حبيبه من نوع اخر

ال7

الفصل 7

(وفي طريق ود وفيروز وماجد لتحت وقفت ود ومسكت ايد فيروز علشان تسالها على حاجه برغم انها عارفه اجابتها الا انها كانت محيراها.

ود: بس انتى قولتي ان كان دايما سهل عليا انى اعرفك ازاي انا ما عرفتكيش من الاول برغم انك كنت قدامي طول الوقت ده بسبب السلسله اللي انتي لابساها دي صح.

فيروز: ايوه صح ولما اتعلقت مني في النجفه وانا بلحق ماجد وقتها عرفتيني وشفتيني على حقيقتي وحسيتي بيا مش قادره اقولك وقتها كنت قلقانه قد ايه انك هتكشفي حقيقتي قدام ماجد ما كنتش عارفه ممكن اواجهه ازاي برغم انى مثلت اللغه الصعيدى كويس علشان متخديش بالك من حاجه..

ود: اخدت بالى من حتة الصعيدى دى..يبقى عشان كده ما رضيتيش تخرجي من الحمام وقت ما جيت لك وجبت لك الهدوم معايا لان وقتها السلسله كانت بره على الكومودينو.

فيروز: صح عشان كده اخترعت اي كلام عشان ما اخرجش ما انا كنت خايفه لا تعرفيني.

ود: عموما حصل خير المهم بعد كده ما فيش حاجه تستخبي عليا علشان نعرف نمشي الدنيا سوا ونشوف الموضوع هيرسى على ايه في الاخر.

فيروز: ما تقلقيش انا مش هخبي عنك حاجه تاني ابدا واي حاجه هتحصل بعد كده هتلاقيني جايه جري اقول لك.

ود: فهمت خلاص يلا بينا بقى عشان ننزل.

( كملوا طريقهم لتحت مطرح ما كانت العيله كلها واقفه تستنى نزول ود عشان يسمعوا اي تفسير عن كل اللي بيحصل من الصبح وعن اجتماعهم المغلق مع بعض فوق راح ماجد وقف قدام عمو عز مباشره وقال له باسف.

ماجد: انا اسف يا عمي على الكلام السخيف اللي انا قلته من شويه معلش اعذرني كان غصب عني والله اصل الحكايه اكبر من كده بكثير وعلشان خاطر حضرتك ما رضيتش اتكلم فيها انما ود قالتلي ان ما فيش مشكله لو قلت لكم وان كل حاجه نصيب علشان كده قررت ان انا انزل اصارحكم بكل حاجه.

(كلهم بصوا لماجد باستغراب ايه الحاجه اللي خلته يتعامل معاهم بالطريقه دي لكن نجمه كانت شبه فاهمه هو هيتكلم في ايه.

شرف: ماجد انا دلوقتي اللي بكلمك وعاوز افهم منك ايه اللي بيحصل هنا بالظبط كل تصرفاتك غلط في غلط وانا مش هسكت كثير على الكلام ده.

عز: ماشي يا ولدي فهمني ايه الحديت اللي ما كنتش عايز تجوله علشان خاطري ولو اني مش شايف ان في اي حاجه تخليك تتصرف بالطريجه دي حتى لو عشان خاطري.

ماجد: يا بابا ويا عمي والكلام ده لكل العيله كمان انا وفيروز بنحب بعض والكلام ده من زمان مش من دلوقتي لكن هي ما كانتش قادره توصلي وانا ما كنتش لسه اعرف عنها حاجه احنا عاوزين نتجوز انا ما كنتش عايز اتكلم علشان...

( قطعته نجمه بسرعه وهي بتتقدم في وسط اللي موجودين

نجمه: عشان ايه يا ولد عمي كاتم فرحتك في قلبك ليه ده يوم المنى اللي تتجوز فيه ونفرحوا بيك هو في حد جالك ان في اخت بتكره الخير لاخوها طب والله لا ازغردلك لولولولولولولي.