مراس الدعجاء

Part 4

#مراس_الدعجاء

بـ قلم : هـدهد ✨

لا تنسوا التعليقات بين الفقرات مهمه + النجمة ومتابعة للحساب حلوياتي✨🌱

بملامح وجهك شكد ناس ميتين
جـنك مكـبره ومابيها دفـان

✤———————————————————✤

أنسحبت من ايدي حيل ورجعت لورة وصحت بصوت عالي مفزوعة ، عيوني انرفعت بغضب عالي من شفت صخمان فوك وجهـي ، شفت گدامي وحدة من المصاريف الصحية بالشارع مفتوحات جان وگعت بيها ، بس من طريقتة الهمجية حسيت غضبي عله، عتيت منه ايدي وصحت

- انتَ شنوووو؟ شبيك يا غضب الله؟؟؟؟

رفع حاجبة متعصب ونتر بصوت حاد

- لچ شوفي دربچ يا غبية من عمى بعينچ

- عمى العماك وعمى اعـداك خوش؟؟

- انتِ مجنونة شي؟ اكو عقل بهذا الراس؟؟؟

ماسيطرت على أعصابي أبدًا وهو ينتر بية مباشرة رفعت ايدي وطگيته على ايدة الي حركها گدام وجهي يشرح ، هو رفع عيونة متعجب والي خلاني اتصنم من رفع ايدة وبأصبعة مثل الدعبلة ضرب جبهتي ، بعدها حك شاربة يتمتم

- تستاهليها

- لا يا حقير يا عثة

حسيت بحرارة بوجهي وصكيت على سنوني حتى ما ابچي لان حسيت بعيني تحرگني حيل ، بقى صامت يتأمل وجهي وقبل لا يفتح حلگه بشي تنفست بوجهه بكُل بغض وتحركت مستعجله للبيت وهو بقى وراي ما تحرك

مشيت بسرعة وبأيدي لازمة علوش الاغبر الي ولا مهتم وياكل بأستمتاع ويگرط بالمصاص ، وصلت گدام البيت وبسرعة دخلت وشفت امي ورسل گاعدات بالصالة

-أمنية: بعد وكت جان بقيتي للصبح ، اخذت من بيت عمج كركم وطبخت

ركضلها علوش مستمتع وهي التهت بي لان موصخ نفسه ، تركت الغراض بالگاع ورفعت وجهي اباوعلهم بملل

- اني نعسانه راح انام لتگعدوني خوش؟ عندي دراسه من اگعد حتى اكملها

عفتهم ملتهيين وصعدت وأحس دمي يفور وكرهت شلون ردت ابچي گدامه بسبب ضربته على جبهتي ، رحت للمراية اشوفها وعضبت شفتي بكره من شفتها بيها علامة حمرة