طيفك ماف

21

ممكن لو سمحتو تعملو تصويت على الحلقه؟ عشان تصل لاكبر ناس 💗

الحلقة الأخيرة

انا حسيت بجمود وخلاص بقى م فارق معاي،، اساسا اتعودت،، عاينت ليهو بس وخشيت الغرفه وقضيت كم يوم م بتكلم مع اي زول،،.. ولا في زول فتح معاي الموضوع ولا حتى عرفت راجلي دا منو ولا بعرف اي شي عنو،، ف يوم كنت ف غرفتي كالعادة وبشاهد ف اليوتيوب فيديو عن الطيارين وحياة الكابتن والطيارات والمقصورة حقت السفر والمضيفات ودا كلو،، وبقى يجي لي ف اليوتيوب كتير اقتراحات عن فيديوهات زي دي،، او حتى فيديوهات ناس بتسافر بالدرجة الاولى وبتجرب شركات الطيران المختلفه وتقيمهم،، الشي دا شوقني للسفر ونمّى جواي الحب للسفر،، واتذكرت حلمي المدفون اني اكون كابتن،، وبديت اسعى ف الموضوع،، بحثت كتير ف النت لحد م اتحصلت على منحة شروطها شهادة ثانوية وانك تختبر اختبار اضافي متخصص ف فيزياء ورياضيات عشان يتأكدو انك متمكن منهم،، طوالي سجلت وبديت اذاكر برااي للموضوع،، وكنسلت تقديم المستشفيات واني اشتغل ك ممرضة حاليا،، وركزت كل جهدي اني اتقن الفيزياء والرياضيات والموضوع م كان صعب لانو اساسا انا قريتهم ف الجامعه والثانوي،، مع اني م بحبهم شديد لكن التكرار بخلي الموضوع اسهل..،، والحمدلله اختبرت واجتزت بتفوق وجيت التانية على مستوى الاختبار كله،، وطوالي حجزو لي تذاكر لايرلندا الي هي المكان الحابدا فيها دراسة الطيران وعقد ايجار الشقة هناك وقالو حيرسلو مصاريف ويتكفلو بالمعيشة والدراسة تماما،، لانو كنت متفوقة ف الاختبار وهي اساسا منحة كاملة،.. وكمان لما عرفو انو عندي بنت حجزو ليها تذكرة وزادو المصاريف...،، سافرنا وقعدت هناك كل الفترة البتخليني متمكنة من اني اكون كابتن واجتزت الاختبارات وسقت الطيارات واقلعت بيها، وايام شغلي بخلي مرح ف حضانة او بوديها لي بت خالتي العايشه هنا،.. ابوي م سمعت منو خبر لكن مواهب بتضرب لي طوالي وتدينا اسيل الكانت مشتاقة لمرح شديد،.. والحمدلله بسرعة خلصنا ورجعنا السودان..،، في يوم قاعدههـ في الغرفه ضرب لي رقم غريب،،.. قايلاها ريان ضربت لي بجوال اختها لانها قالت عايزاني ف موضوع،،.. لكن لما رديت جاني صوت راجل،، اتوترت واتنرفزت شديد.. قلت ليهو باخر نفس الرقم غلط... قال لي لالا م غلط انت مش سندس؟؟ هنا انا قلبي وقع ف رجليني قلت ليهو آي سندس انت منو... قال لي انا راجلك،،،.. م عارفه احساسي كان شنو بس م قلت شي وصنيت كدا،،، حصلت لحظة صمت قطعها وهو بقول المهم انا ضربت ليك عشان اسالك سؤال جادي ومهم بغض النظر عن انو دي اول مرة نتكلم وان شاء الله الكلام البينا كتير نتناقش ونتفاهم،، بي صوت واطي قلت ان شاء الله لا.. قال لي قلتي شنو؟ قلت ليهو سلامتك ههه,, قال لي سؤالي هو.... وسكت،،.. بعد مسافه اخد نفس كدا وقال سؤالي هو انت من قبيلة شنو و م تفهميني غلط انا م قَبَلي وكدا بس الوالدة عندها غرض ف المووضوع عشان كدة طلبت مني اسألك،، قلت ليهو امم،، قال لي انا من شرق السودان ومن احدى القرى هناك بس العائلة مستقرة في بورتسودان ف نعتبر من بورتسودان وكدا، وبالنسبة لقبيلتنا ف هي قبيلة الحباب،،.. قلت ليهو اممممم... قال لي اها... قلت ليهو نعم؟؟ قال لي وانتِ؟؟؟ قلت ليهو وانا شنو (طبعا تقالة شديدة).. قال لي بحبة نفاذ صبر وانت من وين وقبيلتك وكدا ممكن لو مافيها ازعاج تجاوبيني عشان اكلم الوالدة و م ح ازعجك تاني قريب لما تتعودي؟؟؟ في قلبي قلت اقول ليهو فيها ازعاج و م ح اجاوبك واقفل ف وشو لكن تاني قلت اوريهو عشان يفهم امو دي ونرتاح ونخلص،،... قلت ليهو احم احنا من ولاية النيل الازرق💙💙 وتحديدا احنا من قرية في النيل الازرق بس غالباً عندنا اهل كتير مستقرين في الدمازين والروصيرص دا غير البلد طبعا.... واحنا من قبيلة كنانة يعني انا كنانية،،...وبس..... م انتظرت ردو وقفلت الخط لانو م حسيت اني نفسي اتكلم اكتر من كدا في المكالمة الفارغة دي،، كفاية انو طلع عنصري وبهتم بالقبائل والكلام دا غاايتو سطحية حمانا الله،، وعشان اتجاهل غضبي قلت اضرب لي ريـان،، اول م ردت لي انفعلت فيها قلت ليها وين انت من قبيل قالت لي روقييي هسه ف شنو هايجه فيني كدا انشغلت بس!! قلت ليها معليش بيبي بس ف موضوع مضايقني..،، قالت لي م عاش اليضايقك ادينا اسمو بس عشان نمشي @!@!@!@!! قلت ليها لسانك ي بت!! قالت لي شكلو ف شمار خلينا ندخل البنات معانا في الكول وبعدين احكي،، قلت ليها مششم غايتو تحبو الشمارات زي عيونكم،، نون قالت لي ونحبك زي عيوننا برضو،، ريان قالت ليها كضابة بتحبي راجلك بس...،، قلت ليهم بخلعه بسسسسسسسسم الله متين دخلتو! اسراء قالت هسه،،.. والبنات بدو يتكلمو واحدة واحدة ريان قالت لينا قولي الشمار عشان اوريك موضوعي العايزه اقولو ليك،، قلت ليها بضيق م تذكريني ياخ،، وحكيت ليهم المكالمة والحصل،، طبعا صرخو وانفعلو احساس راجلي ضرب لي وآرائهم كانت مختلفة ف الموضوع دا....،، وبعد انتهو من التعليق على الموضوع قلت لي ريان اها ي ريري قولي موضوعك،، قالت لي.. انا جاتني طريقة شغل كـ مضيفة في الخطوط القطرية،،.. اسراء صرررخخخخخت وقالت ويييييييييي الدور بجي معاك شديد بتنفعي مضيفة،، نون قالت اصلا المضيفات مزز وغمزت (مكالمة فيديو) ريان ضحكت وقالت ليها يااا بت ياا بت،،... حنين قالت حلاتهم البخجلو،...، قلت ليها والجامعهه؟ قالت لي جامعة شنو ياخ انا م نافعه ف الشي دا انا زولة شغل بس... بعد ما دعينا ليها بالتوفيق ونصحناها كتيير واتكلمنا معاها ف الموضوع كل واحدهـ بقت تحكي اخبارها،،..."
