اهتمى بنفسك

الاهتمام بالشعر

النصايح :
_ غسيل الشعر مرتين ف الاسبوع بس مهما كان شعرك دهني او جاف ، مرتين بسس
_ متسرحيش شعرك وهو مبلول غلط غلط غلط ، الشعر بيبقي ضعيف اووى وسهل جدا اني يتقطع ويطلع ف المشط
_ تمشيط الشعر بمشط خشب ، ودي خطوة مهمه اووى حتي لما مش هتعملو روتين للشعر ، كفايه مشط خشب ، المشط البلاستيك بيولد شحنات استاتيكيه بتدمر الشعيرات وبتحولها لشعر تالف جداا ، بتسبب تساقط وجفاف وتقصف ، يعني ممكن يكون معظم المشاكل عندك من المشط البلاستيك
_ استخدمي مشط خشب ♥️
_ استخدام شامبو غير مناسب مع نوع شعرك ، ف مهم جداا تستخدمي شامبو وياريت يكون طبيعي وبردو دي عليا متقلقوش♥️
_ مينفعش تكوني بنت وبتهتمي بشعرك وعايزها يطول ومعندكيش فيتامينات للشعر
_ وبردو مينفعش تكوني بنت عسوله وكتكوته كدا ف نفسك وبردو مش بتسخدمي ماسك للشعر او حمام زيوت لشعرك ، عيب والله😹
_ تسريح الشعر مهم جداا وطبعا مينفعش تكوني بنت وشعرك معلشي يعني مكمكم وريحته وحشه هتسوءا سمعتنا والله ، ف حتما ولابد انك تسرحي شعرك مرتين ف اليوم طبعا الصبح لما تقومي من النوم وقبل ما تنامي ، ومش هيأثر يعني لو ف وسط اليوم تسرحي شعرك ، لان ده بيجري الدوره الدمويه ف شعرك ، وطبعاااا مشط خشب مهم جداا
_ الفوطه ، عيب الفوطه اللي بتمسحي بيها لامواخذه تحطيها ع شعرك😹😹 ، لازم فوطه مخصصه لشعرك ، ولو متوفره قطن يبقي ميه ميه والله علشان تشرب كل المايه اللي ف شعرك وتنشفو وتخلي حلو ويكون سهل التسريح ، وطبعااا اوعي تسرحي شعرك وهو مبلوووول🤚🏻
_ الشامبو مرتين ف الاسبوع بسس ، والشامبو ع فروة الرأس بس مش ع كل الشعر علشان مينشفش شعرك من تحت وتخلي متقصف وهايش ، و اكيد تستعملي بلسم ع باقي شعرك من تحت
_ البلسم مش بيتحط ع فروة الرأس علشان متخلهوش ناعم وسهل انو ينزل ف المشط
_ ياريت تعملي مساج لشعرك بليل قبل النوم باطراف الصوابع مش بالضوافر علشان متجرحيش  فروة راسك ياقمر
_ متشاركيش حد المشط بتاعك خااالص
_ تسريح الشعر بشكل عكسي علشان تجري الدوره الدمويه وهوريكو صور
_  تهويه الشعر مهم جداا ، مش ع طول لامه شعرك لازم الشعر يتهوي ، احنا طول اليوم بنبقي ف الشارع ولابسين طرح مش طرحه واحده😹 ، شعرك بيقول اغثوني😹😹😹 ، اول ماتروحي فوكي شعرك وخلي يتنفس
_ حكايه قص الشعر دي علشان يطول انا مش معاها خالص ، ومش بحب اقصو ، وبحسو اني بعجزه حتي لو قصيت ١ سم بزعل اووي ، النقطه دي انتي وراحتك بس انا منصحش بيها
_ كلي خضار كتييير واشربي مايه كتيير اووي هيفرق ف صحتك عمتا ، شعرك ووشك وجسمك
_ متلفيش شعرك كحكه قبل النوم وتنامي عليها علشان ممكن يتقطع ، ممكن تلفي وترفعي لفوق احسن بكتير وطبعا بعد المساج بحركه عكسيه حلو اوي وهتفرق جداا
_ حمام الزيت ميتسبش ع الشعر اكتر من ٣ ساعات بسس
_ بلاش استشوار او بيبي ليس لانو بيهلك الشعر ، لو عندك مناسبه ماشي ، لكن مش ع الفاضي والمليانه علشان غلط اوي
_ يفضل لم الشعر بتوكه ستان او بونيه ستان ♥️

دمتم قمرات♥️
~Sö❤❤