منايا : والله ماظنتي بس الله يكتب اللي فييه خيير ماعرف كييف بيصير هالزواج وهي مب بالعتنك
بعد يومين دق مايد لطيف ردت عليه
طيف : شحالك
مايد : مب بخيير بدونج تصدقين
طيف : ليش !
مايد : مفقتدنج
طيف : هههههههه
مايد : لا تضحكين صدق مفقتدنج
طيف : شو اسوي انزين تحمل غيابي شووي
مايد : مب قادر تدرين شسويت اليوم؟
طيف : شو؟
مايد : سرت حجزت قاعه اليوم ويلا بضرابه حصلت هالشهر عقب اسبوعين ونص
طيف : هالشهر !! بس انا بعدني ماسويت شي
مايد : بس انتي قلتي لي عادي اي وقت
طيف : صح قلت عادي بس ماتوقعت هالشهر !! اوييه صدق ماشي وقت يعني اقل عن اسبوعين ونص مايد ماتحس واييد من وقت شوي !
مايد : بالنسبه لي لا واصلن متضايق لاني ماحصلت يوم قرييب شوي
طيف : بعد !! شو بسوي انا هالاسبوعين ! مايمدي اسوي فيهم شي اصلن
مايد : لا تسوين شي ولا تاخذين شي انتي مب محتايتنه يوم بتين عندي انا بييب لج وباخذلج كل اللي ف خاطرج
طيف : بس بعد مب حلوه اطلع جي من بيت ابوي وانا مب جاهزه
مايد : لا مب عيب انا الود ودي اخذج الحين
طيف : واييد مستعيل
مايد : اعرف شسوي مليت وانا عزوبي ابي حرمتي معاي
طيف : عيل هالاسبوعين ما بكلمك واييد لانه بطلع اخلص امووري بسرعه ماعندي وقت
مايد : اذا مر يوم وماسمعت حسج بزعل منج صدق
طيف : ان شاء الله بحاول عيل بسير الحين بقول لاهلي عسب يستعدون معاي
مايد : اوك خذي راحتج