قفلت الدفتر لاني خلاص مليت ولاول مرة احس روحي مليت من قراية المكرر ،،،... ضربت لحنين اتطمنت عليها وانتظرت كم يوم اخليها على راحتها وبعدين مشيت ليها ف البيت عديل،،، لقيت البنات اساسا مخيمين عندها قلت يحليلي الوحيدة الطلع عندي ذوق،، نون قالت لي قصدك شنووووووووووو🤨،،، قلت ليها الفهمتيهو بس😏.. قالت لي كويس اصلا كنت عايزه اخلي ولدي معاك مسافة اطلع بعد كم يوم،، قلت ليها الاالالالالالا خلاص اسفه والله معليش م قصدي😓😓 قالت نااس م بتـجـــي الا بالعين الحمراء...! قبلنا لقينا حنين بتضحك علينا من جوة فرحنا شديد انو قدرنا نغير من مودها ولو شوية،، ف الايام الجاية بقينا كدا كل يوم نكون معاها ونمرقها ونشتري ليها ايسكريم ونغير ليها جو لما ف يوم قالت لينا ي بنات انتو قايلني زعلانه من الموضوع والله م شغاله بيهو ولا زعلانهـ على ناس زي كدا وربنا يعوضني بالاحسن ان شاء الله،، اسراء حضنتها قالت ليها صح عليك خليك طوالي كدا❤،، قلت ليهم بتتحاضنو بدوننا،، خشيت معاهم وكلنا نطينا فوق حنين خنقناها لما بقت تستنجد للنفس والحياة واحنا نضححححححححك وهي تختنق،،،.... نون قالت ليها وقت جحدتي دلعنا ليك دا تااني ماف ليك امشي القي زول يعزمك،، حنين قالت لااااااااااا،،،... مزن قالت ليها خمي وصري برااك ي زوله،.... المهم عدت الحياة طبيعي وانا طبعا بطلت شغل التمريض بس بقيت مرهـ مرهـ امشيهوو واحيان كتيرة لا يعني بس حسب يطلبوني لانو الحمدلله اترقيت لاستشارية،،.. بقية الايام بقيت شغاله كابتن ف الخطوط القطرية مع انو عرضو علي استقر ف الدوحة بس رفضت لكن بمشي وبجي شبه كل يوم بس م سفريات بعيدة،،... طبعا الشغل جابتو لي ريان من طرفها وبقينا كتيير بنسافر بنفس الرحلات....،،، رمضان كان خلاص داخل على الابواب والحمدلله حياتي حلوهـ م عدا موضوع كدا معين قافلاهو بالطبلة ومتجاهلاهو تماما مع انو بحسو هم تقيل علي،،... لكن غير كدا الحياة حلوة شديد ومشغوله مع مرح واسيل وامتحاناتهم وشغلي وسفراتي وصحباتي وطلعاتنا يعني حياتي كانت حرفيا مليانه شديد وكلها مشغوليات لما ماف فرقة لكن كنت مبسسوووووطططططةةة شديدد الحمدلله،،... ودخل رمضان وقررنا انو نستغل الشهر العظيم دا خصوصا انو فيهو عتق رقاب من النار ودا شي عظيم شديد💜! الفعاليات كانت حلوة شديد وروعتها اكبر من اني الخصها هنا بس بحاول،، والكان مشرف علينا اسراء وحنين في الغالب،،... المهم صممنا جدول عديل مخصص لجميييع ايام رمضان الثلاثون،،..... وعشان ننفذ الجدول اتفقنا نكون اغلب الاوقات مع بعض،،، كل فترة ف اليوم ح نعمل حاجهـ معينة،،.. ح يكون في فترة نقرا فيها قران تلاوة وفترة اسراء تفسر لينا القريناهو وكمان عندنا ورد نحفظو وعندنا قصة من القران بتحكيها لينا حنين وقصة من قصص الانبياء كل يوم نبي بتحكيها لينا مزن وهكذا في حاجججااتت كتيرة المهم يومنا ملان تمام رغم الشغل وكله،، وبنمشي التراويح مع بعض ونفطر مع بعض ونتسحر وكلو باختصار دايم مع بعض مع انو تحسو م منطقي خصوصا انو نون متزوجة وعندها راجل وكم واحدة متزوجة بس د الحاصل والله،،،،... المهم في اول يوم رمضان كل اليوم مشى حلو شديد لحد وقت العشاء والتراويح بقينا بنفكر ح نمشي ياتو مسجد وكيف،،... طبعا كنا ف بيتنا....،، في النهاية قررنا نمشي برجولنا للمسجد القريب، ااي 9 بناات مكركرات ماشات برجولهم كد😂،، المهم فعلا مشينا ونتونس في الشارع واساسا الشارع كان منوور ومليان اجواء رمضانية حلوة ومليان ناس كلهم برضو ماشين التراويح والاجواء بالجد كانت حلوة شديد رمضان دا نععمة💜،،.. ونضحك ومبسوطين ومرات نسكت نذكر الله لما وصلنا المسجد وكانت الصلاة لسه م بدت ف صلينا تحية المسجد وبعدين خلاص اقام للعشاء ف صلينا العشاء والتراوييح والشفع والوتر وكله،، ولما خلصنا خلاص كلنا كان ف بالنا نفس الحاجهه،،.. انو الامام حق المسجد او الشيخ دا ماشاءالله تبارك الرحمن اللهم بارك بس صوتو حلو حلو حلو شديد ومريح ويرزقك طمأنينة غصصب وفيهو كل حاجه حلوة لدرجة م تتوصف،، كلنا علقنا على الحاجه دي ماشاءالله....