طيف : لالا مابيسويها خلاص بحاول اني اتعدل معاه اعرف كل اللي صاير مني بس خلاص بعدل من عمري مع اني مب طايقتنه والله كارهتنه وادري هو كارهني بس شو بسوي يمكن مع الايام احبه
ميرا : حاولي تقربي منه لصقي فييه ترا قربكم مع بعض واييد يزيد حبكم لبعض
طيف : بحاول
تموا يسولفون لين المسى ميثه تململت كتبت لمانع
ميثه : ملانه تعال شلني
مانع : طلعتي اخت مايد
ميثه : هيه اخته ليش ماتدري؟
مانع : لا
ميثه : تعال انزين متولها علييك حبيبي
مانع : انتي وين
ميثه : في بيتكم ماسرت
مانع : ليش خبل انا اشلج من بيتنا
ميثه : هيه سويتها قبل والحين بتسويها بعد يلا تعال
مانع : مابسويها الحين مابيي
ميثه : ياويلك تعال بسرعه شلني متولها علييك انا
مانع : بتترين واييد شكلج ردي مع طيف مابرد البيت اليوم
ميثه : ليش في حد بحياتك غيري؟
مانع : هيه حرمتي نسيتيها
ميثه : حرمتك قاعده حذالي وانا اكلمك الحين وبطلعني من بيتكم معاك
مانع : احلمي اسويها
مانع سحب عليها ميثه تمت تترياه ايي
طيف : منووي منال وينها عنج من زمان ماشوفها اتي بيتنا
منايا : من ملج عليها حميد وهي مقاطعتني وماتي بيتنا موول ع اساس يعني زعلانه وماتبي اخووي
ميرا : عرسهم هالاسبوع وبتي البيت وبتشبعين منها
طيف : ميثه يلا نروح؟
ميثه : لا ليش صبري شوي
طيف : مابا اتاخر ابي ارجع قبل مايد
ميثه : اففف زين
