قعدت تتريا حول النص ساعه ماشاف ولا رد عليها ، تمو يتريون مارد عليها ، دخل عليهم عمر "اخوهم العود سلم وقعد"
عمر : شو مسوين عشاء اليوم؟
ميرا : كل خيير
عمر : قومي انزين سوي لي وييبلي تعرفين اني ارقد من وقت
ميرا : اووففف زين
ميرا قامت طيف قامت معاها دخلوا المطبخ
ميرا : ليش ييتي معاي
طيف : تبيني اقعد معاه روحي ! استحي
ميرا : يمكن يخطبج
طيف : خير؟
ميرا : هههههههه اسولف يلا عيل دام ييتي ساعديني نحط له العشاء
طيف : تمام
ميرا وطيف قعدوا يجهزون له العشاء وقعدوا عنه
عمر : تعالي انتي وياها كلوا معاي ماحب حد يطالعني وانا اكل
ميرا : قوومي ناكل
طيف بصوت خافت : لا استحي روحي انتي ، انا برووح بيتنا
ميرا : وين تروحين يايه بيتنا وما تتعشين عيب علييج يلا تعالي
عمر : يلا تعالوا
ميرا : بني بس طيف مستحيه منك
طيف عطتها نظرة نعم !
عمر : صدق تستحين مني؟
طيف انحرجت: لا ماعلييك منها تعرف ميرا تحب تسوي سوالف
طيف قامت مع ميرا وقعدوا مجابل عمر ياكلون
عمر : شو الدوام معاج؟
طيف : الحمدلله
ميرا : مديرها غثيث ودها تذبحه
عمر : اووف ليش !
طيف تطالع ميرا : انتي كل شي بتقولين له !!
ميرا : ذبحتيني فييه كل مره اتي وتتشكى لي منه
عمر : تحملي دايما المدراء جي يكونون قاسيين شوي
طيف : متحمله الحمدلله
