إڪداءٌ السـّجنجل

الـَنهـايةَ

_ وسط ذلك الظلام الدامس الذي كان يحيط بعيناي كنتُ أرسم وازين الظلام بالاوان لم اخشى يوماً حزناً او حلماً ضاع في ركان احرر نفسي من تلك القيود لم يعد قلبي يهاب السجان!! أقن بشموغ وكأنني ام أكن يوماً في حطام

اكداء السجنجل

بقلمـي |ريتال أحمد

ـــــــــــــــــــــــــــــــــــــــــــــــــــــــــــــــــــــــــــ

_ أصوات البجي مخترقه مسامعي كاعدة بزاويه البيت وضامه رجلي الصدري رفعت راسي وعيوني تتجولل على الحواليه صوت الملايه رجف كلبي راحت عيني على ملك حاضنه ماما بقوة الي كطعت روحها من البجي والطم ضميت وجهي برجلي وصوت داخلي يردد ابوج مات!

سمر: وينن رحت وين عفتنيي؟؟
طمع بيك تراب النجف يانظر عيني

ملك: كافي يمه ابوس ايدج كافي

سمر: راح ولج راح يمههه

_سديت اذاني بقوة من صرخت ضميت وجهي بين رجليه عيوني حمر بس دمعه مانزلت مني رجعت ذاكرتي باليوم الي خابرتني بي ملك تصرخ وتبجي وتبلغني انو بابا اتوفه أثر جلطه الى الان مو مستوعبه الي صاير الانسان الي ظلمني طول حياتي
الي خلاني سجينه وطمع بحريتي خلص راح؟؟
كمت بسرعه وتوجهت للمطبخ واني كوة اجر النفس

ريماس: شبيج طيف؟!

طيف: اختنكت ماكدر ماكدر ابقى

ريماس: اهدي صلي على محمد وآل محمد

_ راحت جابتلي كاسه مي اخذته واديه تتراجف شربت شويه وانطيته الها كعدت على الكرسي وفتحت حجابي خليت ايدي على ركبتي انظم انفاسي مرن ايام الفاتحه الي صارت بيت عمو ابو علي اجواء الفاتحه جانت مثل موت بالنسبه الي اسمع الصراخ والبواجي واني دمعه مانزلت مني شكد قسيت على نفسي في سبيل فقط انزل دمعه وحدة واخفف وجع كلبي مرت ساعات طويله واني محاسه بشي كاعده بنفس الزاويه وبس اباوع بعيوني خلص اسبوع كامل على هل حال واني كلشي اسوي بدون ادراك ووعي

ملك: اوفف يمه شلعتي كلبي بس اكلي لا يصير بيج شي

سمر: شلون اكل شلون وعزيز كلبي جوة التراب
شلون تغمضلي عين يايمه من عمت عيني على روحتكم عمت عين سمر أن شاءلله

_ لطمت على وجها بقوة وتنشغ بصوت عالي نفس المشهد ينعاد خلال هلسبوع ماما رافضه دخل شي بحلكها غير المي وملك تحاول تقنعها

ام علي: كلنه على هل طريق ام ملك عيوني هذا يومه قال سبحانه (كَل نَفسٍ ذائِقَةُ المَوتِ وَنَبلوكُم بِالشَّرِّ وَالخَيرِ فِتنَةً وَإِلَينا تُرجَعونَ)
كولي الحمدلله ومانعترض على مشيئه الخالق صبري روحج خيتي وكومي لجل عيون بنياتج ماضلهن بالدنيا غيرج

سمر: كلبي نار خيه شيطفي ياهو يسندني بعد من اطيح خيه وين اروح ماعندي غير انا

ام علي: الله وياج وويانه مو وحدج انتِ ام ملك هيج تعذبينه بكبرة كومي اكلي خيه اقريله قران وصلي حتى ربنه ينور كبرة لا دمعتج الطايحه ترجعه ولا تشفعله كومي خيه واستعيني بالله لا اعتراض على حكمه