اهتمى بنفسك

الاهتمام بالمناطق الحساسه

ازاي نهتم بالمناطق الحساسه

عايزين حاجه تفتح الاندر ارم والبكيني ، عايزة اقولك انو طبيعي جدا يكون المنطقه دي اغمق درجتين مثلا من باقي الجسم ، معروف انهم منطقتين متغطيين طول الوقت ، اللي بيشوفو البنات اللي المنطقتين دول عندهم فاتحين ، دول مكلفنهم يابا😹😹😹 ، ممكن عاملين ليزر ، ممكن عاملين تقشير ، ممكن بيجيبو منتجات مستورده وغاليه جدا ، علشان يلاقوا نتيجه ، وعارفين مع الاهمال وعدم الاهتمام بالمناطق دي بعد كل الكلام ده ، هيرجو اسود من الاول وكأنك يا ابو زيد ماغزيت😹😹😹😹 ، طيب عايزين يبقوا طبيعي اللي هو ولا بيض اوي ولا سود اوي ، يعني المعدل الطبيعي ليهم .

تعالي اقولك تعملي ايه :_

_ الشعر من المناطق دي متشال ع طول ، سواء شيفينج او سويت او شمع ، اي حاجه بتفضليها اعملي بيها ، بس الاهم المنطقتين دول نضاف ع طول .
_ لازم يكونوا ناشفين ع طول ، يعني مثلا منطقه البكيني لازم بعد كل دخول حمام تنشفي بمناديل من الامام الي الخلف ، علشان البكتريا متتنقلش للمنطقه اللي قدام .
_ تغسلي المنطقه دي كل يوم سواء بالغسول اليومي او مايه وليفه و صابون بس الصابون يكون من غير كحول ، او مايه وملح ابسط شي .
_ اسكراب للمناطق دي مرتين ف الاسبوع ( سكر وزيت زيتون ، سكر وقهوة وزيت زيتون ، قهوة وزيت جوز هند او زيت زيتون ، سكر وزيت جوز هند ، او اسكراب الملح الجاهز ، لازم اسكراب اكتر حاجه مرتين ف الاسبوع
_ ماسك للتفتيح ( نشا وليمون ، دقيق وليمون ، بيكربوناتو وليمونه ، نشا وبودره التلك وتفركيها بليمونه ، لبن بودره وزبادي ورز مطحون ، رز مطحون ومايه ورد ) او اي ماسك جاهز انتي بتحبي اعملي .

اهتمي بيهم ، بس متدلهومش اكتر من اللازم علشان متجهديش المنطقه دي معاكي .

_ بعد كل شاور حطي ( بودره تلك ع نشا ع شبه مطحونه ) وحطي بين الفخدين والاندر ارم .
_ ممكن وانتي ف الشاور تاخدي نص ليمونه وحبه بيكربوناتو وتدلكي المناطق دي براحه ، وتسيبيها ١٠ دقايق وبعدين تغسليها عادي
_ صابونه البابايا او ليت اب او الكركم او الفحم احسن صابونه للتفتيح ، ممكن تستخدمي كاغسول كل يوم .
_ ف فتره البريود غيري الفوطه كل ٤ ساعات علشان متسلخكيش والتسلخات بتسمر اوي .
_ لو حسيتي بالتهاب او باكتيريا او بتهرشي ، اغسلي بالغسول الشهري بتاعك او لو مش عندك اعملي مايه بملح واشطفي المنطقه كويس ونشفيها وحطي البودر
_ الملابس الداخلية تكون قطن وممكن تحطي من تحت حبه بودره عادي .
_ الملابس تتغير كل يوم ، ولو خرجتي يبقي تاخدي شاور وتغيري تاني ، يعني مرتين ف اليوم
_ لما تخرجي وهتقعدي فتره طويله بره البيت استخدمي الفوط اليومين ( carefree) بتحطيها ف الاندر وتتلبس عادي ، زي always بالظبط ، بتخليكي نضيفه طول الوقت و مفيش ريحه ولا افرازات ولا عرق مع البودره طبعا .

اهم حاجه وهكررها تاني الشعر بيلم بكتيريا سواء ف الجسم او ف المناطق الحساسة ، لازم يتشال

_ اخر حاجه وانا شخصيا بعملها قبل النوم بمسح المنطقة بزيت الورد وقطنه ، بتخلي ريحتك جميله ومنعشه ، ولو لسه واخده شاور و نضيفه ، بردو القطنه بطلع بكتيريا
_ لو عايزين كريم ترطيب بدل البودر ممكن تستخدمي زيك اوليف ، او كريم كير باي كير من الصيدليه .

عايزين استمرار ، دي اسمها نضافه شخصيه يعني جزء منك ، وانتي حلوة ف كل حاجه واي حاجه

دمتم قمرات♥️
~Sö❤❤