مراس الدعجاء

Part 32

#مراس_الدعجاء

للكاتبة هدهد

لا تنسون متابعة الحساب 💛
والتصويت والتعليق على كل فقرة احب تعليقاتكم 🎀

✤———————————————✤

بطني أحسها مشگوگه بالنص ووجع ما ينطاق بكل جزئي السفلي
فتحت عيوني وأحس بنغزات وحرگه بأيدي وشفت أكو كانونه بأيدي وحاولت أسترجع ذاكرتي وأني أون من الوجع

على صوتي دخلت الممرضة تشيك حالتي وسألتني بهدوء

-شلون صرتي حبيبتي؟ تحسين بوجع؟؟

-راح اموووت بطني توجعني

-لا تخافين هسه أحطلج مسكنات تقلل وجعج

-وين عثمان ؟؟

-منو تقصدين زوجج؟

-اي وينه؟؟؟ اريدة

-كل عائلتج بره حبي هسه اصيحلهم

هزيت راسي بدون كلام وشويه شويه بديت أحس بنفسي ارتاح ويقل الوجع بعد ما حقنت ابره بالمحلول .. قبل لا تطلع حجت

-ما عندج غير العافية حبيبتي

-الله يعافيج

طلعت وبعدها بثواني دخل عثمان ومن شفته حسيت أرتاحيت حيل وهو تقرب مني مبتسم وحط ايده على أيدي وسأل بهدوء

-شلون صرتي حبيبي انتِ؟ شنو يوجعج؟

-أحسن، شنو بيه عثمان ليش هيج اتوجع؟

سحب نفس وطبطب على أيدي بهدوء وحجه

-مابيج شي حبي بس مضاعفات بسبب حبوب منع الحمل مأثره عليج

-معقوله؟؟ لا تجذب عليّه

قبل لا يرد بشي انفتح الباب ودخلت أمي وخاله الي من شافني ايتسمن وماما حجت

-امنية: الحمدلله على السلامه امي اخر الأوجاع يارب شلونج؟

-الحمدلله الله يسلمج ماما

-فيروز: يا حبيبتي الحمدلله على سلامتكِ معوضين خير

-الله يسلمج خاله بس شنو صارلي؟ ما فاهمه اني على شنو تتحمدون الي بالسلامه

تبادلوا كلهم النظرات وطگت روحي وردت اگوم بس ماگدرت احس نفسي مشلول جزئي الجوه من الوجع رغم هسه هدأ الألم

تقرب بسرعة مني عثمان وحط أيده على كتفي يرجعني نايمه وحجه بحرص

-ارتاحي لا تتحركين مو زين

-شبيك عثمان شصار

تنهد وحجه جمله يمكن زرفت گلبي

-اجهضتـي انتِ