مراس الدعجاء

Part 25

#مراس_الدعجاء

للكاتبة هدهد

لا تنسون التصويت والمتابعة للحساب وتعليقاتكم الي احبهم 💛

✤———————————————✤

سمعنا صياح خلاني اتيبس بمكاني وهو بسرعة ركض جوه واني حتى رجليني مابيه احركهم وگلبي وگع.. شكو!!

لحظات وگدرت اوعي على نفسي ولحگته وايدي على صدري أدعي وأول ما دخلنا شفت عماد واگف وبأيده شايل ميان وسمعت سؤال عثمان الي فززهم

-شبيكم؟

انداروا علينا وشافونا بالباب ونزلت ميان من حضنه مبتسمة وصاحت

-ميان: عثماااان

رد عليها بسرعة

-وجع منو جان يصيح وخابص البيت والصوت واصل لبداية الفرع؟

تبادلت ميان وعماد النظرات وحجه هو

-عماد: شبيك يخوي معصب جنت ألعب وياها ونلزك بالنفاخات

فرك عثمان راسه واني تنهدت مبتسمة بتفاهه.. صياحهم عبالك واحد ميت
اندار عثمان عليّه واجه سحبني من ايدي وحجه

-تعالي شبيج متيبسه هذوله مخابيل ما اعلمج بيهم بعد

رفع عماد حواجبه ما عاجبه وحجه

-عماد: لا والله ؟

خزره عثمان وهو بسرعة ابتسم وصاح

-عماد: يمممه اجو العرساااان

شويه وخاله إجت من غرفتها وهيّ تهلهل وردت أضحك من الحرج .. أحس اكره هاي الاجواء وفد خجلانه منهم .. ضغط عثمان على أيدي وشفته يباوعلي مبتسم ورديت الابتسامه إله

-فيروز: يا صباح الخير والحب والفل والياسمين ياعمري انتو الله يسعدكم ويهنيكم ويرزقكم الذرية الصالحة يارب

-تسلمين حبيبتي

بوستنا وكعدنا كلنا بالصالة والي عرفته سفرة رائد بعد يومين
بقينا بالبيت مالهم شوية وقررنا نروح لبيت أهلي

أحس مشتاقتلهم حيل رغم أمس شفتهم..

دفعت الباب مال الشارع ودخلت متحمسه حيل لشوفتهم ودگيت الباب
مال الصالة لان جان مقفول وشويه وانفتح وتلگاني بابا الي اول ما شفته ما تحملت وحضنته حيل وهو ضحك وحجه