شلت شيلتها وطلعت عنه تقعد في الصاله روحها
ميثه : اووه انتي هني شو مقعدنج هني
طيف : اخووج طردني
ميثه : مايستحي ع ويه تعالي رقدي عندي
طيف : مابي
ميثه : شو ماتبين قومي يلا تعالي
قامت ودخلت معاها الغرفه قعدت حذالها بالسرير
ميثه : عاد مب ترقدين وتتحريني ريلج تتلصقين فيني
طيف : لا شو قالو لج؟ حبيبتي انا ماتحرك من مكاني
ميثه : زين اطمنت
طيف حطت راسها ع المخده ، خليفه رفس الباب ودخل بطل الليت
خليفه : ايييه اييه قومي بسرعه
ميثه فرت المخده ع طيف تغطي راسها خليفه شاف طيف
خليفه بهمس: معاج؟
ميثه : هيه معاي اخوك طاردنها اطلع برع
خليفه : تعالي برع
خليفه طلع ميثه قامت
طيف : هذا شفييه دفش جي داخل
ميثه : هذا كل يوم جي متعوده عليه اكيد يوعان ويباني اطبخ له هاي سوالفه
طلعت لعنده
خليفه : ها يستهبل كييف يطردها قسم بالله ادفنه الكلب
ميثه : هد اعصابك شتبي انت
خليفه : يوعان سويلي اكل
ميثه : والله متفيج تراك اطلب لك المطاعم وايده
خليفه : ماحب الا من ايدج
ميثه : اوووف متى بتتزوج وتريحني منك انزييين
خليفه : الله يسمع منج واتزوج وافتك منج
ميثه دخلت عند طيف : اقولج انا بنزل المطبخ هذا يوعان بسويله اكل تبين اسويلج معاه؟
طيف : الصراحه حتى انا يوعانه سويلي ولا اقولج بنزل معاج نطبخ مع بعض
ميثه : زين تسوين تعالي
