#مراس_الدعجاء
لـ هــبــه || هـــدهد ✨
لا تنسون التصويت (النجمة) والمتابعة للحساب شبابات قلبي ♥️
ومــن شفتك تمل الحجي غنيتلك ♥️
✤———————————————————✤
رفعت عيوني من الگاع اول مانزلت من السيارة وشفت گدامي شخص متچي على سيارة ، جان طويل القامة ومعتدل البنية ، الي برز زيادة منه شعرة الي نازل على جبينه وملولو ونظارتة الطبية الي عاكسة الشمس بيها
رفع ايدة يمسح على شواربه ، جانوا مرتبات حيل وجان بدون لحية ، لونهم مثل شعرة بني بس معكوس عليهم الضوه وصايرات شگر ... ذكرني بباب الحاره من ابو شهاب يفر بشاربة
لابس گلبية نيلية وعيونة منزلات بتركيز تام على الموبايل ، لمعت عيوني بحُب وحسيت گلبي رفرف وخجلت وعبالك اشوف حلمي گدامي
لا ما اقصد الرجال شبيكم؟ اقصد الي ورة الرجال
تنفست برخاء واني اشوفة مرتچي على سيارة العفو مرتچي على أحلامي!!!!! سيارة أحلامي ألي ليل ونهار أحلم أجيبها وكُل دراستي على مودها
الموستنج جي تي
لونها اسود خيالية
رفع الرجال عيونه يباوع بأستغراب علية ولو حقه يعني شكلي عبالك مفجوعة جوعانة توها تشوف اكل وسبالاتها راح يوگعن مثل الكلب حشاكم وأياني
- احممم ، السلام عليكم
وقبل لا يفتح حلگه ويجاوبني طفرت للباب ادخل لبيتنا واني اتنفس بصوت متوتر
هذا منو؟؟ يربي شكلة جديد بالمنطقة واني انثولت گدامة
دخلت وأني أصيح
- يا اهلللل البيت اني اجيييت
شفت امي طلعت من المطبخ وهلت بيه
- ياهلا ماما تعالي دخلي غيري هدومج وغسلي راح نصب غدة
- ليالي: هلا ماما ، خووش بطني توصوص جوع ميته ميته
رحت بوجهي للغرفة غيرت ملابسي وغسلت المكياج الي على وجهي وبقيت اتصفح بموبايلي شوية لحد ما صاحت ماما
- ليالي تعالي تغدي
طفرت ميته جوع للصالة ومن شفت المرگه كشرت وجهي
أنت تقرأ
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