،، قعدنا شوية كدا ولاقينا كم بت من بنات الحله بنعرفهم سلمنا عليهم وبعدها مرقنا،،... اول ما طلعنا لقينا وااااااااااااااححححححد كدا م بعرف اوصف شنو واخلي شنو بس ماشاءالله تبارك الله كامل والكمال لله،، سمح ووسيم ووجيه وحسن المظهر وكللوووو،، وكمان م سماحة عادية السماحة الرهيبة ديك ماشاءالله،،، نص البنات المعانا وقفو ينبرشو وكانو عايزين يجنو عديل،، مزن قالت في رمضان🤣؟؟ نون قالت انا جارية اتطلق هسسسسسسسسسسسسسسسة دي،، قلت ليها استغفرالله،،.. الحمدلله انو الولد م ركز لانو كان حولينو كم ناس كدا ورجال واضح انهم كبار وهيبة،، لكن هو شاب ماشاءالله واضح انو في العشرينات،، المهم ركزنا مع كلام الرجال ليهو واحد قال ليهو ماشاءالله يا شيخ،،.. احنا كلنا ف نفس اللحظة قلنا شييييييييييخ؟؟؟!!! طبعا هنا الرجال اتلفتو علينا كلهم وبقو يعاينو لينا باستغراب،، واححنا بقينا نفتش لينا ف حفرة نقع فيها و ي ارض انشقي وابلعينا😭😭😭😭😂😂😂😂😂،،... كلنا وشوشنا بقت م بتتفسر ياخي ضحححك،،.. المهم حاولنا نعمل رايحين وواصلنا طريقنا وبعدنا منهم سريع سريع (طبعا معانا بنات كتار بنات الحله والجيران وهكذا)،، واول م حسينا انهم بقو بعيدين و م بقدرو يسمعونا البنات انفججججرو كلام وتعالييقق واحراج،، قلت ليهم تستاهلو عشان خفتكم دي،،.. اسراء قالت الحمدلله اني غضيت بصري،، لين قالت ليها غضيتي بصرك ي كبيرة؟ انا شفتك بي نفسي بتعايني،، اسراء سكتت بعدين قالت امم طيب عاينت ثانية واحدة ونزلت عيوني لانو جاني فضول اعرف البتتكلمو عنو دا منو،، طبعا م رحمناها شغلناها ليها تشغييييييييلللللللللة،،،... المهم كملنا باقي اليوم عادي بالعبادات الليلية ملتزمين بالجدول العملناهو، م عدا رتاج الكانت طلعت فترة كدا عشان عندها برنامج مباشر بتصورو في رمضان ف مشت بدري قبلو كمان عشان يظبطوها وكدا،،... يمكن رتاج شوية بتعمل حاجات مختلفة عننا لكن بعد ده كلو منسجميييين بطريقة الحمدلله،،.. يعني البشوف رتاج واسراء م بقول انهم صحباات ابدا بناءً على الظاهريات،،... من قيام ليل ومواعظ وقصص ومحاضرات وغيرو اليوم خلص وصبحنا اليوم الجديد وعدا بنفس الجدول والعبادات للمساء برضو مشينا التراويح وصلينا وحرفيا كنا خاشعين شديد لانو الشيخ او القارئ بغصبك على كدة..،،، وبعدها واحنا طالعين برررضوو لقيناهو وااقف ومعاهو كم راجل من رجال الحلهه،، المرة دي احنا ك صحباتي احترمنا روحنا وسكتنا وعايننا ف الارض ومشينا،،،.. لكن بنات الحلة الخفة يخلوها لمنو؟؟ مسكو الانبراشات ويعاينو ليهو ويتبسمو بكل وضوح،، في واحد من الرجال عاين ليهم من فوق لتحت نظام الله يعين الرباكم اما الشيخ اساسا م اتلفت عليهم،،، تالت يوم نفس القصة بس لاحظت ليهو بعاين ناحية اسراء وحنين! وبسرعه دنقر كددا،،، تاني م ركزت معاهو وعدا كم يوم لحدي ما في يوم كنا طالعين من المسجد واسراء فجأة وقعت،،، طبعا احنا كلنا اتخلعنا شديد وقلوبنا نزلت ف رجولنا وخفنا عليها واي ردة فعل عملناها،، بس حاولنا نشيلها كدا وعايزين نرجعها المسجد وقفنا عمو كبير (طبعا كتير ناس اتجمهرو) قالو لينا جيبوها للشيخ يقرا عليها،،،.. المهم هسه عرس اسراء والشيخ تالتة العيد🤣🤣🤣🤣🤣معليش اختصرت شديد بس دا الاحنا حسينا بيهو حرفيا الموضوع اتطور سريع،، بعد ما قرا عليها،، طبعا من بعيد ما هبشها وهي بنقابها،،.. م بعرف حصل شنو بس فجاة كدا يوم 15 رمضان لقيناهو بدق باب ناس اسراء! وطلبها،، وهي كانت مترددة لكن استخارت ووافقت واهلها وافقو وكانو مبسوطين لانو فوق ما انو قارئ هو كمان مهندس ووضعو فوق الممتاز،،.. وكلنا اتحولنا لبيت اسراء بين العبادة الرمضانية والحبسة ولخمة العرس والمهم اجواء متناقضة خلاص،، نكون بنسمّع في القران بعد شوية ندق الدلوكة مع بنات اهلها ونغني😭 غاايتو استغفرالله،، واسراء محبوسة وبتتعملل ليها حاجات العروسات ديك واحنا جو صحبات العروس والمهم عدت الايام بخيرها وشرها وجا العيد وعرسو عرس خالي من كل المحرمات لا موسيقى لا اختلاط،، الرجال كانو براهم والنسوان براهم والصالة مقسومة،، والفنانة بتغني بالدلوكة،،.. والبنات لابسين على راحتهم مع احترام عورة المرأة للمرأة واسراء فووووووووق القمر،، هو لكم ان تتخيلو كانت كيف في عرسي خلي عرسها هي نفسها!!!..