#مراس_الدعجاء
لـ الكاتبة هدهد
لاتنسون التصويت ومتابعة الحساب ولا تبخلون عليه بتعليقاتكم الحلوة مثلكم🤎
امس حطيتهن مرسال يم مرسال
وعاينت الردودك ما استاهلها
مثل حطة صواع بحمل بنيامين
تتهمني بعمايل ماني عاملها
سعد شميل
✤———————————————————✤
نزلت أيدي الي رجفت برهبه وخوف وغضب من الي شفته .. حساب بي صورتي وأسمي ومنتحل شخصيتي .. اهتزت أوصالي وگلبي رجف شسوي؟
اخذت موبايلي وشفت محمد يخابر ، جاوبته وما حجيت شي
- ليالي لتخافين شكوه ويسحلوه سحل لرجلينج والله
- محمد شسوي؟ حتى لو انحلت السالفة كل الي بالجامعة عبالهم هاي اني وتشوهت سمعتي!!
- ليالي اصحي انتِ من يمته تهتمين لهالسوالف؟ وين ليالي القويه؟؟؟ شوفي انصحج اول شي تسوينه ترحين لابوج لو اخوج وتحجيله السالفه لان لو كبرت تتندمين
- شلون أفتح الموضوع ؟ مصيبه وهم مفصولة ؟؟
- لياااالي لتنثولين لازم يعرفون لتضمين عليهم
- هسه هسه رايحه احجي لبابا لإن حيدر عصبي يحطني ويدفنني بس ينفعل
- روحي ورديلي خبر
- ماشي
سديته وبقيت اتبلعم وأفكر.. صح لازم لاازم اگللهم ويعرفون مني وشيصير خلي يصير ما أهتم ومن يمته أفكر وأهتم بهالسالفه؟ أكيد شخص خايس سواها
قريت سبعتالاف دعاء بالثانيه ونزلت ادور بابا الي من يوم ما صارت السالفه تخارب مع عمو لأن هو ساس السالفة والبله .. الله يهدي، شفته گاعد بالصالة ومحد يمه ويطگطك بموبايله
نحنحت ورفع راسه وباوعلي وابتسم
- ها لولو اگلج
- ها بابا گول
- شصاير؟
بلعمت وحكيت ايديني بتوتر وحجيت بصوت مُزيفه الثقه مالته
- شصاير بابا؟
- بالجامعة؟
أنت تقرأ
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
