبعا المعمورة قريبة من هناك ف طوالي ولا كضبت كدااري وانا شايله شنطي وبتي وكل شي مشيت لبيت حنين... فتحت الباب حنين زاتها! ولما شافتني اتخلعت شديد! وف نفس الوقت كانت ملهوفة لانو طولنا م اتلاقينا،،... قبل م تلحق تقول اي شي ارتميت ف حضنها وانا ببكي بانهيار.........،،

..يتبع..

بقلم/مريم (مبتغى)

﴿وَٱسۡتَعِینُوا۟ بِٱلصَّبۡرِ وَٱلصَّلَوٰةِۚ وَإِنَّهَا لَكَبِیرَةٌ إِلَّا عَلَى ٱلۡخَـٰشِعِینَ﴾