،،، وكان في تصوير شريط للذكريات وصور فوتوغرافي واتصورنا معاها م خلينا شي وكلو،، بس الحلو انو كانت مطمنة انها م ح تاخذ ذنوب كل الفي الحفل باذن الله لانها م سوت شي حرام،،، وخلص العرس وسافرو اليونان شهر العسل وبعدها سافرو عُمرة،،... و ح يستقرو ف مكة لانو راجلها صح بجي السودان في رمضان عشان التراويح لكن غير كدا بكون متنقل ف مشاريعو بين مكة والمدينة،،.. عدا كم شهر وجات ولادة نون وبرضو كنا معاها ف كل التفاصيل لما خلاص تمت ال40 يوم بالسلامة،،... انا طبعا م مصدقة اننا كبرنا ووصلنا هنا! غايتو سبحان الله وانا لي نفسي م مصدقة اني حققت حلمي وبسوق طيارة كل يوم...،، نادين بقت مودل رغم تحذيرات اسراء الكتيرة ليها من الموضوع،، وفي نفس الوقت بتخصص باطنية وقربت تخلص ماشاءالله،، هي ماشاءالله جمالها طبيعي وفوق الجمال الطبيعي نضيفة وبتعرف تلبس لبس لايق معاها وبتتمكيج حلو وشعرها حلو وكل شي فيها مساعدها لمواصفات المودل ومعايير الجمال،، في فترة قصيرة شديد اشتهرت في التيك توك والانستا وكمان اليوتيوب! ف التيك توك كان عندها 3 مليون متابع ولسه ف تزايد وفي منهم كتير ما سودانيين معجبين بيها شديد وبقولو كيف سودانية وسمحة! ودي للاسف الفكرة الغلط الخاتنها عننا الشعوب العربية التانية والشعوب كلها عموما بنظرو لينا نظرة دونية الا من رحم ربي وبشوفونا م سمحين زيهم ف كل م يشوفو سودانية سمحة يستغربو! والحمدلله نادين قدرت تشيل الفكرة الجاهلة دي من راسهم واثبتت انو البنت السودانية جميلة شديد والجمال م غريب علينا ك سودانيات،،.... ومع الوقت كمان بقت اعلامية زي رتاج واشتغلت ف قناة سودانية في برنامج وماشاءالله موازنة بين الطب والاعلام والموديل وكله،، مع انو كتير بننصحها من انو كشفها لشعرها وكدا غلط وربنا يهديها ان شاء الله،،.... السودان كلو منبرش فيها وفي رتاج طبعا😂😂😂 بتعرفو سماححححة الاعلاميات ديك ياها بس سماحة صحباتنا دي لكن هم م صناعيات زيهم لا هم طبيعة وفوق الطبيعة اهتمام واناقة يعني حاجه كدا🤤🤤🤤طبعا نادين اتزوجت بقصة معقدة لا تتفهم حب لا تقليدي المهم راجلها برضو مشهور بسبب سماحتو وتحسو نفس جوها وهاي كلاس كدا،،.. وداعمها ف كل خطواتها وماشاءالله حلوين شديييد مع بعض،،.. لدرجة مرة اتصورو مع بعض كدا صورتهم انتشرت حامت العالم كلو من كترة م كانت حلوة،، على العموم ماشاءالله امورها ظابطة،،.. مزن ماشاءالله اتزوجت وشغالة واتنقبت ماشاءالله وراجلها كل الناس تحكي بحنيتو وقدر شنو هو بحبها ماشاءالله،.. وعندها بت عسولة وزي القمر وتشبهها وسمحة زيها،،.. حنين جاتها فرصة شغل في مستشفى سعودي مرموق وخلعتنا بالخبر وزعلنا شديد على فراقها لكن سافرت وبعد شهرين اتضضح انها اتعرفت على واحد سعودي واعجب بيها وحكت ليهو بكل شي ورغم دا كلو وافق والحمدلله هسة متزوجين وعايشين في امريكا لكن بتجي السودان اجازات كتير،،.. ريان شغاله مضيفة في الخطوط القطرية واقترحو عليها تسكن ف الدوحة ووافقت وحاليا عايشه هناك وكانت مخطوبه لكن فرتقت..،،، وكل يوم ترسل لينا صورها بتتفسح وتتجدع ف الحتات السمحه🤣 طبعا هي اتنقبت لكن اكيد النقاب م يمنع انو الواحدة تكون مستقلة بنفسها ومستمتعة بحياتها،، وبالجد ريان دي سمحة شديد من جوا وبرا ف ي حظ اي زول هي ف حياتو💙💙..،،،، بالنسبة لي لين شغاله ف المستشفى وبتتخصص ف نفس الوقت وفوق دا متزوجة وام لي قمرين والتالت في السكة،،.. راجلها مغترب ف الامارات وماشاءالله مرطب وسمح وكلو،، مرات هم بمشو ليهو ومرات هو بجيهم....،، ورتاج ماشاءالله حصلت ليها قصصة عجيبة شديد اتزوجت اكتر واحد كانت بتكرهو وحصلت بينهم قصص المهم هسة كلو تمام،،... وبقت اعلامية مشهورة شديد وبرنامجها محبوب والحمدلله،،.. اما انا.... حياتي بين شغلي وبتي واخواني...، والاسمو راجلي داك م بعرف عنو شي ولا سمعت عنو خبر ولا عايزه اسمع،، لحد ما في يوم جيت راجعهه من الشغل (طبعا لابسة لبس الكابتن) وبعد انزل المطار بسوق عربيتي واجي البيت ف كنت هلكاااانههه و م شايفه قدامي،، لكن غشيت الدكان شلت للشفع شوكولاته وكم حاجه،،... دخلت البيت وانا على اخري لقيت ضيوف غريبين عجيبين قاعدين ف الصالة!