اهتمى بنفسك

العنايه بالرجلين

العنايه بالرجلين :_
هاتي طبق مايه دافيه مش سخنه اووي لا بارده ، وحطي فيها شاور وحبه عرقسوس ،، او ملح  وحطي فيها رجلك لمده ربع ساعه ، وبعدين التقشير علشان نشيل الجلد الميت ( سكر وليمون ) او ( ملح  وليمون وقرفه) واعملي تقشير لرجلك واستخدمي الحجر بتاع الرجل والفرشه وادعكي رجلك بي وانتي حاطه المقشر ، وبعدين سيبي شويه واغسلي رجلك ، وبعدين الترطيب ، رطبي رجلك بفازلين او زيت زيتون والبسي شراب قطن ونامي ♥️

لو عندك المشكله جامده ف التشققات اعملي يوم بعد يوم ، والنتيجه هتعجبك ، ولو معندكيش مشكله جامده يوم مره ف الاسبوعي .
لكن مننساش بعد كل شاور ندعك رجلينا بالفرشه والحجر ونحط مرطب ونلبس شراب ♥️
#تفتيح_الركب_والأكواع
**** تعديل: معلومة مهمة اننا نحط كيس عالكريمات دي عشان يزود امتصاص الجلد للكريم والنتيجة بتبقي افضل
انا شخصيا بلزق كيس ببلاستر 🙄😂
تفتيح الركب والاكواع ومن الآخر وباختصار يعني مفيش معلومة مش هنا ونرتاح كلنا😂
اسباب الغمقان هو الاحتكاك والجلد اصلا ف المناطق دي سميك اوي فطبيعي غامق
افتحه ازاي؟
هنحط طبقة رقيقة من كريم اكرتين "ده كريم تقشير" مرة بالليل قبل مانام نصحي الصبح نغسل المنطقة دي بمية واحط كريم كارباميد " مرطب"
المرطب ده مش مرة واحدة الصبح لأ كل ما تفتكري حطي وكل ما ترطبي كل مالمنطقة تفتح
اعملي اسكراب للمناطق دي كل اسبوع مرتين وحابة تحطي اي ماسك تفتيح ميضرش عادي ( الاسكراب سكر وزيت زيتون ) والماسك ( نشا وليمون )
طيب معلش في حاجة تساعد عالتفتيح اكترر؟؟
في ان احنا نضيف كريم تفتيح لو حابين " لو مصري اللي هو سعره قليل ارشحلكم ستارڤيل

~Sö❤❤