ع المسى فبيت اهل منال كلهم متيمعين منال تخز ميرا عسب تتكلم عن اللي صاير معاها
ميرا : اممم منال في شي تبا تقولكم عنه
منال : قوولي انتي
ام عمر : شفييكم
منال : انا ابي انفصل عن حميد مب مرتاحه معاه
ام عمر : ليش شفييه الولد تنفصلين عنه !
عمر : مقصر معاج بشي؟
منال : مب مرتاحه مب متفاهمين مع بعض
بو عمر : مايصير جي باجر بتيبون عيال بتتعودون ع بعض وترتاحون لبعض
منال انفجرت : مابا اعيش مع واحد مايغار علي
عمر : شقصدج مايغار عليج وضحي اكثر
منال بتردد : يقعدني مع ربعه وعادي عنده لو كنت مع واحد من ربعه روحنا مايغار ماحس اني متزوجه ريال مابييه مابا واحد مايغار علي ويعتبرني وحده من ربعه مب زوجته
بو عمر : حميد مقعدنج مع ربعه !! هذا استخف ولا طار عقله؟
عمر : طلعت جي سوالفه الخسيس انتي بتقعدين هني وانا اعرف كيف اخلييه يطلقج
ام عمر : ماتوقعت من حميد جي يطلع منه شفييه شو ف مخه
منال : يقولي انتي معقده الناس متفحته والشي طبيعي مايزعل ولا انه غلط اللي يسوييه
بو عمر : هذا عطيناه البنت امانه اخر شي اخلف بالامانه والله انه مب ريال انتي بتقعدين هني فبيت ابوج مالج رده عنده
منال استانست انها اهلها اتفهموها و وقفوا معاها ، بو عمر وعمر دقوا لحميد ، عمر ماقدر يمسك عمره يوم شافه مد ايده عليها ، وبو عمر جبره يطلق منال غصبا عنه ،،، بعد اسبوعين منال وحميد انفصلوا رسميا ،، وبعدها باسبوعيين صوب مانع كان طالع مع ميرا من العياده وعرفوا جنس البيبي طالعين مستانسين في السياره ، تلفون مانع كل شوي يرن ، مانع حاطنه ع السايلنت ، ميرا عينها ع تلفونه