،،.. عقدت حواجبي باستغراب ووقفت مسافة.،، بعدين دخلت وقلت السلام عليكم من بعيد،، وعايزه امشي كدا بس لاحظت ليهم وقفو كلام وبعاينو لي حرفيا كل م امشي خطوة راسهم يتلفت معاي،،،.. م اشتغلت بيهم مشيت خشيت الغرفه اخدت دش وطوالي نمت وصحيت تاني يوم م بعرفهم مشو متين ولا حاولت اسأل ديل منو،، المهم عدت الايام وانا حاسه ف شي غريب مثلا ابوي ومواهب يكونو بتكلمو واول م امر يسكتو،، بس م ركزت شديد..،، لحدي ما في يوم جاتني رتاج وكانت بايته معاي وبنتونس عادي وكلو تمام،، بعد شوية مشيت وجيت لقيتها قاعده مع مواهب وبتكلمووو! مع انها زمان م كانت بتطيقها! ف استغربت شوية والزاد استغرابي انو لما شافوني سكتو وبقو يعاينو لي يعني دي حرفيا قطيعة واضحة ف انا هنا خلاص فاض بي يعني حتى صحباتي وروهم بالموضووع الغريب الانا بحاول اتجاهلو دهه،،.. المهم طوالي قلت ليهم بتتكلمو ف شنو؟؟ مواهب قالت لي نععم؟؟ رتاج قالت لي بـ..بنتونس عادي يعني،، قلت ليها امم بتتونسو،،,.. وقبلت عايزه اطلع من الغرفة وطبعا عشان رتاج عارفاني كويس وعارفه ممكن كلامي د ممكن يودينا لي وين يعني ح نتزاعل وكدا ف طوالي جات جاريه وراي مسكت يدي قالت سندس،،.. مواهب ادتها حميرة كدا،، قامت رتاج ادتها نظرة وجاتت معاي مشينا غرفه تانية قالت لي اقعدي..،، قلت ليها ف شنو؟ قالت لي طيب ح احكي ليك اي شي بس بي شرط تمشي معاي بيتنا تقضي معاي يوم وتمشي معاي الشغل عشان اقدر احكي ليك بهدوء،،.. قلت ليها م فهمت غرضك شنو؟؟ قالت لي انت اصلا يوم اوف وانا راجلي مسافر وقاعده مع ناس ماما ف عشان كدا انسب وقت تجي معاي م حتتضرري بالعكس تنبسطي وتغيري جو خصوصا انو معندك مسؤوليات،، قلت ليها ظط لكن ح اسوق مرح معاي،، قالت لي اساسا دي اهم منك زاتو،، قلت ليها اصبري لي بادبك بس م فايقه ليك هسه🤣،،.. المهم فعلا مشينا معاها واليوم كان حلو شديد،، اول شي ستفت هدومي انا ومرح وجهزتها وبليل طلعنا بي عربية رتااج وهي مشغلة اغاني الطريق كلو وتغنييي ومروقة وانا اقول ليها استغفرالله ف النهاية بقيت اغني معاها،، مشغله اسياااد اللواري لي رؤى محمد نعيم وكم غنية تاني برضو بتشبهها المهم كانت مبسوطة وغنينا وصورنا وبعدين غشينا ايتالي بيتزا اتعشينا هناك ولعبنا مرح وبعدين مشينا البيت، مرح نامت وبقينا انا ورتاج صاحين،،... قلت ليها اها انطقي،، قالت لي هنااي خليهو بكرة،، طبعا طوالي م قصرت اقرب مخدة فنيتها وقمت قلت ليها بس هسسسسة ماشة،،،.. قالت لي هناي دقيققة روققييييي،،.. سندس،،.. ي بت... قلت ليها اخير تنطقي عشان م اشيل بتي واتفكفك من بيتكم دا،،.. قالت لي عليك الله بس بكرة بفهمك الوضع عشان نقعد على رواق،،.. لويت خشمي وقلت ليها م اقتنعت،، طوالي عملت روحها عايزه تبكي وبقت تحنسني قالت لي انا عندي مصران لو مشيتي بزعل وبمرض،، قلت ليها اووووف طيب،،.. انخمدت نمتـ،،، تاني يوم ساقتني معاها الشغل وطبعا دقيت الونسة مع صحباتها وناس الشغل المهم اثناء م بجهزو فيها واحدة بتمكيجها و اتنين بعملو شعرها قررت تحكي لي،،.. قالت لي شوفي طيب كل القصة انو راجلك ح يجي يسوقك تقعدي معاهو خلاص لانو انتو رسميا متزوجين،،.. طبعا بس بقيت اعاين ليها وارمش،،... حرفيا حياتي دي عبارة عن نكتة😂😂😂يمشّو فيني يمين شمال وانا المطلوب مني اتجاوب بس،، الصراحه م عرفت اقول شنو ولا اعمل شنو!! قلت ليها رتاج دا الموضوع الجبتيني عشانو؟؟ قالت لي ايوهـ لكن لسه ف زيادة تفاصيل بالنسبة لـ...،،.. م انتظرتها تتم كلامها شلت بتي واتخارجت وعيوني بتدمع،، طلعت من مقر استديو الاذاعة وراسي لافي وشايفه طشاش من الدموع بس بدمع وانا ساكته وماسكة بتي وهي بتعاين لي بي خلعهـ..،،،... واقفه ف الظلط دايره اي عربية تجي،، بعد شوية وقفت ركشة وصفت ليها اصلا المحل م بعيد،،.. وصلني البيت نزلت مرح ف البيت خليتها تقعد مع اسيل ومواهب ومشيت سقت عربيتي بقيت لافه ف الشوارع،، وقت طويل وانا سايقه بس م عارفه ماشه وين لما حسيت روحي ارتحت شوية مشيت رجعت البيت قفلت اوضتي وطفيت الانوار وفتحت المكيف ونمت نومه واحدة وبقى ليلي ونهاري واحد،، عديت اسبوع كدا لا شغاله بي شغل لا بي اي شي..