Reaching Mr. Superstar

Chapter Fourteen

CHAPTER FOURTEEN

“GOOD morning, my pretty lazy head!”

Niel put the call with Marie into a loud speaker mode. Kasalukuyan kasi siyang naglalakad sa ibabaw ng threadmill na parte ng kanyang morning routine. Naka-dalawang takbo na siya kanina kaya medyo hinihingal pa ngayon nagpapahinga na siya sa pamamagitan ng paglakad.

“Ang aga mo naman gumising,” sambit ni Marie mula sa kabilang linya. “What's your schedule today?”

“I have a song recording session with my bandmates. May meeting rin ako sa producer ng comeback concert namin sa December. Tapos. . .”

“Tapos?”

“Wala na. I think puwede kita sunduin sa ospital tapos mag dinner tayo kasama ni Kreya sa favorite restaurant niya. What do you think? Will it be possible, Doc?”

Marie giggled on the other line. “It's possible pero tatanungin ko muna si Kreya. You know. . . to prepare her.”

“Yeah, you're right. So, text me if the dinner is possible later?” Hindi minamadali ni Niel si Marie sa parte na may kinalaman kay Kreya. Mas importante pa rin ang approval ng anak nito higit sa lahat kahit pa nagsabi na siya sa bata liligawan niya uli ang nanay nito. “Dadaan ako sa ospital bago pumunta sa recording schedule ko.”

“Hindi ka ba mahuhuli sa schedule mo?”

“Sandali lang naman. I'll call you if I'm already outside, hm?”

“Okay. See you then.”

“See you.”

Natapos ang tawag nilang dalawa at dali-dali siya naghanda na para makaalis ng mas maaga. Inayos niya ang mga gamit na nagkalat sa paligid at pati na iyong gym equipment na ginamit kanina. Niel was doing fine now after he took off his blood thinners medication. Naka-graduate din siya sa wakas at unti-unti na bumabalik sa normal ang lahat. Which he planned to achieve since then.

Pagkatapos niya maligo, nagbihis na siya at nag-ayos ng sarili. Hindi niya kinalimutan ang baon na si Marie pa ang naghanda na siyang laman ng kanyang refrigerator. On the go iyon lahat na iniinit na lang niya at minsan na lamang siya kumain sa fast food. Nilagay niya ang lahat sa isang thermal bag at binitbit na iyon palabas ng kanyang bahay.

“Niel!” sigaw na nagpahinto sa kanya sa aktong pagsakay sa sasakyan.

“Ellora.” Kumunot ang noo niya nang makita ito doon. Hindi naman kasi compound nila ito nakatira kaya nakakapagtaka iyon para sa kanya. “What do you want?”

“Papunta ka na ba sa recording studio? Puwedeng sumabay? Nasira kasi ang sasakyan ko at ang hirap maka-book ng Grab.”

“May dadanan pa ako bago pumunta doon.”

“Gym?”

“Nope. Dadaanan ko si Marie sa ospital.”

“Ah. . .” Hindi niya magawa ang iniisip nito. “It's fine with me,” sambit nito sa kanya. Hindi na siya nakatanggi at hinayaan na ito sumakay sa kanyang sasakyan. Nilagay niya muna ang baon sa passenger seat bago umikot sa driver's seat. “Lagi ka na may baon ngayon, ah.”

“Marie prepared that for me.”

“Are you living with her?”

“Not yet.”

“But you have a plan?”

“Of course. Hindi lang naman ito laro lang, Ellora. I'm dating Marie with the intention of marrying her.”

“She has a kid. Magiging instant daddy ka -”

“If you want me to let you remain sitting there, you'll stop questioning my decision. I am serious about Marie and be part of her daughter's life.”