منايا : انا مب هامني الكوفي انا اللي هامني انك تروح تسفل باخوك مثل ماسفل فيني
مايد : اوك ساير الحين بشوفهم
مايد بند عنها وراح الكوفي طيف وخليفه قامو بيطلعون مايد دخل
مايد : ليش ماقلتي لي انج يايه هني؟
طيف : ليش انت معتبر لي وجود بحياتك عسب اخبرك طالعه او قاعده
مايد : ردي ع قد السؤال
طيف : والله عاده كيفي يوم انك مب حاط لي وجود بحياتك ومب معبرني انا مثلك مابحط لك وجود واعتبار بسير وبطلع وبسهر وبسوي اللي ابيه دام ماعندي ريال بحياتي
مايد مسكها من ايدها ورص عليها سحبها لبرع الكوفي ، خليفه طنشهم وراح عنهم ، مايد سحبها لسيارته
مايد : طووفي ركبي بسرعه
طيف سحبت ايدها : بعد ايدك عني ماتجبرني اركب معاك مثل ماييت برجع بعد عني
مايد : ركبي قبل ما اكسر راسج الحيين تبين تردين معاه؟ ركبي اشوووف
طيف صرخت : مابا اركب معاك مابا
خليفه وهو طالع شافهم واصواتهم كانت مسموعه راح لعندهم
خليفه : ترا مب هني تحلون مشاكلكم الكل يطالعكم شل حرمتك وارجع البيت صارخ عليها قد ماتبغي بس مب جدام الناس
مايد : هي راضيه تركب عسب اسكت عنها؟ يلا ركبي
طيف : قلتلك مابا ماتفهم انت