،، ومكالمات ناس رتاج م وقفت بس م اشتغلت بيهم،،.. لحد م في يوم جات مواهب اتكلمت معاي وغصبتني اطلع للعالم الخارجي بس م جابت لي سيرة الموضوع لكن واضح انها عارفهـ..،،، رجعت امشي شغلي وسفراتي وبين المستشفى والطيارة لحد ما في يوم جيت البيت لقيت حاجات حبسه عروس ومواهب معاها اخواتها وف مرة كدا غريبه معاهم وكالعادة لما شافوني بقو يعاينو،،.. اتجاوزتهم ودخلت الغرفة وعملت حاجاتي...،، بعد شوية جات مواهب داخله قالت لي سندس الصراحه...،،، قلت ليها عارفه..،، قالت لي كويس انك عارفه يلا بعد دا اهل راجلك قالو لازم العروس تمشي طبعا هو حاليا مستقر ف السعودية الطائف لكن بجي السودان كتير....،، قلت ليها اممم..،، قالت لي م عاجباني،،.. طبعا ف اللحظة دي مسكت نفسي بالغصب منها يعني دايراني بعد دا كلو اكون مبسوطة وبضحكك؟؟ اتجاوزتها،،.. قالت لي ربنا يوفقك ي بتي على العموم اجهزي لانو ملتزم العرس ح يكون حاجه بسيطة كدا بدون حفلات وبدون شي سريع سريع كدا،، و ح تخلي مرح معانا ايام شهر العسل،، قلت ليها بزهج بتي م بخليــــها وراي..،، قالت لي سجججججججججمي ي بت انت جنيتي!! يبقى شهر عسل كيف اذا خامه البت معاك؟!؟؟!؟ قلت ليها م بعرف ي مواهب لكن بتي م بخليها وراي،، لوت خشمها وقالت لي مششم نشوف الموضوع دا بعدين،،.. عشان عارفاني راسي قوي م ناقشتني كتير،،.. طلعت للضيوف عادي،،.. مرت الايام وانا زهجانهه وشايفاهم بجهزو وانا كأنو م عرسي،، فجاة ف يوم ابوي ج قال لي انا اخدت ليك اجازة،،.. عاينت ليهو بس،،.. مشيت الغرفه قفلت الباب وبقيت اضرب ف المخده واكورك من الزهج...،، ليه هم بعملو كدا بدون اذني؟؟؟؟ المهم بديت الحبسه والحياة مقلوبه وصحباتي نزلو السودان (الما كانو ف السودان) والمواضيع مشت سريع لما جا يوم الزواج الي هي حاجه بسيطة كدا بس لمة اهل ف البيت وعزومة وحلويات وتلبيس دبل وبس،، انا كنت قاعده ف الغرفه كالعادة ومعاي صحباتي كنت لابسة فستان اصفر وشعري حرفيا بس كانو مكعكعنو لي من امبارح وفكوهو بقى مفرود ختو لي كريم،، نون قالت لي وااي ماشاءالله شعرك طلع حلو شديد،، اسراء قالت لي م بحتاج استشوار ماشاءالله،،.. نادين كانت بتمكيجني وبعد خلصو بقينا نتصور لما قالو العريس وصل وسمعنا الزغاريد،، غطوني بالطرحة الي هي برضو لونها اصفر جاي مع الفستان وبقو يزغردو ومرقوني برا،،.. حرفيا زهجت من السيناريو دا وكنت قرفانه من جوا بس عاملة روحي طبيعية من برا،،.. طلعوني واللمة والناس والزغاريد ومسكوني يد العريس دا كلو وانا م شايفاهو كويس بس الشايفاهو انو هيئتو وسيمة الصراحه بس برضو كنت كارهاهو،،مسكوني ليهوو مشو وفي اغاني سيرة شغاله قعدونا ف الكنبة وبعدين فتحو لي وشي والرجال طلعو واشتغلت الزغاريد زيادة،،.. شايفة العريس بعاين لي بس كدا وسرحان واخواتو مشغلنها ليهو،،..... بعد شوية واحدة كدا سمحححة ماشاءالله وقاشرة وعاملة شعرها ويفي وميج وبالجد ماشاءالله سماحتها تلخم جات شايلة الدبل،،.. لبسني ولبستو وهنا خلاص الصفافير والزغاريت زادت،، بعدين الناس بدو ياكلو والونسة والضحك وعلى كدا قالو ي عريس سوق عروسك واتخارجو،، مشيت لبست توب لونو اصفر زي الفستان طبعا هو م مزركش شديد بس حلو يعني،،... ولقيت صحباتي لبسو مرح وسرحوها وستفو هدومنا،،.. جيت مارقه ماسكه بتي يلا هنا الناس بقو يعاينو لمرح،،.. سامعه همس ووسوسة،،.. م اشتغلت بيهم وحرفيا م ودعت اي زول حتى صحباتي بس طلعنا،،، لكن بقيت متواصله مع صحباتي بالتلفون،،... ركبنا ف العربية كان مشغل قران بصوت الزين،،... والمكيف بااارد والعربيهـ شكلها فخمة وراقية،،.. بقى سايق براحه ومرة مرة يشاغل مرح وانا شوية اشتغل بي تلفوني شوية اعاين ف الشباك،،.. قال لي عارفه ماشين شهر العسل وين؟؟ قلت ليهو لا. وسكتنا على كدا،،.. بعد مسافة وصلنا مجمع سكني كدا قال لي ح نقعد ف الشقة لي بكرة او بمعنى اصح لحدي ما تجي مواعيد المطار وبعدين ح نمرق،،.. هزيت راسي بس..