عمَر وعيوني بعيونك
وأنت عيونك لغَيري
فضلتك عَلى روحي
وضاعَ وياك تقديري
كول شقصرتكَ وياك؟
وشتطلب بعد أكثر
على ذراعي تنام اليل
وأكول أرتاح
وانا اسهر.
اكداء السجنجل
بقلمــي |ريتـــال احمد
لا تنسون التصويت و التعليق بين الفقرات ♥.
ــــــــــ ــــــــــ ــــــــــ ــــــــــ ــــــــــ ــــــــــ ــــــــــ ــــ
_ ايدي جوة خدي الصف هدوء و بس صوت المدرسه ينسمع البنكه تذب علينه سم مو هوى الطالبات الي بالرحله الاخيرة صوت الهمس مالتهن يدوي براسي
المدرسه: طيفَ ويايي؟؟؟؟
طيفَ: اي نعم ست وياج
المدرسه: كومي اشرحي الي شنو حجيت
_كمت واني كلي ثقه وعدت كل الشرح الي حجته لان اني قاريته كل بختصار احضر اليومي اول بأول
المدرسه: عفيه عليج مرة ثانيه لا تصفنين بالصف
طيفَ: حاضر ست
_ واخيراً بعد عناء دك الجرس الفرصه طلعت الفلوس من الجنطه و طلعت خارج الصف قابلني البنات و هنه يطلعن من صفوفهن
روزا: والله انعل ابو السادس
ريناد: اسكتي انشك حلكي طول بعرض
جلنار: شفتي شلونه السادس وانتِ جنتي تفخفخين بروسنه
طيفَ: هو مو بس السادس الدراسه بكبرها ضيم و فلك اسود
روزا: بعد مابيها مجال راح ابطل و اتزوج
طيفَ: الحمدلله اني متزوج خلي اروح للادارة ابطل
جلنار: حتى جَســاس يصفطج ويحطج بالرحله
طيفَ: هيه هنا المشكله بـ جَســاس
_ رحنه للساحه و كعدنه بمكانه المعتاد
ريناد: اشتريلجن؟
روزا: جيبلي ببسي ابرد كلبي
جلنار: واني اريد جبس و ببسي
طيفَ: اني اريد جبس و عصير برتقال
_ بقينه ننتظر ريناد اتجيب النه الحلويات اجتي رند و كعدت يمنه
رند: وين عفتني خاينات؟؟؟
روزا: عوفيني بضيمي
رند: اوي دادة
جلنار: رند الله ينطيني برودة كلبج هستونه جنه نمتحن و نشكت حلوكنه على هاي الاسئله اكص ايدي اذا دخلنه وزاري
رند: يبو يبوو على روسجن بابا ريلاكس واذا شكو بيها هو شهر اول يعني بعد ورانه كومه امتحانات
روزا: ولج جَســاس و منتظر يفترون ورة روسنه حتى التلفونات يسحبونها
رند: لجج عيني طيفَ احجي ويه زوجج خلي يرخيها شويه
أنت تقرأ
إڪداءٌ السـّجنجل
Science Fictionفـراشةً في وِسط الظلامُ تـرتعشَ اطـرافهاُ بخوف تحـُاول الخروُج لكنهاِ مقيدة تفتحُ لهٌا أبواب الرحمه هل سوف! تحلُق من جديد؟ ام تستُسلم؟ بقلمـي: ريتـال أحمد قـصة عراقيـة.
