#مراس_الدعجاء
للكاتبة هدهد
وأخافُ يومًا أن أُحبَّكِ
فوقَ ما تتَوقعينَ
فالعُشقُ عِندي
غَيرَ كُل العاشِقين
عِشقي أنا كالنارِ ،
كالإعصارِ ،
كالزلزالِ ،
كالبُركانِ ،
عِشقي ثائِرٌ
لا يَستَكين
عِشقي كَسيلٍ جارِفٍ ،
نهرٌ يَصبُّ مشاعِري في الآخَرين
عِشقي عَطاءٌ دائمٌ
فإذا طَلبتِ شيئًا كان
وإذا طَلبتِ العُمرَ هَان
لكِ دائمًا ما تَطلبين
يامَن مَلكتِ الروحَ ،
والقَلبَ المُعذبَ بالحَنين
رُفقًا بمَن تتمَلكِين .
✤———————————————✤
-تريدين تعرفين شنو شعور الحب الحقيقي؟
باوعت لعيونه بتعجب وميلت راسي
-مفهمت ؟
توترت من تقرب بهدوء وقاطع الصمت الباب من اندك وبعدها دخل
عماد الي من شاف عثمان قريب مني غمزله بخباثه
فجأة بديت استوعب محادثتهم قبل كم يوم.. مو عثمان نفسه الي
گال مايحبني لعماد؟ لعد شنو أسمي تصرفاته؟
-عماد: امي تصيحلك صار فترة بس مبين فاقد
تقدم منه عثمان ودفره وطلع ، ضحك عماد
وتقدم مني وحجيت بسرعة
-ترا ماصار شي جنه نسولف
هز راسه مبتسم وگال
-عماد: شعليه اني؟ لتبررين الي
سحبت نفس وطلعت اريد اروح من كل المكان ما اعرف شلون جنت اتصرف هيج يعني الكل عارف ان عثمان عنده حبيبه واللي باين همه مامنفصلين حتى ومحد يعرف
تسحبت وطلعت بعد ما شفت انه لا عثمان ولا امه بالصالة
طلعت وبوجهي للبيت اريد اختلي بنفسي
چان اكو شعور مُر احسه بس حاولت اطنشه
مو من حقي أحس هيج
عثمان عنده غايه بهذا الزواج والاكيد مو حب
يعني شلون تصير حب؟؟؟؟؟
معقوله هو هذا انتقامه؟
للآن بنظرة انا الي اذيته وسببت بسجنه؟
ساعات بقيت أفكر بيها وطنشت كل الناس وحتى اكل ما اكلت
لازم افكر بمصيري عدل ولازم ما اقرر الا افكر بكل الاحتمالات
الي تجي من بعد قراري
أنت تقرأ
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
