#مراس_الدعجاء
للكاتبة هدهد
لا تنسون متابعة الحساب 💛
والتصويت والتعليق على كل فقرة احب تعليقاتكم 🎀
✤———————————————✤
دخلت للقاعة وأول شي نزعت عبايتي والشال وعزلت شعري بالمراية الي بالمدخل ودخلت جوه واول شي استقبلني بالقاعة وجه نرجس بالكوشة وعيوني تشخصت عليها بصدمة من شفتها لابسه نفس موديل بدلتي بالضبط
ونفس التسريحة وحتى أقرب شكل للمسكه،
شكل جسمها مو نفس جسمي أكيد بيناتنا أختلاف وهيّ اگصر مني وأكو اختلاف بالمظهر بس حرفيا نفس كل شي مسويه
أول ما دخلت توجهت الانظار عليَّه تقربت مني ميان وقبل لا احجي حجت
-ميان: اشش أعرف أعرف باعي التقليد هههههههههه شكد ماكو شخصية لج!!!!
أبتسمـت ورديت عليها
-ما توقعت بس تضحك شوفيها شلون تخزر عبالها ما اجي لان ما عزموني شخصيًا ، تعالي تعالي خلي انطي عباتي لأمي واباركلها ونركص
هزت راسها بأستمتاع وشگد احب ميان من تفهمني من نظراتي
تحركت اسلم على ماما وخاله فيروز سحبنا ليان ويانه وتقربت من الكوشة مبتسمة
-ليل: بالرفاه والبنين عُمري
-نرجس: شكرًا
-ميان: طالعة لقطة اختيار موفق نرجووس اهنيج، منو اختار وياج ؟ شوف الأبداع
صريت على شفايفي وما ضحكت من تغيرت ملامح وجهها بس حافضت على ابتسامتها وحجت
-نرجس: خطيبي إختار
-ميان: اهنيييييه عمي مو اختيار ناري
تحركنا ننزل وأشرت ميان لأم الديجي وصاحت
-ميان:عيوني عادي تشغلين اغنية مصرية؟ عاجبنا نهز شرقي
ضحكت وحجيت هم
-اي والله ببالي من فترة خصري يحكني
تجاوبت صاحبة الديجي بأبتسامه ويانه وشغلتها وحجت بالمايكروفون مالتها
-احلى ردح مصري لأحلى بنات
وشغلته..
ما احجيلكم حتى بعرس حيدر ما هزيت هيج والله
حرفيًا هزينا لحد ما انهلكنا والكل عبالهم أحنه من اهل العريس
أنت تقرأ
مراس الدعجاء
Akcjaمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
