اهتمى بنفسك

روتين كامل للبشره والجسم

تاني حاجه الشاور الاسبوعي ( الدلع كلو) :_
_ هتدخلي الحمام هتغسلي جسمك بالمايه وبعدين تاخدي شاور جل ع الليفه بتاعك وتبداي تغسلي جسمك كله ، علشان نتأكد ان الجسم بقي نضيف وننزل كل الاوساخ اللي عليه ، ودي اول خطوة .
_ الخطوه التانيه التقشير ، لازم تعملي سنفره او تقشير لجسمك علشان تتخلصي من كل الجلد الميت من الجسم ويبقي الجلد ناعم ونضيف ، المقشر هو ( سكر وزيت زيوت ، او سكر وقهوة وزيت زيتون ، او سكر وليمون ، او رز مطحون ونشا ومايه ورد ، او سكر وزيت جوز هند ، او رده وزبادي )
ومقشر حلو اووى مكون من (سكر و شاور جيل و اى زيت عندك زى زيتون او زيت جونسون او زيت ورد و نشا  )
كل ده مقشرات تحفه للبشره بتشيل الجلد الميت وبتفتح وبتشيل البقع وبتخلي جسم زي الحرير والله ، بتعملي اي مقشر من دول متوفرين عندك وبعدين تعملي تقشير لجسمك كلو وتسبي ع جسمك ١٠ دقايق او لحد ما ينشف على جسمك ، ولما اقولك الجسم كلو يبقي الجسم كلو ، فاهمه قصدي ااكيد🥷🏻 .

_ الخطوة التالته هتفركي المقشر بعد مانشف ع جسمك وتغسلي بميه كويس اوى .

_ الخطوة الرابعه الشيفينج للشعر ، شوفي الطريقه اللي بتريحك واعملي بيها ، سواء سويت او شمع او شفرات ، اللي يريحك ، بس انا عمتا بستريح ع الشيفينج لان انا بشرتي حساسه والشمع والسويت بيعملي كدمات تحت الجلد .

_ طيب لو بتعملي شيفينج زيي ، هقولك تعملي ازاي ، طبعا لازم بعد خطوة المقشر ، مينفعش تعملي شيفينج بدون اسكراب  ❌ ، يب ياستي دلوقتي عملنا المقشر وغسلنا جسمنا من المقشر كويس ، هنعمل ايه ، هتجيبي البلسم بتاع الشعر ، ايوا البلسم متستغربيش😹 هتحطي ع المكان اللي هتعملي فيه ازاله الشعر بلسم لمده ٥ دقايق ، وبعدين هاتي الشفره او المكنه البناتي ، وتعملي والبلسم موجود ، مع اتجاه نمو الشعر اول مره وتاني مره عكس اتجاه نمو الشعر علشان تتأكدي ان كل الشعر طلع ، اول مره مع اتجاه نمو الشعر وتاني مره عكس اتجاه نمو الشعر ، وبعد ماتخلصي حطي بلسم تاني واستني ٥ دقايق واغسلي جسمك وشوفي النعومه♥️ .

_ الخطوة الخامسه ( الترطيب) اهم خطوة في حياتك اصلا انك ترطبي جسمك بعد كل شاور ، وخصوصا بعد الشيفينج علشان ميطلعش في رجلك جلد الوزة او حبوب تحت الجلد ، رطبي بنڤيا او بانثينول او كارباميد او جل صبار ، او جوز الهند ، او زيت جونسون ، او زبده الشيا ، او اي لوشن للجسم عندك ، لااازم الترطيب لكل جسمك .

_ الخطوة الخامسه مزيل العرق ، مهم جدا ، اهم من حياتك انتي شخصيا😹 ، احسن مزيل عرق هتجربي وع ضمانتي وبيفتح وبيبيض كمان هو ( الشبه والمسك الابيض وبودره الاطفال ) هتجيبي من كل مكون معلقتين وتحطيهم ف برطمان صغيره كدا وبعد كل شاور تنشفي كويس وتحطي وهتدعيلي .

_ الخطوة السادسه :_ رجلك يااقمر ، يعني عيب لما تكوني قمر ونضيفه كدا ورجلك  مقشفه😹 ، المقشر اللي عملنا للجسم مننساش انك تحطي ع كعوب رجلك ووش رجلك ، رجلك كلها عموما ، وتجيبي فرشه الرجل والحجر وتدعكي رجلك كويس اوى وبعد ماتخلصي تحطي عليها مرطب بتاع الجسم او فازلين وتلبسي شراب قطن ♥️

عندك بقي اي اسبراي بخ بخ بخ كدا وشوفي ريحتك او ممكن مايه ورد او مايه زهر او برفان ع اماكن النبض بس حطي فازلين الاول ع اماكن النبض وبعدين رشي البرفان روعه بجد😌♥️

مممنوع تحطي برفان ع الاندر ارم هو مش ناقص سواد😹❌

دمتم قمرات

~Sö❤❤