مراس الدعجاء

Part 10

#مراس_الدعجاء

الكاتبة هدهد 🌿

لا تنسون التصويت والمتابعة للحساب وتعليقاتكم الي احبهم 💛

..

أجيت وگلبي ما جبتة
‏ما أضعف ردت ولهالسبب عفـتة
‏وشفت عيونك بـ سكتة
‏گتلي شلونك وگتلك ....
‏آنهَ مشتاگلك وأنتَ؟

✤——————————————✤

كل شويه اتثاوب لأن مانمت زين بعد ما شفنا وضع السيارة وجامها المفلش بس الحمدلله طلع ما مسروق منها شي وهذا غريب وعثمان بسرعة دور على كاميرات المراقبة الي بالمكان وطلعن كلهن ميشتغلن للاسف

السالفة بفعل فاعل ومبين عثمان عرفه بس بقى ساكت .. اخذ السيارة وراح واحنا رجعنا للبيت ومن تفكيري ماگدرت انام رغم تعبي بس ساعتين لأن ادري بي وضعه متلخبط وضاج حيل عليها

لبست جاكيت فوك تراكي الشتوي وطلعت من الباب رايحه لبيتهم ومن فتحته ما شفت سيارته وعرفته طالع بس دخلت للبيت يم البنات وفعلًا لگيتهن بالصالة ليان خلصت آخر سنه هندسه وگعدت بالبيت لان للان ماكو وظيفة وميان سنه رابعة بالصيدلية تدرس

اول ما أنتبهت الي هي ميان وحجت مبتسمة

-ميان: هلا هلا ليالي

- هلا حبيبي شلونكم

-ليان: بخير عمري تفضلي

گعدت يمهن وجانت ميان تدرس وليان تگلب بالموبايل ، حجيت اني

- عثمان وين؟

-ميان: يوه الله لا يشوفج شسوه معصب حيل

-ليان: اي حتى عطرة المفضل طشرة بالگاع ولأول مرة يسويها

- الله يلوم الي يلومه ولجن لو بيدي وأعرف السواها اذبحه

-ميان: ولج اي هاي سيارتة عزيزه عليه حيل ومن سنوات يبدل بيها ويعدل وكوووومه صارف جُهد ووقت وفلوس عليها لحد ما صارت هيج

-ليان: أتذكر من چان يبات برة حتى بس يصلح بيها وامي جانت تتعارك وياه وتلومه

-ميان: اي وخصوصًا من تزوج رائد اخوي الجبير وطلع بيت وحده بعد صار الرجال الوحيد بالبيت عثمان وجان من الاساس عنده شقه وحده بس غصبته امي يرجع يعيش ويانه لان ملازم نبقى وحدنه

-ليان: رغم جانت شقته مو بعيده بس امي حيل ما تأمن علينا

-شعجب من البدايه طلع وحده بشقه؟