فُقدت السيطرَة
وبالگِوه جاي أصبُر
وأول مَرة أحِس بنفسِي
ضگت المُر
صفنت لنَفسي
هذا التَعب يخلص ويّن !
شوكِت أتعَب
وأحس هذا التَعب مثمُر .
اڪداء السجنجل
بقلمـي |ريتــال أحمد
لا تنسون التصويت و التعليق بين الفقرات ♥..
ــــــــــــــــــ ــــــــــــــــــ ــــــــــــــــــ ــــــــــــــــــ ـــــ
_كلهم كاعدين بالهول ويتناقشون برجوعي
ملك: ولعباس ماارجعه وياج ادري راح تكتلونه
سمر: انتِ شبيج اكلج ابوج هو الي كال خلي تجي؟
ملك: يمه جاي دكول الكم ماتعرف مكانها بعد شكو عوفوهة و خلي ترجع للمدرسه و هاي هيه
كرار: بعد اذنج يعني عمه عوفيه هاي الفترة هنا يمنه لحدما يهدأ الوضع و اني ارجعه بيدي
سمر: هيه ماراح ترجع وياي
ملك: لعد وين ترجع
سمر: راح نزوجهة اجوهة خطابه و اليوم المغرب يجن النسوان
_رفعت راسي بصدمه و فتحت عيوني بقوة زواج شنو؟؟؟؟
ملك: شنوو تزوجج يازواج يمه رحمه لهلج ماتشوفيه؟
كرار: على بختج عمه طفله وينه وين الزواج
سمر: مالي دخل اني يمه هذاك عمك و احجي وياه يكول ازوجهه و نسافر
ملك: يمه صدك جذب زواجيش بهذا العمر شبي ابويه؟؟ هيه شعليه
كرار: دكومي ملك جيبي تلفوني ادك عليه
_ كامت ملك تجيب التلفون رفعت راسي لماما الي تباوع عليه بحقد و كره بادلته بنظرات كسرة و خذلان من الي حسيونه بيه لهل درجه اهون عليهم و يردون يزوجني اني شنو ذنبي اتعاقب هيج عقاب شنو ذنبي اتحمل مسؤليه خطأ مو خطأي فزيت على صوت كرار
كرار: روحوا سافروا بقوهة يمي قابل اقصر وياها هيه و جهالي سوة
_سكت يستمع لحجي بابا
كرار: زين انتَ تعرفه منو هو؟؟
_رجع سكت و هلمرة بانت على ملامحهة الصدمه لزمت كلبي بخوف من الي منتضرني
كرار: اي عمي اعرفه شلون ماعرفه اني وياه جنه بنفس الدورة خوش رجال واخو خيته إن شاءلله خير لا لا اني اجيبه الكم بيدي المغرب
ملك: شكو كرار شكال
كرار: مو هسه عمه انتِ ارجعي اني اجيبه المغرب هيه و ملك
سمر: هاي هيه بس مو تتأخرون
_طلعت ماما و رجعت ملك ركض لكرار تسأله
ملك: احجي كرار وكف كلبي شنو تعرفه؟
كرار: اعرفه ابوج كال الي اسمه هو نفسه صديقي الجان يداوم وياي بالكليه العسكريه ماعرف شلون وصل الابوج؟
أنت تقرأ
إڪداءٌ السـّجنجل
Science Fictionفـراشةً في وِسط الظلامُ تـرتعشَ اطـرافهاُ بخوف تحـُاول الخروُج لكنهاِ مقيدة تفتحُ لهٌا أبواب الرحمه هل سوف! تحلُق من جديد؟ ام تستُسلم؟ بقلمـي: ريتـال أحمد قـصة عراقيـة.
