#مراس_الدعجاء
للكاتبة هدهد
لا تنسون التصويت والمتابعة للحساب وتعليقاتكم الي احبهم 🎀💙
✤———————————————✤
كعدت من النوم أحس جسمي متكسر وأنتبهت عثمان ماكو مكانه فارغ يمي
وگفت ورحت للحمام غسلت وجهي وطلعت من الغرفة وشفته كاعد بالصالة وبحضنه حاط الحاسبة ولابس نظارته وگدامه كوب جاي
حمحمت وتقدمت منه وهو ابتسم وحجه
-صباح الخير بعد وكت
كعدت يمه وحجيت
-ليش الساعة هسه شگد؟
-بالاربعة الفجر
رفعت عيوني متعجبه وسألته
-ليش ما نايم؟
طگطگ رگبته وحجه
-نمت وگعدت بس انتِ جريتيها جره
-أحس للان نعسانه يمعود
ضحك وحجه
-أكو أكل ألج بالفرن
وگفت بحماس وحجيت
-الله صدك؟
هز راسه مبتسم واني رحت للمطبخ وفتحت الفرن شفته مسوي فطاير وحميتهم وطلعت ببسي وياهن وطلعت للصالة اشوفه يرتب بغراضه وسألت
-خلصت؟
هز راسه وگال
-عندي دوام وراح انام اربع ساعات قبل لا اروح
هزيت راسي وهو دخل للغرفة واني شغلت فلم وأكلت وخلصت وبديت اتصفح بموبايلي شويه
مر الوقت بسرعة وشفت الساعة صارت بالسته ونص ودخلت للغرفة على مهل وشغلت الاضوية وانتبهت لعثمان نايم ومتغطي كله حتى راسه فرتاحيت
طلعت بنطرون رسمي وقميص ولبست جواه بلوزه وشعري ظفرته وحطيت مكياج خفيف
ولمن دا البس بجواريبي حس عثمان ورفع الغطاء عن وجهه وحجه بنبرة نعسانه
-الساعة شگد؟
باوعت للساعة وحجيت
-سبعة الا ربع
تململ بمكانه ومطط جسمه ووگف .. مشه من يمي للحمام بس قبل لا يعبرني رفع ايدة وگرص خصري وضحكت
أنت تقرأ
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
