إڪداءٌ السـّجنجل

part ٢٥

احن لمسامرك والكاك شلكاك
شري المعشر حلاوة شوك مابيك
ويمر صيفك صبر واتنطر اشتاك
تبيعك عزتك و بروحي اشريك

أكداء السجنجل

بقلمـي |ريتــال أحمد

لا تنسون التصويت و التعليق بين الفقرات ♥.
ــــــــــ ــــــــــ ــــــــــ ــــــــــ ــــــــــ ــــــــــ ــــــــــ ــــ

_ ممكن تكون سبب اذيتنه هيه نفسنه بحد ذاتها!!
ڪ شخص مثلي تجرد من كلشي و حارب طيات الحياة بوحدة دائما اوكف كدام المرايه واكول لنفسي اني قويه بس بلحظه راح تتراجع ذاتي الف خطوة و ادرك انو اني مجرد شخص ضعيف يتلبس قناع القوة
اوهمت روحي بالحُب و كلت هذا الشي راح يغير كلشي طيفَ هذا شي جديد و حلو راح تعيشي يخلصج من شكو خذلان مريتي بي بس؟؟؟؟ صار العكس بدال مايكون هذا الحُب سند و أمان تلوذ بي روحي وكت ما الدنيا تقسى عليها صارت تتهرب و تبتعد من الخذلات الي لجمت كلبي

ملك: ولج طيفَ؟؟.

طيفَ: هاا؟؟

ملك: شبيج مو صار ساعه اصيح عليج وين بالج ماتكليلي

طيفَ: وين قابل وياج بس شويه شردت

ملك: هاا زين دكومي الزمي حمودي اني رايحه الاسواق اجيب لبن

_ اخذت حمودي منها وهيه لبست و طلعت احس ملك شايله حنيه بيبي افاطم كلها نفس التصرفات و الحركات بحيث دائما ترجعني ذاكرتي لهذيج الايام و احن الها مثل يتيم بغربه رغم اني حاليا فقدت اهلي و اعرف بعد مستحيل يرجعون بس ماحسيت بنفس الوجع الصار بكلبي من راحت بيبي اباوع على حمودي كبران و صاير يكدر يمشي

طيفَ: ياروح خالاتك يمه يمه للنيات

_ يحجي كلام مكسر وشبه مفهوم وبس يضحك ابتسمت على منظرة و فورا خطرت على بالي روحُ اتنهدت بحسرة واني اتذكرها راح يصير الي اسبوع واني بيت ملك كاعدة معززة مكرمه ملك ماتخليني اشيل كشرايه و تعتني بيه كل اهتمامها كرسته الي مصار أي تواصل بيني و بين بيت جَســاس لا اني الي سألت ولا همه وضعي الصحي يوم زين و يومين تتنكس حالتي بشكل جبير شنو شي اكله اتقيء لهيج ابقى بدون اكل بس ملك تجربني و تسويلي شي خفيف

ملك: اجيت و جبت الكم حلوياتت

_ عيط حمودي بفرح و ركض الـ ملك حضنها

ملك: وهاي الكيكه الاحلى حمودي

طيفَ: لعدد وانيي زعلتت

ملك: يا يا شلونن انسى طيفَ جهالي انتو

_ انطته حلويات و كعدت كبال حمودي ناكل اني وياه و ملك راحت للمطبخ الجبس بيدي و العصير حاطته بالكاع و حمودي ياكل بالكيكه احجي وياه وهو يهزلي راسه مع انو تركيزة كله بالكيكه الي كباله