الغسول ( صابونه دوف او صابونه الكركم او صابونه الفحم او صابونه ليت اب ) ومش هتكلم عن جمالها بقي ابحثي عنها وهتشوفي ،
_ التونر ( مايه الارز ، تلج ، ماء ورد ساقعه ، النعناع والشاي الاخضر )
__طريقه تونر ماء الارز ( معلقتين رز وكوبايه مايه صغيره وتسبيهم منقوعين يوم وبعدين تحطي في اسبراي وبعد ماتغسلي وشك بالغسول بخ بخ بخ ع وشك 😹 )
__طريقه النعناع والشاي الاخضر ( هتجيبي مايه سخنه وتحطي عليها باكت شاي اخضر ، او لو سايب هتجيبي معلقتين ، وشويه نعناع حلوين كدا ، وتسبيهم متغطيين لمده ١٠ دقايق ويبرد وبعدين تحطي معلقه جل صبار وتحطي في بخاخ وع التلاجه وشوفي الانتعاش وبردو بعد غسل الوشك بخ بخ بخ ع وشك😹
__او تونر الحلبه
(٣ معلقه حلبه نشفه وباكت شاي اخضر وكوبايه كبيره مايه سخنه وتسيبهم لمده يوم كامل وتستخدمهم بعد الغسول تمسحي بيها وشك واستني لمده ساعه وبعدين اغسلي وشك لو مش حابه ريحته ع وشك بس اصلا الشاي الاخضر هيلغي ريحه الحلبه خالص .
اعملي اللي متوفر عندك وشوفي الفرق ف بشرتك هيبقي عامل ازاي .
التونر يتحط فى التلاجه مدة اسبوع
وبعدين التونر دا بناخد المايه بس فى البخاخه
اما الحاجات البننقاعها دى بعد ما تتنقع
بنصفيها ناخد الميه بس فى البخاخه
والبتصفا سوء كان رز اوحلبه نعناع دا نرميه خلاص اتنقع ومهمته انتهت
واشربي كل يوم كوبايه حلبه ولو بتحبيها باللبن اشربيها ، من فوايد الحلبه انها بتنفخ البشره وبتنفخ اماكن الانوثه ف البنت جدا ، واستمري عليها وشوفي الفرق عليكي هيبقي عامل ازاي
_ الترطيب ( البشره الدهنيه جل صبار او كريم خفيف ع وشك علشان وشك ميسيحش اكتر ف الصيف ، كفايه جل صبار ، لو بشرتك جافه ، ممكن تستخدمي بانثينول او نيڤيا
الطريقه ( بعد غسل الوش بالغسول ، وتحطي التونر ، استني لما ينشف ، وبعدين رطبي ♥️.
اوعي تنسي الشفايف ، رطبيها بكريم بيبانثين او لابيلو ، المهم رطبي شفايفك .
_ اهم نقطه ف الموضوع ده كلو نشفي وشك بمناديل مش فوطه ، مناديييييل ، اللهم اني بلغت🤚🏻
_ ممكن التونر يترش من مرتين لتلاته ف اليوم ، حلو جدا ، وبالذات مايه الرز او النعناع لانهم ليهم فوايد كتير اووى ، منهم بيفتحو وبيشيلو اثار البقع ، ولو عندك حبوب بيروحو ف وقت قصيره جدا♥️
_ عندك جفاف ف عينك استخدمي قطره سولو فيرش
_لتطويل الرموش، وممكن تستخدمي زيت خروع جل صبار او فازلين حلوين جداا للرموش والحواجب .
دمتم قمرات♥️
~Sö❤❤
أنت تقرأ
اهتمى بنفسك
Ficción Generalكتاب بيتكلم عن العنايه بالنفس من اول شعرك لحد صوابع رجلك روتينات وصفات طبيعيه
