Reaching Mr. Superstar

Chapter Three

CHAPTER THREE

KULANG ang salitang masaya para ilarawan ang nararamdaman ni Niel ngayon. May ipinadalang larawan sa kanya ang manager na may fan na nagbigay ng paborito niyang pagkain. He saw pretzels, chocolate drink and gummy bears. May bonus pa na cookies na halatang homemade.

Now, Niel commanded his manager to bring all the gifts he received. Binilinan pa niya ang mga ka-banda na huwag iyon kakainin. Hindi bale nang mabansagan siyang maramot basta ang mahalaga siya mismo ang kakain ng bigay sa kanya.

"How long will you stay here?" tanong ng ka-banda niyang si Kristoff. Ito ang bisita niya ngayon habang iyong dalawa naman ay may solo schedules. "Bakit mo naman kasi binangga ang sasaktan mo sa center island?"

"Sabi ng maganda kong doktora puwedeng isang buwan ako dito. Hindi pa naman naayos ang kontrata natin kaya ayos lang rin na dito muna ako."

"Lalo lang pinalalakas nitong pagkawala mo sa eksena bigla ang sabi-sabi na disbanded na tayo." Inalis ni Niel ang tingin sa cell phone at nilapag iyon sa bedside table. "What happened that night, Othniel?"

Ngumiwi si Niel nang tawagin siya ni Kristoff sa buo niyang pangalan. Only his auntie and mother called him that way.

"It's a long story, and I don't want to taint our friendship, Kristoff."

"I just want to know why Ellora suddenly went outside the country."

"Ask her why. Kuya ka niya, sasagutin noon ang mga tanong mo."

"Hindi nga iyon ang nangyayari,"

"It's not my problem now." Tumingin si Niel sa labas at nakita niyang dumaan si Dra. Dominguez. She's the new sunshine of his life now. Madali nga daw siya maka-move on at pagkatapos ng aksidente niya, walang ibang choice si Niel kung 'di gawin iyon. "Hindi ka pa ba aalis?"

"Bakit? May bisita ka pa bang iba?"

Naiinis na siya na hindi nakuha agad ni Kristoff kung ano ang ibig niyang sabihin. "Gusto ko lang mapag-isa ngayon,"

"Good morning!" Masiglang bati ni Nurse Jet nang makapasok at kasunod nito si Dra. Dominguez. "Narito na po si Doc Marie para kumustahin ka, Mr. Flores."

"Really?" Umasa siya na iyon nga ang pakay ni Dra. Dominguez at mukhang napansin ni Kristoff iyon kaya umiling-iling ito.

"Huwag ka makinig sa kanya. Titingnan ko lang kung may nagbago ba sa vital signs mo bago ka operahan." Seryosong sabi ni Dra. Dominguez at nilapitan na siya para i-examine.

Nasabi na kay Niel na kailangan ma-operahan ang binti niya. Iyon lang ang option na nakita ng orthopedic niya matapos siya sumailalim sa mga test at serye ng x-ray.

"Mukhang tatagal nga ako ng isang buwan dito gaya ng sabi mo, Doc," aniya sa doktora.

"Parang masaya ka pa sa nalaman mo," tugon nito sa kanya.

"Kasi narito ka - ah!"

Ngumiti ito sa kanya matapos ipitin ang daliri niya saka binalingan ang kasamang nurse. "Stable naman lahat sa kanya. Puwede mo na sila tawagan para ma-operahan na siya. Ako na kakausap kay Dra. Saludez para sa mga consent forms." Pagkasabi noon ay tumingin ang dalaga sa kanya. "You have to rest before the operation. Ibig sabihin, walang gadget at pag gala-gala kung saan."

"Malinaw, Doc." Umirap ito sa kanya. "Puwedeng humingi ng pabor?"

"Pabor saan?"

"Ikaw ang gusto ko makita paglabas ko ng OR at mag date tayo paglabas ko dito."

"Puwede ba siyang i-self induce coma ngayon na?" tanong ni Dra. Dominguez na sinagot lamang ng ngiti ng mga kasama nitong nurse. "Malala ka na." Naiiling pa nitong sabi saka umalis na at sinundan naman ito ng mga kasama.