ڪلبي يريد يحجي الصار
تتصورني خليته؟؟
اذا السويته بيه ماكدرت احجي
انتَ شلون سويته..
اڪداء السجنجل
بقلمـي | ريتــال أحمد
لا تنسون التصويت و تعليق بين الفقرات ♥.
ـــــــــــــــــــــــــــــــــــــــــــــــــــــــــــــــ
_العمال واكفين بالباب ينقلون الغراض بابا وعمي مخبوصين البيت عبارة عن هوسه الجنط مشمرة هنا وهناك
جنى: شوكت يجي عمو احسان ياخذنه
الأم: خلي يخلصون العمال ويجكم
ملك: يعني شكد نبقى يمهم ماما؟؟
الأم: نرتب الغراض بالبيت الجديد وتجون
جنى: والمدرسه
الأم: عمكم احسان من يطلع للدوام ياخذكم وياه
طيفَ: اني حطلع اشوف جمانة
الأم: ابوج برى
طيفَ: اي اكله واطلع
_لبست شحاطتي ونزلت جوة شفت العالم مخبوصه بالباب راح ننقل لبيت جديد بغير منطقه مرة سنتين من حياتي ماجانت اكو احداث اذكرهة وعيت على الدنيا اكثر وفهمت اشياء كومه بعد ماجنت انسانه مرحه وكل همي اضحك صرت طول الوقت معتزله على نفسي لأن ادري أي تصرف اتخذة راح ينكلب عليه ازدادت قسوة ماما وبابا بشكل لا يصدك بعد ماتحجبت حتى عن طلعه الشارع نحرمت صرت صف سادس ابتدائي واكيد بكل مرحله لازم اطلع الاولى مو تباهي بنفسي بس هذا الي تفرضه علينه امي
_تخطيت الموجودين بالباب ورحت لبيت جمانة دكيت الباب طلع اخوها
_ها طيفَ شتردين؟
_شسمه جمانة وين
_نايمة
_ها يله اني اروح
_تردين اكعده
_لا ميحتاج راح اروح باي
_بطريق رجعتي وقفني صوت التفت جان ضياء
ضياء: ها طيفَ وين جنتي؟؟؟
طيفَ: رحت لبيت جمانة بس طلعت نايمة
ضياء: شعندج رحتي الها؟؟
طيفَ: هيج ردت اودعها
ضياء: انتِ الصبح كله خلصتي وياها ماشبعتي
طيفَ: اهوو ضياء والله مالي خلكك
ضياء: اسم الله انرعصت شبيج اعصابج بخشمج
طيفَ: معليك انتَ وخر مني
_رجعت لبيتنه شويه واجه عمو احسان اخذنه للشقه استقبلتنه بيبي وفرشت النه كبل نمنه كعدت ثاني يوم على صوت بيبي
فاطم: يله بناتي كومن
جنى: بس شويه بيبي خمس دقايق
فاطم: راح تصير بالسبعه حبيبتي هم يله تلحكن تبدلن
أنت تقرأ
إڪداءٌ السـّجنجل
Science Fictionفـراشةً في وِسط الظلامُ تـرتعشَ اطـرافهاُ بخوف تحـُاول الخروُج لكنهاِ مقيدة تفتحُ لهٌا أبواب الرحمه هل سوف! تحلُق من جديد؟ ام تستُسلم؟ بقلمـي: ريتـال أحمد قـصة عراقيـة.
