اهتمى بنفسك

مقشرات وماسكات

الروتين ده الاسبوعي للبشره ، لو بشرتك مجهده اوي وهلكانه ، اعملي المقشر مرتين ف الاسبوع بس  ، والماسك يوم بعد يوم

ملحوظه لو فى وشك حبوب متعمليش مقشر غلط لان ممكن يزود الحبوب ويعمل مشاكل   ممكن تعملى ماسك عادى

ولو بشرتك حلوة اعملي المقشر مره والماسك مره

الروتين الاسبوعي .
شيفينج
مقشر
ماسك للتفتيح والنضاره ، او للحبوب ، او للبقع ،او اثار حبوب ، او غمقان ، والاسنان طبعا

التقشير والماسكات :

التقشير :_
_ سكر وزيت زيوت
_ سكر وقهوة وعسل
_ قهوة وزيت زيوت
_ قهوة وعسل ع نقطه ليمون ( لو عندك حساسية بلاش ليمون)
_ رز مطحون ولبن
_ رز مطحون ومايه ورد .

مقادير متساويه من كل حاجه وتحطيها ع بشرتك لمده ٥ دقايق وبعدين افركي وشك بحركات دائريه بس براحه علشان متجرحيش بشرتك وبعدين اغسلي وشك بمايه من الحنفيه عادي .
_ مننساش نقشر الشفايف بالمقشر بتاع الوش ، او ممكن تعملي مقشر للشفايف ب سكر وفازلين ، او سكر زيت زيتون ، او سكر وليمون وافركي شفايفك براحه اوي ممكن بإيدك او ب فرشه اسنان عندك نضيفه وبعدين اغسلي شفايفك ♥️

الماسكات :_
_ ماسك لتنظيف المسام وشد البشره ( معلقتين كبار عصير خيار ع معلقتين جيلاتين ، تحطيهم مع بعض وتدفيهم دقيقه بس ف الميكروويف ، وتحطي ع وشك لحد ماينشف وشيلي بقي الماسك ده حرفيا بيشيل اي حاجه في وشك سواء شعر او جلد ميت او رؤوس سودا ♥️ .
_ ماسك للحبوب ( معلقه كركم ، ومعلقه عسل ومعلقه لبن وتحطيهم مع بعض وتحطيهم ع وشك لمده ربع ساعه وبعدين تغسلي وشك وترطبي .
_ ماسك لتوحيد اللون وازاله التصبغات ( معلقه كركم ، معلقه عسل ، معلقه زبادي ، معلقه نشا وتحطتيهم ع وشك لمده ربع ساعه وتغسلي وشك )
_ ماسك النضاره ( خيار مبشور ، معلقه زبادي ، معلقه عسل (اختياري)  وتحطيهم ع وشك لمده ربع ساعه وتغسلي وشك . الماسك ده جميل جدا ف تخفيف الهالات السوده ، تخفيف عيوب البشره سواء كلف وتصبغات واثار حبوب♥️
_ ماسك لاثار الحبوب ( التاني) هتجيبي معلقتين عسل ومعلقه قرفه وعصره ليمون وتحطيهم ع وشك ربع ساعه  وبعدين تفركي وشك براااحه وتغسلي وشك .

_ ماسك لازاله الرؤوس السودا والتفتيح  ( بياض بيضه ومعلقه عصير ليمون وتحطيهم ع وشك ولو عندك الشيت ماسك حطي ف الماسك وحطي ع وشك ولو مش عندك افردي الماسك ع وشك وبعدين حطي مناديل ع وشك ، هتسيبي لمده ربع ساعه وبعدين تغسلي .
_ ماسك للتفتيح ( معلقه رز مطحون ، معلقه نشا ، معلقه لبن او مايه ورد وتحطيهم ع وشك لمده ربع ساعه وبعدين تغسلي .
_ ماسك للتفتيح ( كركم ، نشا ، زبادي ، عسل ، معلقه من كل حاجه وتسبيهم ع وشك ربع ساعه وبعدين تغسلي .

__ملحوظه الكركم يبقا كركم ماسكات مش الكركم بتاع الاكل فيه فرق بنهم ❤❤

_ زبادي ونشا ، تفتيح البشرة♥️
_ معلقتين دقيق ومعلقه نشا وتعجنيهم بمايه وتسبيهم ع وشك ربع ساعه ، تحفه من البياض والله♥️
_ اوعي تنسي رقبتك (معلقه لبن بودره ومعلقه نشا ومايه ورد)

والماسك شوفي اي المشكله اللي عندك واعملي الماسك المناسب ليها ، وممكن تنوعي فيهم ، بس مش ورا بعضو غلط❌ ، ممكن كل اسبوع تغيري ف الماسكات ، والمقشرات ♥️

~Sö❤❤