خليفه : تدرين انه من اول يوم دخلتي عندنا البيت وانا اول مره يدق قلبي لبنت كنت كل ليله انقهر انج مب لي لغيري ، كنت اتعمد اني اقعد فالبيت بس عشان اقعد معاج واسولف معاج كنت ابيج تقعدين معاي وماتروحين مني كنت امووت بداخلي يوم اشووف مايد مب مهتم لج ويدور الرخص برع وهو مب حاس باللي عنده اللي اخووه ميت الا وياخذها عنه ، طيف انا لو مابيج وشاريج جان ماشفتيني للحين معاج وكلمت ميثه عشان تكلمج بس رفضتيني تدرين اني كنت هاك اليوم مستعد اني ايي واخطفج وتصيرين غصبا عنج لي ، انا ابييج كثر ما انتي تبيني افهمي مشاعري اتجاهج انا احبج وابيج مابيج تستحين مني ولا تخشين مشاعرج عني " تقرب منها وسحبها لحضنه وباسها ع راسها"
طيف : خليفه انت ماتعرف شو اللي عشته انا ، خليفه اخوك عيشني بجذبه واييد كبيره لما عرفني علييه ع اساس انت ، خليفه من اول يوم شفت صورتك فيها وانا كنت اتمنى تكون انت هذا الشخص كنت اتمناك كل ليله مع مايد تكوون انت مب هو ، عمري ماتمنيت مايد طوول الفتره اللي كنت ع ذمته وانا اتخيله انت ، كنت اقدر من اول مشكله البسه الباب واسير بيت اهلي ، بس تميت لاني قريبه منك ومابا اسير بعييد عنك وماشووفك ، كنت احب وقتي معاك مثل ما انت تحب وقتك معاي
خليفه : وليش تخشين مشاعرج عني ليش تكابرين كل ماتشوفيني وتستحين مني؟
طيف : لاني استحي منك
خليفه : بعد ردت قالت استحي منك شسوي فييج انا اذبحج
طيف حطت عينها بعينه : حلالك
خليفه تخرفن عليها : فدييت حلالي والله
طيف : فداك ياخليفة قلبي
