منايا : خلي عنج الحقد والانتقام انا ساحبتنج عشان تقنعيها ترجع لمايد وانها توافق عليه ، تعبت منها ماعرف شو سبب رفضها للزواج سادس واحد هذا ترفضه مب معقول مافي بنت ما تتمنى الزواج وفوق هذا بدون سبب ترفض قاهرتني لو بنتي زوجتها غصب اففف
ميرا : شفييج انزين الزواج مب غصب بعد هي لو ماتبي كيفها محد يقدر يجبرها هذا قرارها وهي حره فييه
منايا : لا حبيبتي مب قرارها هذي قراراتنا كلنا الزواج هذا بيتم يعني بيتم
ميرا : وانتي ليش مصره على هذا الزواج
منايا : عشان تتسهل اموري معاها واخذ خلووف
ميرا : و عمر اخوي خلاص ماتبينه؟
منايا : اخوج ثقيل تعبت منه مب معبرني وانا ماحب الثقيل حصلت فارس احلامي خلاص بدون ماركض وراه
ميرا : انتي ماكملتي اسبوع معاه خلاص قررتي تاخذينه نفس الرمسه اللي كنتي تقولينها لعموور اخوي الحين تنعاد لخليفه
منايا : لا هالمره بتصير خلاص
ميرا : بنشوف عاد اذا صارت كشختي بتكون ع حسابج
منايا : افا علييج بس
ميرا : بسير اشووف اختج
ميرا دخلت عند طيف سلمت عليها وقعدت
ميرا : ترا انا عرفت كل شي منايا اختج عطتني الموجز كامل
طيف : نقاله العلوم هاي ماتعرف تسكت
ميرا : طيف اللي صار صار الحين الريال تقدم لج صح او لا؟
طيف : هيه بس مستحيل اتزوجه ماباه
ميرا : من اي ناحيه ماتبينه؟ عشان سبب التحرش؟ ولا عسبت جذب عليج؟ قوولي عسب اعرف ارد عليج
طيف : الاثنين و وايد اسباب مب بس هالسببين
ميرا : اوك شو الاسباب الباجيه؟
طيف : نسونجي وله علاقه ف ضحى ربيعتي في الدوام
ميرا : اوكييه انا قلتلج بخصوص موضوع التحرش قلتلج بنرووح عند دكتوره وخليها تكشف علييج انا بسير معاج ومحد راح يعرف
طيف : مستحيل مابا مابسير ولا افكر اسير حتى
ميرا : اوك عيل اذا ما بتسيرين لازم تقولين لمايد اللي صار لج
طيف : اتخبلتي انتي !! مستحيل كيف تبيني اقول له انا ماقلت لامي عسب اروح واقول لهذا
ميرا : اذا صار بينكم نصيب لازم تخبرينه وتقولين له كل شي عسب مايعرف هو بعدين ويطيح الفاس براس
طيف : بس هو ما كان عايش معاي بهذيج الفتره ماله خص بماضيي
ميرا : صح ما يخصه بس اذا كنتي *** وقتها بتنجبرين تخبرينه عسب مايسوي شي مايرضيج ولا يرضي اهلج
طيف : مابتزوج
ميرا : ترا مب صعبه ليش تصعبين ع عمرج عادي قوليله واشرحي له كل شي صارلج بعدين انتي وقتها كنتي صغيره قوليله وشوفي رده اذا تم معاج لا تخسرينه ولا بتحصلين احد نفسه لو عرف وستر عليج
طيف : الكلام سهل بس وقتها ماقدر اقول شي له
ميرا : بتقولين و لازم تقولين
طيف : واذا وافق انا ماقدر اوافق عليه
ميرا : ياربييه اوكييه كان حاس انج مابتعطينه ويه بس الحين كل شي تغير وانتي اكييد متعلقه فييه للحين صح او لا؟
طيف : ماعرف
ميرا : تعرفين بس تكابرين بمشاعرج انزين واذا عن موضوع انه نسونجي وله علاقات مع بنات يمكن هذا بالماضي وحاليا محد بحياته غيرج انتي احس لو هو كان ماخذنها لعب وتسليه جان مايا وتقدم لج
طيف : بس انا مب مقتنعه فييه ك مايد شخصيا يكون زوج لي ما ابيه ما اشوفه زوج مناسب لي لو صار نصيب بينا ماراح اقدر استمر معاه
ميرا : مع الزواج والعشره كل شي يتغير صدقيني يلا قوولي انج موافقه نبي عرس
طيف : مب موافقه مابا
ميرا : بذبحج والله عيل تبين عموور اخووي يتقدم لج؟ بتوافقين عليه
طيف : ما ابيه ولا ابي احد خلاص فهموني مابا اتزوج
ميرا : بذبحها بذبحها نحن نبي نفرح فييج انزين نبي نشوفج عروس شو الحل؟
طيف : خلاص بسوي عرس لي روحي بدون معرس عسب ترتاحون
ميرا : لا والله تتطنزين حظرتج؟ يلا اشووف بطلي تلفونج وكلمي مايد
طيف : مابا مستحيل اكلمه اليوم متضاربه وياه اصلن
ميرا : بعد !! ليش؟
طيف : على هالموضوع اللي مب راضي يتقفل
ميرا : ياربييه منج انزين قوليله السبب الصدقي اللي ماتبينه للزواج قولي وشوفي ردت فعله اذا رفض خلاص راح بطريقه و ماراح يزعجج جربي تراج مب خسرانه
طيف : مابي احس اني خايفه وماعندي الجرأه اني اقول له شي مثل هذا
ميرا : لازم تقوليين لين متى بتسكتين !! خلاص قووولي له وسكري هالموضوع وخلاص مابفتحه لج عقب اذا صار بينكم نصيب خيير شر
طيف : خايفه
ميرا : تعبتيني طيييف والله ، بعدين انا واييد طوولت عندج قايله لريلي حبيبي بسلم وبييك سحبت عليه يلا اشووفج باجر
طيف : اوك
