#مراس_الدعجاء
للكاتبة هدهد
لاتنسون التصويت والمتابعة للحساب مع تعليقاتكم الي تأسرني 🤎🤎
مـرات اليحب مـن ينلچـم يرتاح
چا هيه الجروح الفاهيه شتسوه ؟
احمد عاشور
✤———————————————✤
دخل عمي وبأيده لازم ايد مجتبى الي من شفته چان مبوز عساك لا فرحت يالاغبر ، تقرب ناحيتي عمي يبتسم وتقرب وگف يمي وحچه
- فارس: هلو عمي شلونج شخبارج شلون صحتج؟
- الحمدلله يارب
صفن عليه شويه وحجه
-فارس: مبين لسه خاطرج مكدر علينه؟
- ماعندي شي وياكم حتى يتكدر خاطري عليكم عمي
هز راسه واجه يسحب مجتبى يخلي واگف يمي واني بسرعة ابتعدت وحجه عمي
-فارس: اجيت اليوم أطيب خاطرج واوعدج حتى دعاء ما راح تگرب لمجتبى ولا يعيشون بغرفه وحده وانتم الكم الطابق الثاني كله وحدكم شرايج؟ وخلي الموضوع بيناتنا واحجي لأبوج انتي مازعلانه علينه مو ضروري كل شي تسولفيله ترى بيناتكم هالسالفة لتشاركينها بعدين انتِ وزوجج هم سوالفكم تطلعينها
رفعت حواجبي من صلافته وبأي حق جاي يحجي هيج موضوع؟ واني بسرعة رديت
- منو گلك اني موضوعي موضوع غيرة ويتقرب لدعاء مدري شنو؟
- فارس: حجتلي دعاء من دزيتهه تصالحج
دخنت من كميه الحقارة الشايلينها لا وطلع همه دازينها؟ لعد دموع التماسيح شطلعها؟ هزيت راسي برفض وحجيت
- مابيني وبين مجتبى شي بعد وأهلي أولى من كُل شخص حتى يعرف سالفتي الحمدلله ما اضم عليهم شي واذا زوجي من البدايه مابي خير اعذرني لو شيصير ما أضم السالفة مثل ما انتو مدخلين روحكم بكل المواضيع الي جانت المفروض بيناتنا وتخص حياتنا مو صح؟ لو حلال عليكم حرام عليه؟
عقج حواجبه وحجه متنرفز
- فارس: شنو من لسان صدك ماجذبت بيج نرجس وطلعتي ملسنه وما مربايه
- أكو فرق بين الما مرباية وبين الي تحجي الحق ياعمي المحترم
قبل لا يحجي شي سحبه مجتبى وحجه بسرعة وهو يخزرني عباله يخوفني الاغبر
أنت تقرأ
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
