منايا : مابي مابسير مب هامني
طيف بطنازه : والله مب هامنج؟
منايا : هيه
طيف : اوك بشووف لوين بتوصلين مع خليفه
منايا : لعندج قلبي
طيف : اوك بنشوف
طيف راحت عنها تقعد ، ع العصر مايد كتب لطيف
مايد : وينج
طيف : وين بكون
مايد : يلا تعالي
طيف : وين ايي !
مايد : قلتلج اليوم بشوفج
طيف : وين تشوفني شسالفه مافهمت متى قلت لي؟
مايد : شفييج انتي فيج زهايمر تنسين الصبح قايلج
طيف : مابطلع "بجذب" اليوم بيونا اهلنا وبقعد معاهم مب حلوه هم موجودين وانا اطلع عنهم
مايد : صارلج خمسين سنه عندهم ما مليتي منهم
طيف : في حد يمل من اهله؟
مايد : انزين كيفج اتحججي الحين من تدخلين بيتي بشووف كييف بتروحين لهم
طيف : خييير من الحين بتمنعني من اهلي انت؟ لو انت جي ابووي انا مابيك انا وحده ماصبر عن اهلي
مايد : اسولف شفييج لا تاخذينها جد بعد انتي
طيف : يلا ببند انا مشغوله مب فاضيه
مايد : اوك
طيف بندت ،، بعد يومين في يوم الملجه ، وقعت طيف بعد تردد طوويل وتوتر ،، باركولها
ميرا : اخييرا وصرتي عروس
طيف : بعدني
ميرا : مب مهم العرس المهم بتصيرين خلاص عرووس بس باقي العرس وان شاء الله ربي يتمم يارب
طيف مسكت ايد ميرا : متوتره
ميرا : اهدي شفييج ع اساس مب قاعده معاه ولا بينكم شي قبل ما تملجون
طيف : بس الحين غير
ميرا : ماعلييه اهدي شوي
منايا : هالعروس
طيف : خييير
منايا : يلا بيدخل مايد يسلم وبيلبسج
طيف : تراني جاهزه خ يدخل ولا شرايكم كلكم تطلعون و انتم روحنا
منايا : خيير ان شاء الله ابي اصور انا ماشي طلعه وكلنا بنقعد
طيف : نحاسه فيكم
ميرا : هذو ياي يلا منايا تعالي نسير
