طيف : هههههه سوري والله خذتنا السوالف
مايد : اها اوك
طيف دخلت الحمام تبدل بعدها طلعت وانسدحت بالسرير حذال مايد ، مايد يترياها تتكلم او تسوي شي ، وطيف نفس الشي لين رقد عنها
طيف : مايد؟ مايييد؟ اففف من يحط راسه عالمخده ع طول يرقد
قامت قعدت في الصاله شافت سنابات ميثه ، ميثه ع طول كلمتها
ميثه : سهرانه؟
طيف : هيه مافيني رقاد مايد راقد
ميثه : تعالي غرفتي
طيف : متعايزه ابدل ملابسي
ميثه : لا تبدلين خليفه راقد مابيطلع ولا بيشوفج يلا تعالي مب من بعد غرفتي صوبكم
طيف : اوك
طيف قامت ولبست الروب طلعت وهي تراقب الوضع برع ، مشت بسرعه ودخلت غرفه ميثه
طيف : ها شعندج
ميثه : ماشي ملانه قعدي خ نسولف
طيف قعدت حذالها
ميثه : اقولج ميرا ماخذه اخوج عن حب ولا؟
طيف : لا ابوي خطبها له يعني الحب يا عقب الزواج
ميثه : اها اخوج الثاني عيل شو وضعه؟
طيف : حميد؟ مالج ع اختها بعد منال عرسهم قريب
ميثه : ايوا ليش ماخذين من الاهل بس ليش ما يطلعون برع
طيف : مايبون
ميثه : اها احس مب شي بعد جي حتى عيالهم احس بيطلعون يشبهونكم
طيف : انا اتزوجت من برع العايله بشووف كيف بنتي و ولدي بيطلعون
ميثه : بيطلعون حلووين عليج متاكده اقولج انا يوعانه مب يوعانه انتي؟
طيف : بصراحه هيه
ميثه : شرايج ننزل المطبخ تعرفين تطبخين؟
طيف : هيه اعرف
ميثه : عيل خ ننزل
طيف : انزل جي وانا لابسه لانجري وماخذه راحتي كانه اخوج مب موجود اهني
ميثه : اخووي راسه ثقيل راقد مابينش الحين يلا تعالي ننزل محد درى عنج ترا والله
طيف : انزين
