منايا : ماراح تضيعين انا خبره في الريايل واعرف اييب راسهم بسهوله لو ابا خليفه او مايد مابيردني شي بس انا ابييج انتي اللي تشغلين كيدج شووي قاهرني والله مايد لو مكانج من الحين قمت وسرت دورت ع خليفه اييب راسه
طيف : واذا الريال متزوج !
منايا : وشو يعني لو متزوج؟ عادي تفكرين تتزوجينه انتي وترتبطين فييه؟
طيف : لا طبعا مافكر اني اتزوج اصلن ولا ابي اضيع عمري ف علاقات نهايتها بتنتهي بفراق
منايا : يعني ماعرف انتي ليش شاله فكره الزواج من راسج شو السبب قوولي؟ الحين هذا السادس يمكن يتقدم لج وترفضين
طيف : وبتم ارفض مابا اتزوج انا مابا
منايا : قوولي السبب عشان اقتنع
طيف : مافي سبب
منايا : انزين يلا قوومي خ نبدا شغلنا
طيف : شغل شو ! مب سايره مكان معاج
منايا : لا بتسرين بنسير هاك الكوفي اكييد بيكون موجود هناك
طيف : مابا
منايا : لا تبين يلا قوومي انا بسير ابدل واجهز وبقعد اترياج تحت يلا لا تضيعين لنا الوقت
منايا طلعت عنها راحت تجهز تريت طيف لين طلعت لها ، وطلعوا مع بعض رايحين صوب الكوفي ،، وصلوا ورايحين يمشون للكوفي
طيف : احس خلاص خ نرجع انا مب قدها ماقدر اسوي شي اخاف
منايا مسكت ايدها : انا معاج شو يخوفج ما بياكلج هو
طيف : اخاف مايد يكون موجود مابا اشووفه
منايا : وشو يعني لو موجود؟ اتمنى انه يكون موجود عسب اعطيه كم كلمه بويهه القذر
طيف : اقولج خ نروح خلاص خ يولون مانبا منهم شي
منايا : مب ع كيفج عقب ما وصلنا نرجع ، والله مارجعت تعالي اشووف