،،، خشينا العمارة كانت كلمة راقية بسيطة عليها والانوار دهبية المهم حبيتها ونضيفة شديد،،.. بالمصعد طلعنا الطابق السادس كان ف شقق،، مشى على واحدة من الشقق دي وفتحها بالمفتاح وقال لي اتفضلي، خشي برجلك اليمين،، اتغظت منو م عارفه لي لكن خشيت وماسكه مرح وهي نعسانه،،.. طبعا قربت اشهق بس مسكت نفسي بالغصب صح شفت حتات كتيرة راقية وحلوة بس برضو م اتوقعت دي تكون كدة! يعني النضافففة لدرجة بتحسي السيراميك بلمع وبديك انعكاسك والنجف شكلو حلو والمكان مرتتب وواسع ونضيف وحلو والاثاث اقل شي اقولو عنو انو درعهههههه،،. رهيييب حرفيا وكمان لما خشيت المطبخ انصدمت زيادة،،.. حرفيا فيهو كل الادوات والآلات ح احاول احصر بعض منهم،،.. غسالة صحون، آلة القلي الهوائية، آلة صنع القهوة، آلة صنع العصير (يعني مثلا تخت الفاكهة وبتعصرها ليك عصير)، آلة آيسكريم (اي عديل كدا زي الفي محلات الايسكريم)،،.. وتاني حاجات كتيرة لا تعد ولا تحصى بالجد بقيت واقفه فاتحه خشمي وبعاين، م اول مرة اشوفها بس زي م قلت م اتوقعت كدا..،، البيت كلو ماشاءالله ولا غلطة والبلكونة تفتح النفس ومزينة وفيها كنب والغرف كل واحده احلى من التانية احساس فخمة بس بسيطة بس حلوة بس رهيبة، كلو مع بعض،،.. لو اتكلمت لبكرة م بخلص ف خليني اقفل موضوع الشقة دا،،.. المهم كنت واقفه اتفرج وواضح اني مبسوطة شوية مش عشان عاجبني الوضع بس عشان حبيت الشقة حسيتها مقاسي ظط،، بعد شوية انتبهت انو محمد بعاين لي وتاكل ف الحيطة ومبتسم نص ابتسامة وظاهرة غمازاتو! قلت بالله هوعندو غمازات!؟؟!؟ طوالي زحيت عيوني وقلبتهم كدا نظام زهجانه وقلبت وشي،، ابدا م حاخليهو يحس بي مبسوطة او فرحانة بالحصل دهـ،،.. بعد مسافة من الصمت ومرح حايمه تلعب ساي قال لي عجبك البيت؟ سفهتو طبعا،.. اتنحنح وقال لي عموماً العشاء ف التلاجة لو حابة تسخنيهو بالمايكرويف،، قلت ليهو شكرا..،، قال لي انا ماشي انوم ولحد م نتعود على بعض.., (ف اللحظة دي عاينت ليهو باشمئزاز كدا) انا ح انوم ف الغرفه ديك، واشر على غرفة،،.. وانت ومرح ح نتومو هنا،، واشر على غرفة تانية،،.. وكمان ف غرفه تالتة حقت اطفال مخصصة لمرح كاملة،،.. قلت ليهو شكراً بتي بخليها معاي،،.. شكلو اتحسس قال لي طيب على العموم تصبحي على خير،،.. قلت ليهو م عايز تاكل؟ قال لي الحمدلله ومشى،،.. ياخي والله الولد مهذب شديد ومحترم عكس امين تماما ف حسسني بالذنب على معاملتي الباردة دي بس برضو اكيد م ح اتعامل معاهو عادي كأنو م جابرني..،،، هو مشى وانا يادوب حسيت بالراحه والانتعاش،، طبعا كنت لسه لابسه التوب قلعتو وبقيت ف الفستان حبيت شكلي شديد،، اتصورت كم صورة وعملت كم تيك توك كدا،، بعدين مسحت الموسيقى من الغنية بي التطبيق العندي ف بقى الفيديو والغنية بس بدون موسيقى ونزلتهم ستوري،، تاني نزلت صورة لينا كلنا ال9 (صحباتي) اتصورناها قبيل وكتبت ربنا يحفظكم لي💛،،.. طبعا لقيتهم هم زاتهم م مقصرات قلت ليهم ستوريكم كلو بنات صح؟ قالو لي طبعا لدرجة انهم عملو اخفاء حتى لرجالهم عشان انا منقبة + شعري ظاهر،،.. حبييت الصور شديد المهم بعدها برضو صورت مرح ورفعتها كتبت قلبي❣،،.. بعدين خليتها تستحمى وتغير وسرحتها تاني ورقدت نامت بعد م شربت حليب،،.. انا فتحت التلاجه لقيت ف بيتزا وكذا حاجه بس م كان نفسي اكل ف بس مشيت استحميت وغيرت ببجامة واسعة ورقدت جمب بتي ونمت،،.. فجاة كدا احس ليك بزول بقول سندس،، سندس.. فتحت عيوني براحه لقيت دا محمد حرفيا لابس ومتجهز قال لي يلا مواعيد المطار جات،، طبعا قمت اتجارى غيرت ولبست وصحيت مرح ولبستها وسريع مرقنا،، الساعه كانت 5 صباحا والشمس قاعده تشرق والمنظر رهيب،، وهو سايق قال لي م حابة تعرفي المحل وين؟ اتجاهلتو،، اتنهد كدا وسكت،، صراحة الذنب اكلني قمت قلت ليهو اوروبا؟ قال لي اجابتك شبه صحيحة بس وين ف اوروبا؟ طبعا من جوهـ فرحت شـديـــد انو ماشين اورووبا بس م بينت ليهو،، مع انو بمشيها كتير وأي شي بس الفرحة برضو موجودة،،.. قال لي اها؟؟ قلت ليهو اممم اديني تلميحات،، ضحك وقال لي ماف،، قلت ليهو ياخخخخخخخخخخخخخخخخ،،.. بريطانيا؟؟ قال لي تؤ،،.. قلت ليهو اممم الدنمارك؟؟؟ قال لي الشارع الوراه،، قلت في سري اخخ هسه لو حافظة جغرافيا كويس كان عرفتها،، لكن م حنك بفتح خرايط قوقل،، ف بكل حماس شلت جوالي وفتحت الخرايط واثناء ما دايره اشوف كدا سحب مني التلفون قال غش ماف،،.. قلت اووووووفففففففففففف،، طبعا يادوب الاحظ اننا اتكلمنا واندمجنا عادي كدا😭😭!! قلت ليهو خلاص خلي السغاله ووريني وين!؟؟ قال لي ماف بس🤭 عاينت ليهو بغييظظظظظظظظظ كدا وهو بقى بضحك! زاتو م فاهمه الضاحك ليها شنو بس زاد غيظي،.. تاني سكتنا لما وصلنا المطار بركن عربيتو وواضح انو ح يخليها ف المواقف،،.. مشينا سوينا الاجراءات والباسبورت ودخلنا الصالة وشغاله اسمع النداءات،، لما نادو طيارة لي جدة قام قام! طبعا السودان اوروبا مباشرة كدا م بتجي عشان كدا لازم اول شي نمشي حتة واسطة😂!! بكل اختصار مشينا جدة ومن هناك طلعت الحتة هي ألمانيا وتحديدا العاصمة برلين ومنها ح نمشي كم منطقة،،. وفعلا سافرنا واقل شي ممكن اقولو انبسطنا شدددددييييييييييييد ومرح انبسطت ودا اهم شي عندي فسحناها ووديناها ملاهي واحنا زاتنا مشينا ركبنا اخطر قطارات الموت ف العالم،،.. واتعرفت على محمد من قريب وطلع اقل شي اقدر اقولو بعجز عن الوصف بس اهم شي انو ملتزم بالدين وبخاف الله،، مطلق اللحية وكل صلواتو ف المسجد واخلاقو حلوة وبخاف الله فيني وتعاملو حلو وما عندو كلام بذيء وحتى اكتشفت انو خاتم القران الكريم وبصلي بالناس! يعني حرفيا ربنا عوضني بحاجهـ الحمدلله لو حمدت ربنا لبكرة م بكفي واللهم لك الحمد حتى ترضى،،.. يعني هو فوق الخلقة اخلاق بالجد ربنا يرزق كل بت نيتها حلوة وقلبها نضيف واحد زي محمد دا،.. حرفيا بستحملني بكل حالاتي و م حصل غصبني على حاجة دايما بقول على راحتك حتى لو عصّبت وكنت منرفزة وشادة هو برخي،، كان نِعم الزوج والرفيق وكل شي،،.. حرفيا اتغيرت نظرتي واتبدلت احاسيسي ومشاعري ف اسابيع لانو بيتحب وبجبرك على احترامو من اخلاقو،،.. المهم بعدين نزلنا السودان واحساس اي عروس عزومات ونمشي لاهلو وطلعات وكدا،، وابدا م حسسوني انو مثلا عشان انا كنت متزوجة مفروض اتعرض لمضايقات او مطاعنات او كد،،.. كانو ظريفين وعسل عديل امو واخواتو واخوانو كلهم دمهم شربات,,،، وبرضو ما معترضين على اني منقبة مثلا زي بعض الاسر،،.. انا حرفيا في روحي م كنت مصدقة انهم حقيقيين وانو ف ناس بالطيبة دي،،.. عملنا لمرح اجراءات التحويل من المدرسة وخلاص ح نستقر ف السعودية بين الطائف والمدينة بس البيت ح يكون ف الطائف،، ايام السودان دي كنت بحاول اقعد مع صحباتي كويوس واستغل الوقت وكنا زعلانين اننا ح نتفارق،،.. لكن كنت مبسوطة شديد انو اسراء ف السعودية ف مكة فرقها مني ساعة واحدة بس،، حرفيا كنت مبسوطة شديد وما قادرة اصدق يعني صح بتتقفل من جهة وبتتفتح من جهة،، وشغلي واصلت فيهو بس بدل الطيران يبقى من الخرطوم بقى من السعودية لقطر وهكذا،، ولسه بلاقي ريان ف الطيارة طبعا،،.. اما شغل المستشفى قدمت منو استقالة لكن بواصلو يتصلو علي مثلا لو محتاجين حاجه،،.. طبعا الشقة ديك بقت شقتنا الدائمة ف السودان لو نزلنا وكدا،، حرفيا كل شي فيها رهيب وحتى شقة السعودية كانت حلوة يعني م اقل رقياً،،.. مرح نزلت مدرسة ف السعودية وانا كنت خايفه عليها من التنمر زي الانا اتعرضت ليهو زمان عشان كدة نزلتها مدرسة سودانية او اغلبها سودانيين بمعنى أصح،، وحياتنا كانت ماشة حلو وبلاقي اسراء كل مرة اكون فاضية اسوق عربيتي امشي ليها او تجيني وأحلى شي انو بنقدر نعمل عُمرة في أي وقت💙! الحياة كانت ماشهـ فُل لحدِ ما في يوم كنت اجازة من الشغل ومرح ف المدرسة كنت راقدة ف السرير وبتصفح ف الجوال ف دخلت الفيس عادي،، لقيت قروب كنت داخله فيهو بتاع استشارات بنات واحدهـ منزلة بوست والبوست كان حرفيا مولع الدنيا! مُختصرو انو اكتشفت انو راجلها كان بتحرش ببتها الطفلة العمرها 4 سنوات لانها م بتو من راجل تاني! يعني زي قصتي اتزوجت راجل بعدين طلقتو وعندها منو بت واتزوجت تاني وياهو اكتشفت انو حرفيا كان بتحرش في بتها على مدار سنين! هنا انا قلبي بقى يدق سرعة واتخيلت لو مرح حصل ليها كدا! قلبي بقى ينغزني ومن يومها م شفت راحة..........،،،