إڪداءٌ السـّجنجل

part ٢٢

وانا بلى شوفتك شينفعن عيوني؟؟
يشوفي ورجوتي ودنياتي ولوني
وعذابي وبسمتي وشكواي وضنوني
يخي عونك عليه وبيك خيعوني

اڪداء السجنجل

بقلمــي| ريتـال أحمد

لا تنسون التصويت و التعليق بين الفقرات ❤.
ــــــــــ ــــــــــ ــــــــــ ــــــــــ ــــــــــ ــــــــــ ــــــــــ ــــ

_ طلع من الحمام بدون مايباوع بوجهي ملامحه ماتتفسر من العصبيه وجهة يذب شرار خفت افتح حلكي بكلمه بعد ما لاحضت وجها كعد على طرف الجربايه يدخن و ماعرف يراسل منو بالتلفون
وراها صار صوت مكالمه رفضه بدون مايجاوب و رجع دك اكثر من مره رفعت حاجبي بشك و قلصت عيوني عليه ضهرة صاير مقابيلي و اجتافه مغطيه على التلفون ماكدرت اشوف شي

طيفَ: شنو ماتجاوب؟؟؟

جَســاس: شنو؟

طيفَ: تلفونك صار اله ساعه يدك ماترد؟؟

جَســاس: شنو حضرتج مهتمه؟؟

طيفَ: اي اكيد اهتم قابل رجل كرسي غير مرتك؟؟

جَســاس: هااا؟؟ هناا صرتي مرتي قبل شويه من جنتي طربكين بالشوارع ماتذكرتي انتِ متزوجه وعندج رجال مسؤول عليج وعلى تصرفاتج

طيفَ: يعني جَســاس كم مرة لازم افهمك وروح بيبي اتخردلت منا روحُ تركض ورايه و منتظر يصيح خلصن خلصن و ادور الي ملابس اني اول ماصعدت كلت ادك عليك بس روحُ دوهنتني

جَســاس: امم صحيح

_ دار وجهة ورجع يراسل بالتلفون اترفزت من تصرفه و تجاهله الي كبل كمت من الجربايه واني امشي بقوة حتى ينتبه انو اني زعلت منه فتحت باب الكنتور طلعتلي تراكسود خفيف و طبكت الباب بقوة على اثرها دار وجهة عليه وعيونه تخزرني رفعت حواجبي واني ارد اله النظر

طيفَ: خير؟؟؟

جَســاس: سلامتج وعيونج نزليهن لا افكسهن الج

طيفَ(بخفوت): شحدك

جَســاس: شكلتي؟؟؟

طيفَ: ماكلت شي

_طبيت للحمام غسلت وجهي و بدلت ملابس وشمرت الملابس الوصخه بالسله طلعت لكيته متمدد على بمكانة واديه جوة راسه وحدة لازم بيها التلفون حسيت كلبي انتفض بس لا عنده شي و جاي يخون بيه مامعقوله صار اله ساعه ويامن يحجي وكفت كدام ميز التواليت فتحت شعري امشط بي واني عيوني من المرايه تراقب حركاته و تعابير وجهة مرسومه على ثغرة ابتسامه بسيطه عيوني غوركت بالدموع لمجرد اتخيل انو هو جاي يخوني و تدخل وحدة بحياته غيري رحت وكفت كباله

طيفَ: جَســاس

_رفع راسه بوجهي من شاف ملامحي عقد حاجبه بأستغراب