اهتمى بنفسك

ماسك استعمال يومى

هقولكوا انهارده ع ماسكين للبشره ، وليها فوايد كتيير اوي ومنهم معالجه الحبوب واثارها والهالات والتجاعيد والخطوط االلي ف البشره والاسمرار وكمان هينفخ الخدود مع الاستمرار والله يعني مش محتاجه حاجه تانيه خالص بعد الماسك ده .

المكون الاساسي هي ( الحلبه ) وابحثي وشوفي فوايد الحلبه وفوايد الماسك اللي هقولكوا عليه ده وادعولي

الماسك الاول
( نص كوبايه لبن سايل ونص كوبايه حلبه مطحونه ومعلقتين نشا ) وتحطيهم ع النار وتقلبيهم كويس اوي لحد ما يبقي كريمي وممكن تلاقي بقي عجينه معاكي بسبب النشا ، اضربيهم ف الخلاط وهيبقي كريمي وحطي ف علبه نضيفه وافضلهم علبه ازاز ، واستخدمي كل يوم قبل النوم ع بشره نضيفه لمده ساعه وبعدين اغسلي وشك ورطبي وشوفي الفرق وتخفظي ف التلاجه لمده اسبوع بس .

الماسك التاني .
لو مش عايزة حاجه ع النار ، ممكن تحطي معلقتين حلبه مطحونه ع معلقتين عسل ابيض ع معلقتين لبن سايل وقلبيهم كويس اوي وتفرديهم ع بشره نضيفه لمده ساعه وتغسلي وشك وترطبي بعدها كويس

فيه كريم الرز جميل جدا
تالت حاجه بقي كريم الرز

المكونات👇🏻
نص كوبايه رز
كوبايه ونص مايه
٣ ملاعق لبن بودره
٣ ملاعق نشا

الطريقه👇🏻
هتحطي حله ع الناى وتحطي الرز والمايه وتسلقيهم نص سلقه كدا وبعدين تهرسي بالمعلقه وبعدين تضربي ف الكبه او الخلاط لحد ما يبقي كريمي معاكي وبعدين تحطي ف برطمان وتضيفي عليه النشا واللبن البورده وممكن تحطي عصره ليمونه بردو وجل صبار

وبعدين تقلبي كويس اوي وتستخدمي كل يوم بليل لمده نص ساعه وبعدين تغسلي وشك وترطبي بعدها وشوفي النتيجه بعدها بمده صغيره اوي .

الفوايد👇🏻
طريقة عمل كريم الارز الكوري ، يعد من افضل الكريمات التي تساعد علي تفتيح البشرة بشكل فوري، وتعتبر من اهم المكونات في كوريا التي تساعد، وتعطي بشرة نظيف وخالية من الاسمرار والكلف والتجاعيد، ويعتبر الارز من اشهر المكونات في كوريا حيث يدخل في جميع المجالات لديهم ويمكن لكريم الارز الكوري تفتيح المناطق الحساسة والركب ومعظم اجزاء الجسم والبشرة كاملا، ايضا ويحتوي علي مواد قوية وفعاله في التفتيح بشكل كبير جداً، وعلاج البقع والاسمرار من الشمس او الكلف وكمان اثار الحبوب ♥️

~Sö❤❤