حط الخاشوقه ع الطاوله وقعد يطالع طيف كيف مهتمه لخليفه وتدلعه بالاكل ومهتمه لابسط التفاصيل معاه ، قام وطلع عنهم ،، بعد اسبوعين
خليفه : يلا خلصي عسب نطلع بقعد تحت اترياج
طيف : اوك الحين بخلص
خليفه نزل يقعد تحت يتريا طيف مايد نزل
مايد : اقولك عطني سويج موترك باخذه ، منايا خذت سيارتي
خليفه : خذ السياره الثانيه اباها انا سيارتي هذي بطلع مع طيف والثانيه مافيها مخفي مابركب طيف فيها
مايد : بروح الصيدليه وبي بس يلا ييب السويج
خليفه عطاه السويج مايد شل السياره وراح ، خليفه قعد يترياه طوول صعد عند طيف
خليفه : اقولج خلاص مابطلعج اليوم هذا ميوود يستهبل قال بياخذ سيارتي بيروح الصيدليه وبي والحين كاتبلي طالعتله شغله مابي
طيف : اففف مب وقته اخوك ليش تعطيه انت
خليفه : ع اساس بيروح الصيدليه بس ماعليه خليها يوم ثاني بعوضج ان شاء الله
طيف من ورا خاطرها : زين
خليفه طلع عنها طيف تمت قاعده روحها ، عقب نص ساعه دق لها
خليفه : خلاص بطلعج الحين يلا نزلي ماهنتي علي
طيف : اوك حبيبي الحين يايه
طيف قامت لبست عالسريع عباتها ونزلت تحت ، شافت سياره خليفه ، وركبت ع طول بدون ماتشوفه
