طيف قامت وراحت عنهم وهي منقهره ومتنرفزه انه خليفه ساحب عليها ولا معبرنها وهي طالعه من المطعم مايد داخل انخبطت فييه بعدت طالعته انصدمت
طيف : اسفه والله ماشفتك
مايد : حصل خير
دخل ع طول طيف كملت طريقها وقفت تترياهم قريب المطعم لين طلعوا ويو لعندها
منايا : يوم طلعتي هو دخل غثيثه لازم تخربين علينا
طيف : فكينا زين انا متضايقه برجع البيت
شما : بذبحج طيف هذي المره بعد بتخربين علينا الطلعه !! والله بزعل منج
طيف : تعالوا انزين ندخل هالكوفي
منايا : يلا تراني مصدعه ابي كووفي بسرعه
دخلوا الكوفي وقعدوا ، طيف وصلتها رساله من خليفه
خليفه : تعرفين قاعد مع ربعي فاكيد ما بلتفت لج وبرد عليج
طيف : بس نرفزتني عالاقل لو ابتسامه !!
خليفه : ماقدر ابتسم عسب محد يلاحظ بعدين انتي ليش زعلانه ! خلاص المهم شفتيني
طيف : ما شفتك عن قرب من بعييد ومتبخل علي بعد
خليفه: اوعدج تشوفيني عن قرب بس عقب بقولج الحين مب فاضي عقب بكلمج انتي وينج روحتي؟
طيف : لا دخلت الكوفي اللي حذاله
خليفه : اوك
شما : ها كنتي تكلمينه؟
طيف : هيه يقول ما كان يبي ربعه يلاحظون عليه
منايا : قلتلج بس انتي غصب يبينه يعبرج
شما : راح عنا مايد ماشبعنا من النظر فييه الحين بيدفع الحساب لغيرنا
طيف : وانتي هذا اللي هامنج خلاص حسابكم علي هالمره طلبوا اللي تبونه
