اهتمى بنفسك

حمام زيت لشعر

طيب لو عايزة تعملي حمام زيت محترم كدا لشعرك اي الزيوت اللي تجبيها وتجيب معاكي نتيجه♥️👇🏻

الزيوت :
هتجيبي راس توم حلوة كدا من عند مامتك وهتخدي منها ٤ فصوص توم
_ زيت توم
_ زيت بصل
_ زيت جرجير
_ زيت خروع
_ زيت لوز حلو
_ زيت روزماري
_ زيت نعناع
من كل زيت معلقتين بس
وتحطيهم ف برطمان ازاز وتسبيهم يوم كامل

وبعد كدا تقسمي شعرك وتحطي بأطراف ايدك الزيت ع فروة الرأس وبعدين تخلصي شعرك كلو ، وبعد كدا مساج لمده ٥ دقايق او ١٠ دقايق وتلفي شعرك لفوق وتلبس بونيه بلاستيك ولو معندكيش يبقي كيس بلاستيك عادي جداا ، وتقعدي كدا لمده ساعتين وبعدين تغسلي شعرك .

والله والله الوصفه دي جباره ف علاج كل مشاكل الشعر حرفيااا .

طب لو معندكيش كل الزيوت دي يبقي مش هنعمل لا طبعا .

هاتي زيت خروع مع زيت لوز حلو ، او زيت خروع مع جوز هند ، او زيت خروع مع زيت زيتون  ، وبردو تعملي نفس الخطوات بتاع تقسيم الشعر والمساج والبونيه والخ...ً.....

حمام الزيت مرتين ف الاسبوع بس♥️

بعد ساعتين طبعا هتدخلي تغسلي شعرك بوصي ياقمر ، اول حاجه : هتنزلي مايه ع شعرك و ممنوع مايه سخنه تماما ، هتستعملي مايه فاتره يعني نازله من الحنفيه عادي خالص ، وتغسلي شعرك كويس .
تاني خطوة الشامبو ، احسن شامبو تستخدمي لشعرك وطبيعي وليه فوايد كتير اوي تعالي اقولك عليه

_ هتجيبي نص كوبايه شامبو اي نوع ، ونص كوبايه قهوة ( بن ) مع اربع نقط او خمسه من زيت الروزماري ، وتخلطيهم مع بعض ، ووقت الشاور هتخدي منه حبه حلوين كدا ع فروة راسك ، وتعملي مساج لفروة راسك وترجعي راسك لوره ، وتسيبي خمس دقائق اقل حاجه ، والله الشامبو بالقهوة جميل جداا وابحثي ورايا ف كل كلمه بقولها ، الشامبو بالقهوة ، اكنك عامله ماسك قهوة ، وحمام زيت تاني بزيت الروزماري ، مع شامبو بينضف فروة الراس ، وزي ما قولتلك اقل حاجه ٥ دقايق ع الشعر وتغسلي شعرك كويس اوووي ، وبعدين تجيبي البلسم بتاعك الجميل وتحطي ع اطراف الشعر ، وبعدين تغسلي شعرك

~Sö❤❤