إڪداءٌ السـّجنجل

اعـلان \ مشهـد

_لم أكن بتلك القساوة يوماً اشعر وكأنني فقدت كُل ماملك يتحطم قلبي و أنا ارى ماسعيت لبنائه ينهدم امامي وكأن اعصار حل على مدينتي دمر كل المباني و المنازل مابقى هوَ فقط اثر هذا الأعصار تهدمت مدينتي و كأنها لم تضيء يوماً
لقد حاولت جهاداً لوضع لهذا الأعصار حداً و لكن؟؟؟ حل بي مثل ماحل بمدينتي تهدمت!!
نصرخ مناجينن هل هناك من منقذ؟؟ هل هناك من يسمع صوتي؟؟ انا انهدم هنا ليأتي احداً يلم شتات نفسي هل سوف ابقى خالداً هنا أرى تهدم احلامي؟؟؟

لا اعرف الطريق الذي يؤدي الى نفسي مشيت بكل الطرق لكنني لم اجد نفسي في زقُاقً ما هلكت، تدمرت و أنا لازلت اجيت الصبر هل يأتي اليوم لينفتح قفل هذا الباب واجد حريتي مرةً اخرى؟.
 

__________________~________~__________

وأخافُ يَوماً أن أُحبكِ
فوقّ ماتتَوقعينْ
فالعِشقُ عِندي غَيرُ كلَّ العاشقينْ
عِشقي انا كالنَّارِ، 
كالأعصاِر
كالـَّزلزالِ
كَالبُركانِ
عِشقي ثَائرٌ
لا يَستْكين
عِشقي كسيلٍ جَارفٍ
نهرٍ يَصبُّ مَشاعري في الآخرينْ
عِشقي عَطاءٌ دَائمٌ
فإذا طلَبتِ الشَّيءَ كانْ
وإذا طلَبتِ العمر هَان
لَك دَائماً ماتطلُبين
يا مَن مَلكتِ الرُّوحَ
والقلبَ المعذّب بالحنينْ
رفقاً بمن تتملكّين.

________~________~_________~________

{مشهد ١}
_ دخل كرار وجهة مايتفسر من العصبيه و كبل راح الغرفته ركضت ملك وراه بقو بالنص ساعه جوة ضليت اكل باضافيري من التوتر والمشكله الى الان ولا واحد منهم طلع اندك الباب بقوة كلبي وكع بسرعه طلع كرار يفتحه دخل بابا مثل اعصار و هو يعد ويصف ركضت احتمي بضهر ملك

حميد: وخر مني كتلك اليوم انعل والديج

كرار: بس هدي عمي مو هيج

حميد: لج بت القن،،، طلعلج لسان اشو توافقين ورجلج فوك راسج فهمتي لو لا

_دفع كرار بقوة واجه يهجم عليه لزمني من شعري قوي ويهمس بفحيح

حميد: تردين تنزلين راسي؟؟ تالي عمري وحدة سا،،، نفسج تخليني هيج مهجول؟ اموتج وحق كل حرف بالقرآن و مااخلي الج اثر

ملك: بس عوفه بابا توافق والله توافق

حميد: يلهه كدامييي تبدليننن اله وتجي وياي الناس على جيه

_اخذتني ملك سحل لغرفته ماصدر مني اي ردة فعل بس دموعي تنزل بقوة

ملك: لو موافقه من البدايه مجان صار هيج ليش ماتسمعين الكلام ياطيفَ الى يأذوج

_ ماجاوبته راحت للكنتور طلعتلي فستان بسيط مال محجبات لبسته و كعدت ترتب بشالي توجهت لميز التواليت وسحبت مسكارة و حمرة

طيفَ: وخري ماريد

ملك: بس شويه وجهج شاحب

طيفَ: عوفيني ملك حبابه

_سحبت شالها والصايه لبستهن بسرعه وطلعنه جانوا واكفين ينتضرونه

ـــــــــــــــــــــــــــــــــــــــ ـــــــــــــــــــــــــــــــــــــــ
{مشهد ٢}
طيفَ: هههه يحجي وياي والله ضحكتيني هوَ مايباوع بوجهي اصلاً ليش اهلج يردون يورطوني اكبر مني بقاطات كارهني كره العمه اذا هسه بس اجيت زيارة عدهم و هيج عاملني من نتزوج شنو حيسوي؟؟؟ اقتحمت حياته و راح اصير عاتق عليه

ملك: اهدي طيفَ طبيعي هيج يتصرف انتو مصارت الكم فرصه تتعرفون اكيد من تتزوجون كلشي ينحل

طيفَ: انتو مقتنعين اتزوج بواحد اعرف عنه بس اسمه و عدد افرده عائلته فرضاً جان مخبل مو بعقله مريض منو راح يتحمله؟؟ ابوج  لو امج؟؟؟

ملك: ادري بيج نفسيتج تعبانه و متحطمه لهيج ماراح احاجيج روحي نامي و ارتاحي احسن الج

_سديت التلفون منه كعدت على الجربايه و دموعي شلاشل ماتحمل هيج عيشه اني اخاف من الي منتظرني
ـــــــــــــــــــــــــــــــــــــــ ـــــــــــــــــــــــــــــــــــــــ

{مشهد ٣}

ماوخرني من حضنه وطول ماهو حاضني يدعي على نفسه ويغلط عليها وساعه يرجع يعتذر و يبوس براسي وجهي واني ساكته منتظرة من عندة تبرير

طيفَ: مستحيل اكدر انسى كلشي ونرجع من جديد

جَســاس: لا طيفي لا تكولينها لا تحركين روحي اكثر من هيج اسوي كلشي في سبيل ترجعين الي لا تشوفين ساكت وحق النايم بكربلاء احس كلبي وچل نار يحركني حرك كل دمعه نزلت من عيونج اخذت ربع عمري

طيفَ:شنو راح  تكدر تسوي؟؟

جَســاس: كلشي

طيفَ: الماضي؟؟؟

جَســاس: احركه

طيفَ: هوسك؟

جَســاس: انساه

طيفَ: حزني؟

جَســاس: امحيه

طيفَ: وكلبي؟؟؟

جَســاس: اضمه بين ضلوعي

طيفَ: واذا أذيتني؟؟

جَســاس:عسى روحي تحترك  بنار أذيتج

يتبعع...

ملاحظة:

(الرواية واقعيه ومبنيه على احداث حقيقيه
الهدف من كتابتها تطوير السرد ومفهوم الكتابة الي الاحداث منوعه وسلسه ماكو شي مكرر أن شاءلله تستمتعون بقراتها 💙')