اهتمى بنفسك

نصايح حلوه وسهله

شويه نصايح كدا حلوة وسهله وممكن تكوني بتعمليها وممكن بتعمليها غلط ، فحبيت اقولكم عليها👇♥️

_ الصابونه مش بتتحط ع الشعر ، الشعر بنستخدم شامبو وبلسم ، ولو خلاص معندكيش لازم بعد الصابونه تحطي بلسم علشان شعرك مينشفش ولما تيجي تسرحي يتقطع ف المشط

_ لازم مشط خشب او مشط سنونه واسعه علشان ميقطعش شعرك

_ مزيل عررررررق يومي وبتك عليها اوي اهي احنا دخلنا الصيف هااا

_ تاخدي دوش كل يوم

_ شعرك جسمك يتشال علشان بيلم بيكتيريا والبكتيريا بتعمل ريحه❌❌

_ تغسلي وشك كل يوم مرتين ، مره الصبح بعد ماتصحي مباشرا ومره قبل النوم ، وترشي تونر ، وترطبي وشك بالرقبه وتعملي مساج كدا ٣ دقايق او حاجه

_ تغسلي اسنانك كل يوم مرتين ، مره الصبح وانتي بتغسلي وشك ، ومره بليل بردو وانتي بتغسلي وشك قبل النوم مباشرا يعني متغسليش اسنانك وبعدين تروحي تاكلي❌

_ تبقي ريحتك حلوة ع طول ، انتي كابنت مينفعش تبقي ريحتك مش لطيفه سواء ف اي جزؤ فيكي ( بوقك ، اندارم ، بكيني ، جسمك من العرق ) ده غلط وعيب❌

_ تخلي معاكي ع طول لبان بالنعناع او اي نوع فاكهه علشان ريحه بوقك ، وطبعا مننساش انتي بتغسلي اسنانك كل يوم مرتين

_ جسمك ناعم ع طول بالترطيب

_ ضوافرك نضيفه وشكلها حلو حتي لو مش بتحطي منوكير علشان الصلاه ، بس لازم تكون نضيفه وشكلها حلو

_ ايدك مفيهاش شعر❌

_ كعب رجلك نضيف ومفيهوش جلد ميت ولا مقشف

_ الماسك او حمام الزيت للشعر مرتين بس ف الاسبوع ، ولازم تغسلي بعديها شعرك بالشامبو والبلسم وتحكي سيرم

_ شعرك ميتغسلش اكتر من ٣ مرات ف الاسبوع عموما بس

_ لما تاخدي شاور كل يوم ابقي البسي بونيه ع شعرك لو اليوم ده مش هتغسلي ف شعرك او مش معاده علشان شعرك ميضعفش

_ شعرك ريحته حلوة بالكريم او السيرم اللي بتحطي او ممكن ترشي ع المشط اي نوع اسبراي ريحته حلوة وتسرحي ب شعرك

_ شعرك يتعملو مساج كل يوم قبل النوم ٥ دقايق وتلميه لفوق وتنامي ( كل يوم )

_ اي ماسك او اسكراب بتعملي لوشك لازم بعدها ترطبي وشك كويس اوي علشان وشك ميتبهدلش وتطلع ف اي مشاكل احنا ف غنا عنها

_ لو مش بتعرفي تقفلي مسام وشك بعد جلسه التنضيف متفتحاش اصلا ولا تعملي حمام بخار ، علشان انتي لو مقفلتهاش هتعملك مشاكل اكتر واكتر🤦‍♀️

_ رقبتك زي وشك بالظبط لازم تكون بيضه ونضيفه ومترطبه

_ شفايفك والنبي بلاش تكليها😂🙂

_ اعملي اسكراب لشفايفك وخليها ناعمه ومترطبه بالمرطب الشفايف، وممكن تجيبي مركب بلون هتبقي مترطبه ولونها حلو

_ لو بتحطي ميكاب حطي بس يكون خفيف وع بشره نضيفه ، يعني مثلا يكون وشك نضيف مفيهوش شعر ومغسول بالغسول وترشي تونر وبعدين ترطبي ولو الصبح تحطي صن بلوك ، واستني ٥ دقايق كدا وبعدين تحطي ميكاب خفيف ومش ملفت

_ شوفي اي اكتر حاجه مميزة ف وشك واهتمي بيها زي مثلا عيونك حلوة حطي مسكرا حلوة ولو بتعرفي تحطي ايلاينر حطي ، مثلا شفايفك حلوة تحطي روج هادي مش قافع😂❌ احنا مش ناقصين ع الصبح😂😂😂 ، يعني مثلا خدودك حلوة تحطي بلاشر هادي ولونه حلو ، كدا يعني فاهمين قصدي وانتي اصلا قمر من غير اي حاجه والله♥️

_ الصابون المغربي بيتعمل كل ١٠ ايام او كل اسبوعين او كل شهر ، لكن مش كل يوم❌❌

_ مزيل عرق اديني بقول اهو😂😂
ياستي اعملي ف البيت حتي ( هاتي شبه مطحونه بس ولو عايزه تزودى حطى عليها مسك ابيض بودره ونشا وبودره تلك وحطي مقادير متساويه من كل مكون وممكن  تحطي منه ف الاندرارم ) ده بقي ولا ريحه هتطلع منك علشان لو بتستحرمي الريحه وكمان هيفتح المنطقه

_ تعملي اسكراب لجسمك وبعدين ترطيب بلوشن علشان يبقي ناعم وميطلعش جلد الوزة لو تستخدمي شيفينج

_ ماسك لاي مكان ف جسمك غامق مرتين ف الاسبوع او تلاته لكن الاسكراب مرتين بس ف الاسبوع

_ الترطيب ثم الترطيب ثم الترطيب

_ تغسلي اسنانك بوصفه مره ف الاسبوع وانا نزلت وصفات كتير اعملي اي وصفه فيهم مره واحده بس ف الاسبوع ، لكن اوعي تنسي غسيل الاسنان كل يوم مرتين بالمعجون العادي ( زي سيجنل او كلوز اب او سيسوداين )

_ بلاش شمع ع وشك علشان هيتبهدل

_ اي نوع اسبراي ترشي بو بو بو كدا بالظبط ع جسمك😂😂

_ تغيري لبسك كل يوم وبالذات اللبس الداخلي❌❌

_ تغسلي منطقه البكيني كل يوم  وتغيري وتمسحي بزيت الورد هتحسي انك مالكه الدنيا ومافيها و الله♥️

~Sö❤❤